ارهقتنى الحياه

السابع

يلا بقا بينا نكمل 😂💖

ظلت بين احضانه كالمريض الذى وجد واخيرا العلاج ..شدت على قميصه ففهم هو وضمها له اكثر ..كانت كتحاول ان تجمع قوتها وشجاعتها منه ...بعد وقت ليس بقصير ابتعدت عنه
همس : ابعد
ابتعد رائد : همس ممكن نتكلم
همس : وانا مش عايزه اتكلم معاك اطلع بررره انت عايز ايهه تانى قولى دخلتنى السجن و اخدتنى من البيت اللى اوانى و اتجوزتنى غصب هاااا افهم انت عايز ايهه تانى ...وليه بتعملوا معاااااايااا كده اشمعنا انااااا
رائد : احنا مين
همس : اطلع بررررره بقولك يااااا ااه صحيح هو اسم جوزى العزيز ايهه
رائد : همس است...
همس : هششش مش عيب بردو مكونش عارفه اسم جوزى العزيز ولا ايهه
رائد : همس بطلى بقاااا
همس : كان ايهه اااه رائد تقريبا مش كده
رائد : يووووه همس بس بقااا
همس : بسس ايههه بس اطلع بره مش عايزه اشوفك
تنهد رائد وخرج غاضبا بشده
===================================
عند عمر ووائل
وائل : افهم بس انت متنيل مودينا على فييييين
عمر : ياحج افهم هو لما همس دى اتسجنت مين اللى شهد انها ملهاش علاقه وخرجها من السجن
وائل : الحراس تقريبا
عمر : بس كده احنا بقا رايحين لفيلا رائد هنشوف الحراس
وائل : طب ما ممكن يكون رائد هناك انت بستعبط جايبنا دلوقتى ماكنت استنيت بكره يكون هو راح الشركه ولا حاجه
عمر : ضحكتنى والله رائد فى الفيلا ...ارهنك انه حاليا عند همس ولو ياسيدى فى الفيلا عااااادى هنقول جاين نطمن عليه مع انى متاكد انه عندها
وائل : طيب ماشى يلا
وصلا الى فيلا رائد
وائل للحراس : هو رائد جوا
واحد من الحرس : لا يااستاذ وائل خرج من بدرى ولسه مجاش
عمر : اممم طب بقولك ايهه تعرف استاذ سائر
الحرس : زوج الاستاذه قمر الله يرحمه طبعا يابيه عارفه انا كنت واحد من حراسه
عمر : طب كوووويس اوووى اسمك ايهه بقا
الحرس : اسمى جمال يابيه فى حاجه ولا وايهه
وائل : متخفيش ياجمال احنا بس كنا عايزين نسالك شويه اسئله وخلاص
جمال : اتفضل يابيه  انا تحت امرك
وائل بدون مقدمات : تعرف واحده اسمها همس
جمال : مرات استاذ سائر الاولى ايوه يابيه اكيد اعرفها
عمر : مراته الاولى ازاى يعنى
جمال : ايوه يابيه هو اتجوز ست همس وبعدها بكام يوم اتجوز ست قمر
وائل نظر الى عمر وبعدها وجه نظره الى جمال : ااه طب متعرفش اتجوزها ازاى
جمال : قصدك الست همس لا والله معرفش يابيه اللى كان مع استاذ سائر سائر وقتها اتنين ماجد وده حاليا واخد اجازه وواحد تانى اسمه سالم بس ده مسافر عند مراته
وائل : ماجد !!
جمال : ااه يابيه الصراحه ده اقرب حد للست همس لما كان استاذ سائر يحبسها او يضربها كان بيساعدها والله
عمر : بيضربها
جمال : ااه والله يابيه ياعينى عليها كان دايما يحبسها فى اوضه ضلمه ودايما كنا نسمع صوتها وهى بتصرخ وبتقول ان هى بتخاف من الضلمه
وائل : ااه علشان كده قتلته يعنى
جمال: ابدا والله يابيه اصلا يومها كانت ست همس هربانه عند خالتها وخالتها اتصلت باستاذ سائر عشان بجى ياخدها وبعدها راح استاذ سائر لوحده وجه ماسك ايد ست همس ودخلها الاوضه وحبسها وهى كانت بتصرخ بسبب الضلمه راح دخلها ومكناش سمعين غير صوت صويتها وكان شغال ضرب فيها وبعدعا طلع واخد عربيته ومشى دخل عليها ماجد يداويها وبعد كده جالنا خبر موت استاذ سائر يعنى هى والله العظيم ماليها دخل حتى
وائل : ااه خلاص تسلم يا جمال عن اذنك عندنا مشوار مهم
مشى وائل ووراه عمر
عمر : ليه مشيت كنا خلاص هنعرف كل حاجه
وائل : اللى احنا عايزين نعرفه مش عند جمال عند ماجد
عمر : انت مسمعتش وهو بيقول انه اقرب حد ليها يعنى بمعنى اصح القرد فى عين امه غزال
وائل : لالا ماجد ده انا عارفه مستحيل يكدب وكون انه ساعد همس فده معناه ان همس كويسه ويلا بقااا وكفايه بقا جو خالتى اللتاته ده
عمر : يلا يا اخويا
ذهبا الى منزل ماجد فتح ماجد لهم الباب
ماجد : وائل بيه اتفضل
وائل : انا اسف والله انى جتلك من غير معاد
ماجد : لا عادى ولا يهمك حضرتك تيجى فى اى وقت اتفضل
دخل وائل هو وعمر
ماجد :اتفضلوا تشربوا ايهه
عمر :تسلم يا استاذ ماجد احنا مش جايين نضايف احنا جايين علشان عايزين حضرتك فى حاجه
ماجد : لا ابدا حضراتكوا فى بيتى يعنى لازم تشربو حاجه
وائل :خلاص يبقى شاى
اخبر ماجد زوجته ورجع لهم مره اخرى
وائل : قبل اى حاجه انا حابب اتاسف لحضرتك على اللى حصل قبل كده لما رائد كان معايا انا اسف على اللى حصل ده انا مكنتش اعرف انه هيعمل كده
ماجد : انا عارف انك ملكش ذنب بس المهم هى عامله ايهه
وائل :هى الحمدلله وعلفكره رائد اتجوزها امبارح
ماجد : نعمم اتجوزها ازاى
وائل : بص هى حكايه يطول شرحها بس انا عرفت انك كنت اقرب حد لهمس فياااريت ياااريت تحكيلى سائر اتجوز همس ازاى
ماجد : سائر!! يلا الله يرحمه وحضرتك بقا بتسال ليه
عمر : بص يا استاذ ماجد احنا عايزين نساعد همس والله ولو مكناش عايزين كده مكناش جينا لحد هنا صح ولا ايهه
ماجد : تمام...(حكى لهم كيف تزوج سائر من همس وكيف كان يعاملها طول الفتره وكيف كان يريدها ان تقضى ليله مع شخص ولكنها لم ترضى وكيف ساعدها لكى تهرب منه وكيف خانتها خالتها واخبرته على مكان همس)
ماجد : بس كده بس انا اللى مستغربه ان ست قمر عارفه ان همس محبوسه ومع ذلك اتهمتها بكده
عمر : لالا ثوانى وضح ازاى يعنى
ماجد : لما ساعدت همس وخرجت من اوضتها بتكلم مع الباقى لقيتها بتتصل بيا قالتلى خرج همس من الاوضه اللى حبسها فيها سائر وتعالى على شقتى ولما سالتها ليه يافندم وكده قالتلى سائر مات ولما روحنا مسكت فى رقبه همس وقالت انها السبب فى موت سائر
وائل : ااه طب نستاذن احنا يا استاذ ماجظ وشكرا جدددا لحضرتك
مشى وائل وعمر
عمر : قفلت التسجيل
وائل : قفلته بس رائد مستحيل يصدق كلمه من دول لازم دليل فى ايدينا
عمر : اكيد طبعا بس ازاى بقا هنجيبه
وائل : مفيش غيرها قمر
عمر : قمر!! ازاى
وائل : قمر مفهمه رائد بان سائر بعد ما اتجوزها راح اتجوز همس وسائر كمان مفهم رائد بانه اتجوز هنس بسبب تهديدها يبقى قمر عارفه حاجه
عمر : انا فاهم ده كله انا بسال ازاى هتعرف منها قمر مريضه حاليا عايز تقنعنى انك لما هتروح هتقولك كل حاجه
وائل : لا طبعا بس انا هعرف ازاى هعرف منها
عمر : ايوووه ازاى بقا
وائل : مفيش اعرف دكتور معرفه كده هيساعدنا فى الحكايه دى هنقنع رائد بان قمر محتاجه الدكتور جامد وبعد كده سيب الباقى عليه
عمر : وانت متاكد بان رائد هيوافق
وائل : هيرضى متقلقش يلا بس  ثوانى
هاتف وائل رائد
وائل : ازيك يا رائد انت فين
رائد : فى البيت القديم واهو هطلع اروح اشوف قمر
وائل : خلاص هروحلك على البيت استناك علشان عايزك
رائد : فى حاجه ولا ايهه
وائل : لالا مفيش حاجه مهمه ندردش عادى
رائد : طيب اسبقنى وانا جاباك فى الطريق
وائل : تمام ياصاحبى
اغلق مع رائد ونظر الى عمر
وائل :يلا بينا على بيت رائد
عمر : ده ليه بقا
وائل : يلا وهفهمك فى الطريق
وصلا عمر ووائل
عند همس و رائد
دخل رائد عند همس وجلس بجوارها على السرير
رائد : همس انا عايز اتكلم معاكى شويه
همس بتقوم من السرير : وانا مش عايزه
رائد بزعيق : همس كفايه بقا اللى بتعمليه ده فى حاجات كتتتير عايزه تتفهم وانتى اللى هتوضحهالى
همس ببرود : وايهه بقا الحاجات دى
رائد تجاهل نبره برودها ورد بهدوء : اتجوزتى سائر ليه وانتى عارفه انه متجوز قمر
همس : امم وانا لو جاوبت مثلا انت هتصدقنى
رائد :  تقريبا
همس : يعنى انا لما اجاوبك انت هترتاح
رائد : اكييد
همس بابتسامه مستفزه : بجد حيث كده بقا انا مش هجوبك ومش هريحك واعلى ما فى خيلك اركبه

وخرجت من الغرفه تاركه رائد فى قمه غضبه
رائد بعصبيه وبصوت عالى وصل الى مسامع همس : ماشى ياهمس براحتك انا هسيبك دلوقتى بس هرجع وهعرف مااااشى سلام
وخرج من الشقه باكملها تركها فى حيره لماذا تغير هكذا فقبل ذلك كان يهددها ويتمنى قتلها ولكن الان يريد معرفه كيف كانت طبيعه علاقتها مع سائر تذكرت احتضانه لها فهذه اول مره يحتضنها شخص من جنس الرجال فحتى والدها لم يحضنها فهو توفى وهى رضيعه ولم تجرب ذلك الدفئ الذى وجدته بين احضان رائد...ذلك الرائد الذى دق قلبها له حتى بعدما اذاها........
بس كفايه كده😂😂🌸