ليتها تكون النهايه

الحلقه الحاديه عشر

ليتها تكون النهايه
الحلقه الحاديه العشر
**************
أخذ الاطباء يفسحوا الطريق حتي يأخذوه الي العمليات .. جرت ماهي خلفهم وهي تبكي وهي تتحدث بألم :
_تميـــم .. ارجعلي يا تميــــم ارجعلي!
دخلوا الي غرفه العمليات وقفت هي امام الغرفه بدموع وهي تشعر بالقلق عليه .. تذكرت عندما ذهبت خلفه حتي تمنعه من الرجوع لتاج !
*** أخذت تتابع سيارته وهي تتحرك وتحدثت بهمس مخيف :
_مش بعد السنين دي كلها ترجعيله يا تاج مش بعد كل ده .. مش هسمحلك تكوني ملكه من تاني!
توقفت بطريقه مفاجئه وهي تري تلك الشاحنه تصتدم به بقوه صرخت بأسمه بفزع وتابعت السياره وهي تنقلب عده انقلابات متتاليه الي ان توقفت بالعكس .. هبطت من سيارتها مسرعه وهي تركض نحو سيارته وتصرخ :
_تمــــــيم .. تميـــــــــــم .. الحقــــــــــوني !
حاولت ان تأخذه ولكنها شاهدت تلك الدماء التي أخذت تظهر من السياره فصرخت بفزع :
_تميــــــــــــم لا متموتش .. بالله عليــــك يا تميــــــــم .. يانـــــــــــــــــاس!
اجتمع العديد من الناس حولها وأبعدوها وهم يحاولوا أخذه من السياره ولكنها كانت بالنسبه لهم محاوله مستحيله .. أخذوا يحاولوا عده محاولات متتاليه الي ان استطعوا اخراجه .. نظرت ماهي الي تلك الدماء التي تخفي وجهه اقتربت منه بفزع وهي تهز رأسه :
_تميــــم لا .. قــــــوم يا تميـــم .. قوم عشان تجيب تاج طيب .. قــــوم يا تميم متموتش قـــــــوم!
أخذت تبكي بقوه بجواره الي ان اتت سياره الاسعاف مسرعه وهم يأخذنه من بين يديها بقوه استمعت الي صوت الممرضه وهي تتحدث بقلق :
_نبضه ضعيف يا دكتور!
نظرت اليها بصدمه .. نظرت اليهم وهم يضعونه في  عربه الاسعاف .. ركضت الي سيارتها حتي تلحق بهم وهي تجفف تلك الدموع مسرعه وتحدثت بكره :
_مش هسامحك يا تاج لو تميم حصله حاجه .. مش هرحمك !
ثم قامت بالقياده مسرعه خلف السياره وهي تدعي ان ينجي الله تميمها .. فهي بالفعل تعشقه لشخصه وليس الا !***
أخذت تنظر الي غرفه العمليات امامها بشرود ورعب ظاهر .. استمعت الي صوت هاتفها أخرجته وهي تنظر الي المتصل .. اجابت عليه وهي تستمع الي جملته :
_تاج اترحلت علي السجن من شويه !
_ازاي ؟؟ مش المفروض فيه تحقيق ونيابه وحاجات كتير كده!
قالتها ماهي باستغراب من جملته تلك فتحدث الاخر ساخرا :
_احنا في بلد الوسايط والخدمات يا ماهي هانم .. بسهوله ممكن يعمل كده !
اغلقت الهاتق في وجهه دون ان تستمع الي شئ وهي تبتسم بفرح من خلاصها منها ولكنها لن تكتفي بذلك .. حتما لن تكتفي!
.......................................................
انتفض زياد من مجلسه وهو يستمع الي محدثه علي الهاتف وتحدث بصوت مرتفع :
_يعني ايه اتحولت علي السجن؟؟
استمع الي الاخر وهوو يحاول ان يحافظ علي ثباته الانفعالي وتحدث بغضب :
_يعني ايه وسطه .. ده قانون انت فاهم قانون .. قدر يتخطي القانون بالسهوله دي .. وازاي انت مقولتليش ان في واحد جالها ها!؟؟
استمع الي الطرف الاخر ثم اغلق الهاتف بغضب وهو يقوم بحدفه بطول ذراعه وأخذ  معطفه وغادر مكتبه حتي يذهب الي تاج .. ولكن استوقفه موظف الاستقبال وهو يتحدث :
_زياد بيه .. تليفون عشانك!
نظر اليه زياد بغضب شديد وتوجه الي الهاتف وتحدث بصوت اجش:
_نعم !؟
وقف وهو يستمع الي الهاتف وتحولت ملامحه الي صدمه وأردف :
_تميم عمل حادثه!!
تحدث الطرف الاخر مسرعا فادف زياد بحده :
_تعرف ليا الحادثه دي سببها ايه انت فاهم .. لازم تعرف كل حاجه النهارده احسنلك!
اغلق الهاتف بعنف وهو يغادر شركته توجه الي سيارته مسرعا وهو يجلس بداخلها وتحدث بضياع :
_طب اعمل ايه دلوقتي .. اروح لـ تميم ولا لـ تاج اعمل ايه يااااااارب!!
تنفس بغضب من تلك الظروف التي تلاحقهم جميعهم .. اشغل محرك سيارته وتحرك الي تلك التي تقبع بين جدران السجن حتي يستطع ان ينقذها !
...........................................................................
جلست علي فراشها وهي تضم قدمها الي صدرها بقلق مما حولها .. رفعت راسها الي السماء وهي تطلب من الله ان ينجيها من ذلك العذاب التي تشعر انه سيكون أبدي بالنسبه لها !
شعرت بأحد يجلس امامها فأخفضت بصرها ونظرت الي تلك التي الجالسه بتوتر فتحدثت الاخري بابتسامه هادئه :
_انا ريم !!
نظرت اليها تاج بقلق وحركت رأسها بإيجاب مسرعه  ضحكت الاخري عليها وتحدثت :
_مالك مرعوبه كده ليه ؟؟ انتي اول مره ليكي !!
حركت رأسها بالإيجا مره اخري فتحدثت الاخري بتأفف :
_هو انتي خارسه يا بنتي!
_لا بتكلم!
قالتها تاج مسرعه وهي تعتدل في جلستها فابتسمت الاخري :
_امال اي شغل الصم والبكم ده .. جيتي ف ايه بقي يا حلوه ؟؟ نصب واحتيال .. ولا اداب ؟؟
_قتل !
قالتها تاج بهدوء فنظرت اليها ريم بصدمه :
_قتل !! فكرتي تقتلي مين!؟؟
_راضي القاضي!
_نعععم انتي اتهبلتي في عقلك رايحه تقتلي راجل زي ده ؟؟
صرخت باستنكار في وجهها من جملتها .. فابتسمت الاخري بسخريه :
_لو سمحتلي الفرصه اني يرجع بيا الزمن تاني هقتله تاني بس المره دي في قلبه واكتر من طلقه!
نظرت اليها الاخري برعب منها ونهضت من مكانها وهي تتجه الي سيده اخري واخذت تردف اليها بعدت كلمات في اذنهاوهي تشير علي تاج .. حولت تلك السيده بصرها اليها وهي تتأملها بتشفي واقتربت منها وبدون تحذير قامت بدفعها بشده من فوق الفراش فسقطت تاج ارضا وهي تشهق بعنف وتنظر الي تلك السيده وهتفت بنبره غاضبه :
_انتي اتجننتي ؟؟
رأت تحول وجه السيده الي وجه اخر غاضب .. ابتلعت ما في جوفها برعب منها وهي تنظر اليها وتحدثت الاخري بغضب :
_هي مين دي اللي اتجننت يا حيله امك؟؟
كانت ستعتذر ولكنها تراجعت عن الفكره وهي تتحدث بعصبيه :
_والله مش محتاجه اقولك مين .. لأن اللي علي راسه باطحه بيخاف عليها !
_وديني لاربيكي !
واقتربت منها حتي تمسكها من شعرها ولكن يد تاج كانت اسرع منها وهي تمنعها بقوه وجدتها تخرج اداه حاده لا تعلم كيف اتت بها داخل السجن .. اخذتها من يدها بعنف وهي تضعها علي رقبتها وتحدثت بغضب عارم جعل الجميع يتراجع :
_انا دكتوره .. وعارفه في التشريح كويس اوي يعني انا مش سوابق ولو هبقي سوابق مش هخلي واحده زيك اللي تعلم عليا انتي فاهمه .. انا كنت هقتل ابويا ومرمشليش جفن فاانتي مش هتبقي اصعب منه !
قامت بأبعادها بعنف سقطت ارضا رفعت تاج تلك الاداه بيدها وهي تتحدث بصوت عالي :
_ياريت كل واحده تعرف حدودها كويس اوي لأنني كده كده بايعه الدنيا تمام .. وياريت تبعدوا بقي لأن الجو بقي خنقه !
نظرت اليهم وهي تغلق الاداه  بيدها واتجهت الي تلكالسيده التي اوقعتها ومدت يدها اليها وهي تتحدث :
_انا مش عايزه اعمل مشاكل مع حد ولا اعمل عداوه مع حد .. فـ ياريت تسبوني في حالي وانا كمان هكون بعيده عنكم!
ساعدتها ان تقف ثم ابتعدت عنهم وهي تدلف الي المرحاض واغلقت الباب خلفها جيدا وهي تنظر الي نفسها اصبحت تشبه المتشردات في طريقتها .. ضحكت بسخريه علي حالها وهي تتحدث :
_دكتوره .. ده انا محصلتش ساعي في مستشفي !
غسلت وجهها جيدا ثم نظرت الي نفسها بالمرأه الموجوده بقوه وخرجت .. توجهت الي فراشها من جديد وهي تجلس عليه واغمضت عينيها حتي تنعم ولو ببعض الراحه.. شعرت بأحد يجلس امامها تمتمت داخلها :
_واضح ان اليوم ده مش هيخلص !
فتحت حدقتيها بملل وهي تنظر الي ريم التي تحدثت مسرعه :
_انتي عارفه انتي عملتي ايه ؟؟ انتي علمتي علي الكبيره هنا ! عارفه ده معناه ايه ؟؟ انك لازم تخافي علي نفسك !
رفعت حاجبها بملل شديد وهي تتحدث :
_قولت قبل كده انا معنديش حاجه ابقي عليها .. يعني مش فارقه !
_انا قولت احذرك من غدرها!
قالتها ريم بلامبالاه ونهضت من جوارها تابعتها تاج ببطء شديد وتوقفت نظراتها امام تلك التي تنظر اليها بغل شديد وصل اليها .. ابعدت تاج نظرها مسرعه من امامها وهي تغمض عينيها من جديد حتي تنعم داخل ذكرياتها الهادئه متمنيه ان ينجدها الله من هذا العذاب!
....................................................................
_متعرفش ان القانون قال اللي بيغلط بيتعاقب !
كانت تلك هي الجمله التي رد بها راضي علي حديث زياد حينما سأله لمَ فعل بها هذا ؟ لمَ أرسل ابنته بنفسه الي التهلكه؟؟ لما جعلها لا تمتلك شئ !!
_ومتعرفش بردو ان القانون ده انت لغيته لما استغليت نفوذك ها ؟؟
قالها زياد بغضب فـ ردَّ عليه راضي ببرود غريب :
_والله انا مكنتش عايز اعمل كده ابدا .. بس هي اللي اضطرتني بعنادها !
_تقوم ترميها وسط شويه مساجين وسوابق!
_اللي غلط يتعاقب..
اجابه راضي بهدوء فتحدث زياد بغضب وهو يحاول ان لا تنفلت الاور من زمام يده :
_وانت عايز ايه وتطلعها !
حرك راضي يده بلامبالاه وهو يردف :
_انا مش عايز منك انت حاجه لأنك مفدتنيش بحاجه قبل كده هتفدني دلوقتي!
_تميم مش كده!؟
نطق زياد ببرود وهو ينظر اليه فأجابه راضي بسخريه :
_ما شاء الله انت وتاج ذكائكم واحد .. اه تميم !
_وانت متعرفش انك مش هتستفاد من تميم بأي حاجه؟؟
نطق زياد بسخريه شديده فرفع راضي حاجبه ببرود :
_عشان الحادثه اللي عملها يعني .. لا يا جدع ده لعب عيال مش كلام يعني !
_تقصد ايه؟؟
_اقصد اني ميهمنيش هوعمل حادثه مات عاش اللي يحصله يحصله .. انا المهم معايا الاتفاق اللي بينا والله عاش ونفذه هتلاقي تاج قدامك .. موافقش...
صمت حتي يثير غضب زياد والذي بالفعل صرخ بوجهه :
_هتسيبها تعفن جوه مش كده!
_بالظبط!
_ولو مات ؟؟
_يبقي الف رحمه ونور عليه وعليها !
انهي جملته بابتسامه مستفزه نهض زياد من فوق مقعده وهو يتحدث بقرف  :
_انا مشوفتش واحد زيك في حياتي!
_وانا مشوفتش واحد غبي زيك !
نظر اليه زياد باستغراب من جملته تلك فأكمل راضي  :
_ايه فاكرني مش عارف انك بتحب تاج؟!
_رااااااااضي يا قااااااضي!
صرخ زياد في وجهه بقوه يمنعه عن الحديث فتحدث راضي بابتسامه :
_ايه تنكر انك بتحبها .. عايش في دور المضحي من اجل سعاده الحبيب .. اوعي تكون فاكرني مش فاهمك زي الغبيه التانيه دي لا  انا فاهم كل واحد فيكم كويس اوي .. انتوا الثلاثه اغبيه .. تاج تميم انت .. كلكم اغبيه .. عايشين في وهم اسمه حب وشوفوا بيحصلكم ايه دلوقتي كل واحد منكم قلب مجروح .. انت عشان مش عارف تعترف بحبك لأنها للأسف بتحب غيرك .. تاج اللي استحاله ترجع لتميم لأنها شايفه نفسها حطام .. وتميم اللي قدامه ميت علامه استفهام وصعب يخلص منهم .. كلكم اغبيه!
نظر اليه زياد بجمود من تحليله هذا وتحدث :
_ولما انت عارف كل ده .. ليه سايبنا في اللعبه دي!؟
_عشان تبقوا زي ما انتوا كده .. كل واحد يعيش قلبه محروق واولكم تاج!
_انت ليه بتكرهها !؟
_ميخصكش!
قاطعه راضي بغضب  فنظر اليه زياد باستغراب من تحوله المفاجئ .. تحدث راضي :
_اعتقد وقتك انتهي .. اسيبك بقي مع وجع قلب جديد . اه وابقي سلملي علي تاج لو شوفتها !
تركه زياد وهو يغادر الغرفه تابعه راضي بنظراته وعندما ايقن انه ابتعد عنه ضحك ساخرا وهو يتحدث :
_فاكرين اني مش عارف انهم بيموتوا الف موته كلهم .. ميعرفوش ان اللعنه بدأت من عندي انا .. ولازم كلهم يتحرقوا بنفس النار اللي بتحرق فيها .. لأنهم مجرد اغبيه!
........................................................
ركض عدي مسرعا ناحيه ماهي وهو يتحدث بقلق :
_تميم .. تميم ماله وحالته عامله ازاي .. قوليلي يا ماهي .. ايه اللي حصله انطقي!
صرخ في وجهها مما جعلها تنتفض بفزع وهي تتحدث :
_كان .. كان رايح للزفته اللي اسمها تاج .. مشيت وراه بس فجأه عربيه خبطته .. اتقلبت العربيه اكتر من مره والدكاتره قالوا ان نبضه ضعيف ومن ساعتها معرفش حاجه يا عدي معرفشش!
انه حديثها ببكاء شديد وهي ترتمي داخل احضانه تجمد عدي للحظات قبل ان يحاوطها بيده وهو يردف بهدوء :
_طيب اهدي .. هيكون  تمام صدقيني .. تميم قوي استحاله نخسره .. خصوصا انه عند سبب يكمل عشانه!!
_تاج مش كده؟؟
قالتها ماهي بقوه وهي تبتعد عنه فتنهد عدي وهو يتحدث :
_ماهي لو تميم شك للحظه ان كل ده تمثيل من تاج زي ما قولنا .. اراهنك ان الشك ده راح وهو رايح ليها تاني .. انتي متعرفيش مين تميم وتاج .. دول روح واحده .. مش عايز اقولك ان كل اللي قاله تميم ده لو افتكر بس هيفتكر انه كان لحظات بيتوجع في اماكن غريبه في جسمه !
نظرت اليه بصدمه من حديثه فأكمل حديثه مؤكدا :
_والمشكله انه لما كان بيكشف مبيكونش فيه اي حاجه لدرجه انه راح لدكتور نفسي قبل كده بس بردو مكنش فيه اي حاجه !! اكيد بتسألي نفسك انا ليه مقولتش لتميم كل ده صح؟؟
حركت رأسها بإيجاب فأكمل بحزن علي حال صديقه :
_عشان خايف عليه .. خايف عليه ليتجرح منها من تاني .. تميم لحد دلوقتي وبرغم كل اللي حصل هو مش قادر يتصلح .. ولو كسرته تاني تميم هينتهي يا ماهي هينتهي .. مش هقبل اشوف صاحبي بينتهي وانا ساكت وف نفس الوقت مش هقدر اعملها حاجه لأنه هيمنعني !
_للدرجادي بيحبها!؟
سألته ماهي بشرود فأكمل هو بابتسامه :
_تميم عمره ما كان هيبقي تميم العمري الا بسببها .. طب انتي عارفه انه بقي تميم العمري عشانها .. عشان يثبتلها انه افضل وانها خسرت لما بعدت عنه .. من غير اللي عملته تاج تميم عمره ما كان هيوصل للي وصله دلوقتي ابدا!
نظرت اليه ماهي وهي تشعر بالضياع من كل ما سمعته .. نعم هي كانت تعلم بحبه لها ولكنها لم تكن تعلم كل هذا ابدا .. لم تكن تعلم انه يعشقها الي هذا الحد .. لقد ايقنت انها لن تستطع ان تصل اليه بسهوله .. فـ كيف تصل وقلبه ليس ملكا له .. بل ملكا لأخري!!
أفاقت من شرودها عندما رأت زياد يأتي أليهم وقبل ان يتحدث هاجمته ماهي :
_جاي ليه ها؟؟ جاي تشوف طليقتك عملت فيه ايه ها ؟؟ جاي تشوفه لسه عايش ولا مات عشان تطمنها مش كده ؟؟ جاي ليه ؟؟ عشان تشمتوا فيه انتوا الاثنين مش كده؟؟ مش ده اللي كنتوا عاوزينه تكسروا تميم .. بس ده بعدكم طول ما انا جنبه مش هسمح لحد يكسره .. لا انت ولا هي انت فاهم !
تابع زياد حديثها بملل شديد من تلك الجمل .. فبعد حديثه مع راضي اصبحت تلك الجمله لا تؤثر عليه ربما قبل ان يلتقِ بـ راضي لكان تأثر ولكن الأن لا !
نظر اليه عدي ببرود وتحدث بنبره جامده :
_خير يا زياد باشا؟؟ ايه اللي جابك ؟؟
_جاي اشم نفسي في المستشفي .. هكون جاي المستشفي اعمل ايه ؟؟ العب كوره!! جيت عشان اتطمن علي تميم !
قالها زياد بسخريه فتحث عدي هو الاخر بسخريه :
_لا وانت صاحب واجب اوي يا زياد بيه فعلا !! علي العموم شكرا علي سؤالك وتميم لسه في  العمل..
قطع حديثه خروج الطبيب وهو ينظر اليهم بأسي  . تحركت ماهي اليه مسرعه وهي تسأله عن حاله فأجابها بحزن :
_استاذ تميم اتعدي مرحله الخطر .. بس..
_انطق يا دكتور مش لازم جو المسلسلات ده!
قالها عدي بقلق بالغ فأجابه الطبيب  بأسي :
_استاذ تميم دخل في غيبوبه .. الحادثه ملهاش اي دعوه لأن مفيش اي شئ خطر استدعي انه يدخل غيبوبه .. واضح ان الغيبويه دي نفسي
نظروا اليه بصدمه فتحدث زياد هو تلك المره :
_وهو فيه وقت محدد وهيقوم ولا ؟؟
_للاسف دي حاجه في ايده هو !! عن اذنكم!
تركهم وذهب بينما أخذوا ثلاثتهم يتابعون فراش تميم وهو يخرج من غرفه العمليات متوجهه الي غرفه اخري .. بكت ماهي بشده واردفت بهمس :
_مكنش المفروض ده يحصل .. مش ده اللي المفروض يحصل لا !
رفعت نظرها الي ذلك الواقف امامها وتوجهت اليه باندفاع وهي تلكمه بقوه في صدره صارخه به :
_ارتحت دلوقتي .. ارتحت .. روحلها وقولها ان تميم دخل في غيبوبه .. بس قولها اني لو شوفتها قدامي هقتلها انت فاهم هقتلها .. لو عندكم ذره واحده كرامه بس متظهروش قصادنا من تاني انت فاهم .. امشي من هنا بقي امشــــي!
انهت حديثها بصراخ .. اقترب منها عدي وهو يحاوطها ونظر الي زياد وتحدث بصرامه :
_اعتقد انت سمعتها .. امشي من هنا بقي .. ابعدوا عن حياتنا كلنا امشي !
نظر اليهم زياد بأشفاق عليهم هو يعلم جيدا ما الذي يشعرون به فقد عاشه قبلا مع تاج !!
غادر من المشفي وهو ينوي ان يكمل يومه الذي يشعر انه من اصعب الايام التي مرأت عليه .. تحدث بأرهاق :
_اليوم مش عايز يخلص .. كل المصايب جت مره واحده محبتش تأخر!
ركب سيارته وهو يحاول ان يعرف بأي سجن وقعت به الاخري وهو يدعو الله ان يحميها مما ينتظرها فهو يشعر بأن تلك المأسي لن تنتهي الان ابدا !
.............................................................
كانت في وسط احلامها الوردييه كالعاده .. في وسط ذكريتها البسيطه التي عاشتها معه .. تلك السعاده البسيطه التي للأسف لا تعرف كيف تحصل عليها من جديد!
*** دلف الي داخل المنزل بعد يوم طويل شاق في العمل .. نظر الي تلك الشموع المتفرقه في اراء البيت .. انتفض فجأه وهو يجدها امامه صارخه :
_تميييمي .. تعااالي!
أخذته من يده دون ان تمهله فرصه للرد .. ثم قامت بتشغيل احد الاغاني الهادئه بالنسبه لها وكانت "الرقصه الأخيره " واقتربت منه وهي تتمايل معه علي كلمات الاغنيه وعلي وجهها ابتسامه هادئه ...
نظر اليها باستغراب وهو يتحرك معها علي خطواتها وهو يضمها بشده عندما استمع الي ذلك المقطع "احضنيني بـ قلب جامد هي ضمه الوداع" .. رفعت رأسها اليه وهي تهمس :
_انا بعشقك يا تميم .. بحبك اوي .. اوعي تكرهني ماشي!
لم يفهم معن حديثها ولا هي وعت ما تتحدث به ولكنها اكملت الرقص معه علي ضوء تلك الشموع الهادئه .. بسط ذراعه وهو ممسكا بها ثم جذبها اليه وهو يرفعها ويدور بها ببطء شديد وكأنهما في أحدي مسابقات الرقص .. أنرلها برفق وهو يدفن رأسه بين خصلاتها ومازالوا يتحركوا بتناغم علي تلك الالحان الي ان انتهت الاغنيه !
ابتعد عنها ببطء شديد وهو ينظر اليها والي ملامحها والتي للمره الاولي لا يفهمها .. تحدث بمرح ما :
_يعني بعد الجو ده كله وتشغليلي الاغنيه دي .. ضمه الوداع يا تاج .. ايه ناويه تسبيني وتمشي ولا ايه؟؟
ابتسمت بهدوء ولكن اختفت ابتسامتها وهي تبكي بشده نظر اليها بصدمه من تحولها المفاجئ بالنسبه له .. اقترب منها وهو يتحدث بفزع من حالتها :
_تاج مالك .. انا قولت حاجه ضايقتك طب ؟؟ حبيبتي فيه ايه؟؟
احتضنته بشده وهي تردف بنبره لما يسمعها :
_مش هقدر ابعد عنك يا تميم .. صدقيني مش هيكون سهل عليا بعدك!
لم يستطع ان يسمع شئ مما تتفوه به ابعدها عنه  وهو يمسح دموعها بأبهامه وطبع قبل هادئه علي وجنتيها وتحدث بابتسامته الخاصه :
_ممكن اعرف اي سبب الـ لؤلؤ اللي نول ده يا قلب تميم!
_لؤلؤ؟؟
قالتها باستغراب ممزوج بابتسامه فتحدث هو مؤكدا :
_ايوه لؤلؤ .. انا ياستي بعتبر دموعك لؤلؤ ملكيش دعوه انتي الله !
ضحكت عليه وحضنته بسعاده وهي تهمس :
_انا بحبك اوي يا تميم!!
_نهارك اسود لتكوني بتعيطي عشان بتحبيني!؟
قالها بمرح فنظرت اليه وهي تتحدث :
_عمر ما يكون حبك سبب عياطي ابدا يا تميم .. حبك دايما هيكون سبب سعادتي مهما حصل ايه ! خليك فاكر ده كويس!
اقترب منها بمشاكسه وهو يتحدث :
_ولو مفتكرتش؟؟
ابتسمت بخبث علي تفكيره وامسكت بـ ياقه قميصه وهي تتحدث :
_ساعتها هضطر اني افكرك .. بس لازم اعاقبك ساعتها انك نسيت كلامي؟
_وياتري حرم تميم العمري هتعاقبني بأيه؟؟
_ممممم !! سبني افكر لوقتها ؟؟
قالتها وهي تبادله نظراته المشاكسه .. فابتسم هو عليها وهو يزيد من قربه وتحدث هامسا :
_وحشتيني!
حولت انظارها حولها ثم نظرت اليه وهي ترفع أحد حاجبيها وتحدثت :
_هو بالشموع اللي موجوده دي .. هنتفحم يا حبيبي وساعتها بقي مش هيبقي فيها وحشتيني هيبقي فيها طفيني او انجديني ايهما اقرب؟!
ابعدها عنه بغيظ وهو يردف :
_والله انتي فصيله يا تاج والله فصيله انا غلطان اني عايز ادلعك !
ضحكت بشده علي حديثه واسرعت بإطفاء تلك الشموع عندما وجدته يرحل ثم تعلقت برقبته من الخلف وهي تحاوطه بأرجلها كالطفل الصغير وتحدثت :
_قولتلي اني وحشتك ها ؟؟
_لا قولتلك طفيني او انجديني ايهما اقرب؟!
قالها بسخريه منها فضحكت عليه وهي تطبع قبله علي وجنته وتحدثت بمرح :
_انت زعلت يا تميمي .. حقك عليا !
ابتسم علي مرحها الذي يحبه بها ثم امسك بيدها وهو يفلته من محاوطه رقبته وقبل ان تقع ارضا حاوطها سريعا وهو يحملها و وجهها اصبح مقابلا له .. وتحدث بمكر:
_كنتي بتقولي ايه بقي يا مدام تميم العمري!!
ضحكت بشده وهي تدفن رأسها داخل تجويف عنقه مما جعله يبتسم بقوه عليها وهو يقسم بداخله انها الوحيده التي لن يتحمل منها او عليها اي مكروه ابدا !***
أفاقت من احلامها تلك وهي تشعر بيد أحد تحركها بقوه .. نظرت اليها وجدتها ريم التي تنهدت براحه وتحدثت :
_ايه يا شيخه افتكرتك موتي ولا حاجه ؟؟ انتي نومك تقيل اوي!
نظرت اليها تاج بقوه وهي تحاول ان تستجمع شتات نفسها .. سألتها بارتباك واضح في نبره صوتها :
_فيه ايه؟؟
_ابدا كنت بطمن عليكي مش اكتر!
نظرت اليها بغضب شديد مما جعل الاخري ترتعب منها وغادرتها مسرعه .. تنهدت تاج بعمق وهي تبتسم علي ذكريتها تلك .. ليت تلك الايام تعود يوما .. حينها .. أكانت ستجازف من جديد ام ستبتعد عن كل هذا ؟؟ سؤال لا تعرف أجابته حقا !
...................................................................
مر شهر سريعا والاوضاع كما هي .. خرج راضي من المشفي بعد ان تعافي كليا .. تميم مازال في غيبوبته وماهي مرافقه له اغلب الاوقات وعدي يحافظ علي تماسك الشركات بقوه ولكن لا ينسي ان يطمأن علي تميم من وقت للأخر!
لم يستطع زياد طوال ذاك الشهر ان يتقابل مع تاج ابدا .. لم يسمحوا له بذلك اما هي .. فقد كانت تشعر بأنها محاصره جميع الاوقات من تلك السيده التي كانت اهانتها في المره الاولي وتوطدت علاقتها بـ ريم نوعا ما ولكن ليس بقوه !
دلف عدي الي الحجره وهو يري ماهي جالسه بجوار ذاك الراقد في الفراش لا يعلم ما الذي يحدث بالخارج .. نظر الي ماهي وهو يتحدث :
_لسه مفيش حاجه ؟؟
حركت رأسها بنفي وهي تنظر الي تميم بقوه لقد شحب كثيرا وتغيرت ملامحه . تحدثت بدموع محبوسه :
_انا اول مره اشوف تميم بالضعف ده يا عدي .. حتي في اصعب الاوقات اللي عاشها مكنش كده ابدا !
_ساعات لازم القدر يختبرنا ويهدنا عشان نفتكر دايما ان الحياه والقدر اقوي مننا .. مع اننا ممكن نغير القدر كله في لحظه ما بين ثانيه والثانيه بتحصل معجزات ممكن تقلب الكون كله!
حركت رأسها بهدوء وهي تمسك بيد تميم بتملك .. تحدث عدي مستأذنا :
_طيب انا همشي ولو احتاجتي حاجه اتصلي بيا !
قال جملته وغادر من الغرفه .. اخذت تنظر الي تلك الاجهزه التي اخذت عليها وتحدثت :
_قوم بقي يا تميم قوم .. مش ملاحظ انك طولت اوي .. ده انت الرصاصه معملتش فيك كده حادثه العربيه دي اللي اثرت عليك .. قوم بقي كفايه نوم .. قوم !
اغمضت عينيها بوجع وقد فقدت الامل في ان يُجيبها داعيه من الله ان يفيق .. لقد تدمر كل شئ في غيابه حقا !
.............................................
وقفت تنظر الي المرأه بضعه دقائق كما اعتادت تلك المده .. تعلم ان الذي منع زياد عنها هو ابيها .. فهي تعلم زياد جيدا لن يتركها وبالتأكيد لم يستطع الوصول اليها بفضل والدها !
نظرت الي تلك التي ظهرت خلفها في المرأه وتأملتها ببطء شديد ولكنها استمعت اليها :
_انا منستلكيش اللي عملتيه فيا اول يوم جيتي هنا .. حتت عيله لسه مطلعتش من البيضه علمت عليا انا وخلتني مهزله وسط الحريم كلهم .. بس مش انا اللي بسيب تاري !
التفت تاج اليها وهي تمسك بمنشفه صغيره تجفف بها وجهها وتنظر اليها بلامبالاه فتحدثت الاخري بغل كبير :
_لو انتي دكتوره.. فاانا بقي قتاله قتله !
لم تستطع تاج ان تفعل شئ .. وجدت شئ ما يغرز بداخلها شهقت بعنف وهي تشعر بتلك الاداه الحاده داخلها .. استمعت الي همس المرأه :
_راضي باشا بيسلم عليكي .. وبيقولك ابقي سلميلي علي الوالده .. ودي امضتي انا !
سحبت الاداه بعنف مما جعل الاخري تشهق بعنف اكبر وهي تسقط ارضا كالفرخه التي تم ذبحها وتنتفض بوجع .. وضعت يدها علي جرحها ثم رفعت يدها ببطء وهي تري دمائها .. ابتسمت باستسلام وهي تغمض عينيها مستمتعه بتلك النهايه التي اخذتها فهي اخيرا ستنعم بالراحه التي طالما تمنتها!
بينما في المشفي خاصه في حجره تميم .. فتحت ماهي حدقتيها بفزع وهي تشعر بجسد تميم ينتفض نظرت اليه بقلق بالغ وصرخت بأسمه ولكن توقف جسده فجأه وتوقف معه قلبه مُصدراً جهاز القلب صفيرا مزعجا للغايه وكأنه يعلن عن نهايه حياته لتكون هذه النهايه .. بل عفوا فهذه ليست إلا البدايه !!
.......................................................
..... يتبع
#Nemo