Rainbow (သက်တန့်) (Completed)

R 5

Unicode

Chancellor ကခေါ်တယ်ဆိုလို့ ရိပေါ်နဲ့ ဖန်ရှင်း chancellor office ကို သွားနေကြသည်။ ၂ ယောက်စလုံးရင်တထိတ်ထိတ်။ သူတို့ ဘာအပြစ်လုပ်မိလေသနည်း။ လာခေါ်ခိုင်းတဲ့ staff ကိုမေးတော့လည်း ဆရာကြီးက သူတို့ ၂ ယောက်နာမည်ပြောပြီး သွားခေါ်ခိုင်းတာကလွဲပြီး သူလည်း ဘာမှမသိ ဟု ဆိုလေတော့  ၂ ယောက်သား ပို လို့ စိုးရွံ့လာကြသည်။

သူတို့ ၂ ယောက် ရုံးခန်းထဲဝင်လာတော့ ဆရာကြီးတစ်ယောက်တည်းမဟုတ်ဘဲ  သူတို့မသိတဲ့ အခြားသူစိမ်း ၃ ယောက်ပါရှိနေသည်။ ဆရာကြီးရဲ့ ဘယ်ဖက်ခုံမှာ တစ်ယောက်ထိုင်နေပြီး ထိုလူကို မြင်ဖူးသယောင်ရှိပေမယ့် သေချာတော့ မမှတ်မိနေ။ ညာဖက်ခြမ်းခုံမှာတော့ နောက်ထပ် ၂ ယောက် ထိုင်နေသည်။

"ဆရာကြီး ကျွန်တော်တို့ ရောက်ပါပြီခင်ဗျ"

"ဝမ်ရိပေါ်နဲ့ ကျန်းဖန်ရှင်း .. လာ ... ထိုင်ဦးကွာ တပည့်တို့"

သူတို့ ၂ ယောက် လည်း ဆရာကြီးနဲ့ မျက်နှာချင်းဆိုင်ခုံမှာ ဝင်ထိုင်လိုက်ကြသည်။

"သူတို့က MY Group က လူကြီးမင်းတွေပဲ။ သူက ဥက္ကဌချောင်မာရီရဲ့ အတွင်းရေးမှူး လီယွင်ရှန်းပဲ။ သူ့ကိုတော့ တပည့်တို့မှတ်မိမှာပါ။ ဟောပြောပွဲနေ့က ဥက္ကဌချောင်နဲ့အတူ ပါလာတယ်လေ"

ဒီတော့မှ ရိပေါ် ထိုလူကို မြင်ဖူးသလိုရှိတာ ချောင်မာရီရဲ့ အတွင်းရေးမှူးဖြစ်နေသည်။

"MY entertainment က တပည့်တို့ ၂ ယောက်ကို audition ဖြေစရာမလိုဘဲ idol အဖြစ် လေ့ကျင့်ပေးဖို့ လာကမ်းလှမ်းတာပဲ"

"ဗျာ..."

ဖန်ရှင်းက အလန့်တကြား ထ အော်ပြီးမှ သတိနဲ့ပြန်ထိန်းလိုက်သည်။ ရိပေါ်လည်း အတော်အံ့ဩသွားသည်။

"ဘာလို့ ကျွန်တော်တို့ ၂ ယောက်မှလဲ ခင်ဗျ"

ရိပေါ် မေးခွန်းအဆုံး လီယွင်ရှန်း ဆိုတဲ့ အတွင်းရေးမှူးက ပြုံးလျက်

"နောက်ဆုံးနှစ် ကျောင်းသားတွေရဲ့ အနုပညာတင်ဆက်မှုပရိုဂရမ်လေးတွေကို ဆရာကြီးက ကျွန်တော်တို့ကို ပြထားပါတယ်။ အဲ့ဒီထဲကမှ ဝမ်ရိပေါ်နဲ့ ကျန်းဖန်ရှင်းတို့ သရုပ်ဆောင်ထားတဲ့ 15 minutes show ကို ကျွန်တော်တို့ ဥက္ကဌချောင်က သဘောကျပြီး အခုလို ကမ်းလှမ်းလာတာပါ။ ဥက္ကဌ က အလားအလာရှိတဲ့ လူငယ်တွေလို့ ယုံကြည်ပြီး ကျွန်တော်တို့ entertainment ကနေ idol အဖြစ်မွေးထုတ်ပေးသွားချင်လို့ပါ"