#لست هوارية
#فصل_٢٠
#آيه_عبده_النجار
***************
انتهيا سويًا من تناول الغداء، هب بنشاط واقفًا ليقول:
-سمس حروح لمحمد نلعب كورة.
" لا "
قالتها وهي تتناول الصحون الفارغة من السفرة متجها الى المطبخ،اتبعها ليردف بتزمر مكررًا لطلبه:
-لا ليه عاوز العب ياسمس.
اجابته في سرعة وهي تقف امام الحوض تجلى الصحون:
-لا متطلعش في القيالة ، تاخد لطشة شمس.
هز اكتافه للأعلى ليقول:
-مش حنلعب في الشارع، في بيت محمد.
حدجته بغضب لتقول:
-وبعدهالك يا بدر انت علي طول عنيد اكدة انا حزعل منك عاد.
رمقها بحزن ليزم شفتيه للامام، بينما هي لاحظته اقتربت منه قائلة بحنان:
-خلاص روح بس متعوقش.
ابتسم مجيبها في طاعة:
-حاضر، محعوقش.
قالها ثم تركها مباشرة لتكمل هي ما كانت تفعله، بعد مدة خرجت من المطبخ لتتفاجأ بباب المنزل مفتوح، أردفت بغضب:
-ماشي يا بدر قلتلك ١٠٠تقفل الباب وراك، انا حوريك كيف متسمعش حديدي.
حدجها بنظرات ذات مغزى وهو يقول:
-انتي متوقعة عاد بدر ده يسمع الحديد هههههههه.
انتفضت برعب فور سماعها لصوته، استدارت خلفها لتراه يجلس على احدى ارائك الصالون يضع قدما فوق الأخرى، فتحت الباب مرة أخرى لتردف بثقة:
-انت دخلت اهني كيف.
رمقها بابتسامة ليقول:
-منتي لسة قايلة انه ساب الباب.
رفت عينيها ببطء ثم أردفت بغضب:
-انت ايه اللي جابك ياعمرو.
انزل قدميه قليلا، ليستدير بجزعه العلوي للامام مستندا علي ساعديه يهتف بهدوء:
-ايه يابت خالتي المعاملة دي، الحق عليا جاي اعرض عليكي ان اوصلك كيف ما كنت بعمل كل امتحان، رغم خيانتك ليا بس انا حكون الاحسن.
حدجته بحدة لتقول:
-شكرا معوزكاش توصلني، اي خدمة تانية.
استقام من الأريكة، يتقدم بخطوات بطيئة في اتجاهه، بينما هي ارتبكت بتوتر وهي تراه يتقدم إليها، وقف امامها ليقول:
-كنتي طفلة ربيتك على أيدي دول واهتميت بيكي وحافظت عليكى كيف خيتي لاجل ما يجي اليوم اللي نتجوز فيه اي طلب تطلبيه كنت انفذهولك حتى لو كان غصب عن اي حد، وبعد ده كله تسيبيني.
شمس بحدة:
-وجاي دلوقيت تاخد المقابل.
حدجها بنظرات ساخطة ليقول:
-اتطلقي، احنا فيها اهو، انا عارف انك زي منتي اكيد الاهبل ده مش حيفكر في اكده، انتي لو بنت جاهلة من بنات البلد كنت قلت حتتكيفي مع الموضوع، لكن انتي متعلمة وعارفة يعني ايه جواز.
حدجته بنظرات نارية، فلم يخطر ببالها انه بتلك البجاحة:
-الزواج ياحضرة المحامي المحترم، شي اكبر من مجرد استمتاع، إسلامنا وضع الزواج عشان يحقق الرعاية والتكامل والتراحم بين الزوجين.
بسم الله الرحمن الرحيم
«وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ»
-تعرف، في الاول كنت مجوزاه مجرد جوازة والسلام، بس دلوقيت بحمد ربنا ان بدر جوزي علي الاقل واحد نضيف من جوه.
