#احببت_جندي
(المقدمه)
مرت عليا اني شخصيا قصة حب جميلة جدا
كانت بين شخصين عطو للحب كل معناه ومع وجود العوائق والمشاكل الي مرو بيها من أقرب الناس ليهم الا ان قصتهم انحفرت وكانت تمثل الحب الحقيقي
وكتبت القصه بناء ع طلب بطلة الرواية وصاحبة القصة ( صديقتي زهرة )
اول شي نعرفكم ع الشخصيات والأبطال
زهرة مواليد 2000 متوسطة الطول بيضاء وعيونها صغار وأنيقه وجدابه تقرا سيمستر أول تقنية طبيه
اما البطل اسمه على مواليد 93 طويل وعريض حنطي البشره شخصيه وانيق ومعروف
هاضم الأبطال والباقي ح تتعرفو عليهم من الرواية
زهرة : نضت زي كل يوم بكري لان سكني بعيد ع معهد الي نقرا فيه اني نسكن ف مدينه والمعهد ف مدينه تانيه وكنا نمشو مجموعه كبيره ف باص
وصلنا المعهد زي كل يوم وخشينا لمحاضراتنا وبعدها طلعنا
زهرة : هيا بنات نمشو نقعمزو ف مكان ع بين مجي وقت المرواح تعبت من الدوران
سها(صاحبة زهرة) : أي اي هي نمشو حتي ني تعبت
ريان (صاحبة زهرة ): أي هي نمشو لا لا لا بنات مصارش شوفو من جي الشخصيه هذا مش متحوله من مكاني
زهرة : اني بنمشي نستريح وانتم اقعدو هني
ومشو البنات لمكانهم المعين الي يقعمزو ويستريحو فيه طبعا وريان اتمتم عليهم كيف مخلوهاش تشوف الشخصية الي هوا (على)
ف مكان تاني ف المعهد نفسه
علي: البنات التلاته الي شفناهم وحني خاشين فيهم شن وضعهم زعمه 🙂
جلال(صاحبه): مشعارف ي قدر لكن توا نشوفو محمد الي ف الكفتيريا اكيد يزبطهم...... شن من انت عجباتك وحده منهم ولاكيف
على: من قبل فيه وحده فيهم كل منجي للمعهد لافتتلي نظري وتوا الوضع اطور بدي الجيان ع خاطرها
جلال : لنقنك كبدت ي صاحبي 😂💛
علي :اي اي مش غير كبدت 😍
جلال: باهي نوض نديرو دوره ف المعهد وبالمره تشوف الكبيده وبعدها نخطمو ع محمد يطلع من الكفتيريا ويقوللنا شن وضعها
علي : وحتي هكي راي هيا نوض
ناضو الشباب وقعدو يدورو ويدورو ف كبيدة علي لين لقوهم
جلال : اهم يمينك ي غالي فيه وحده تشوفلك ترا اعطي نظره وشوفها هي ولا
علي : ت لا لا مش هي هاديكه الي لابسه دجاكه بيضاء
وسبيدرو أحمر
جلال: اها ت هديكا حتي عيونها مقامتهمش فيك 😂
من رايي شوف هاديكه ت بتاكلك بعيونها
علي : مش اني الي اخترت باش نغير هذا الي اختار( واشر ع قلبه )
........
ريان : حي ي بنات شوفو من مقابلنا 😍😍😍
سها : اي صح للاحظت انهم لحقونا
زهرة : استريحتي توا ريان اهو جاك شخصيا 😂
ريان : مش حب غير شخصيه ويقتل بس 😂😂😂
سها : حيييي جاهم محمد متاع الكفتيريا
زهرة : وشن كان جاهم شن دخلنا احني
سها : كيف شن دخلنا واضح صاحبه ديمه لما يجي يفوت طول لكفتيريا وتوا جايبنيا ويتكلمو يشوفولنا معناها يسأل علينا
سها: غير اشبح ع من يسأل ومن هوا الشخصيه الي ع يمين والا الشخصيه الي ع اليسار 😂😂😂😂
زهرة : نهاري حشمتنونا نزلو عيونكم شن العار هذا
ونوضو بنحولو من المكان
سها وريان : أووووووف باهي باهي نوضي
...............
وفات الوقت عادي وجي وقت المرواح وطلعنا من المعهد لقينا علي ف سيارة بيضاء فاتح نص الشباك ويشوف ولاحظت ان يشوفلي اني (زهرة) لكن استبعدت الشي هذا ومخليتاش يسيطر ع تفكيري لان مخططه ام مش ح نخش ف علاقه من المعمد ابدا
وروحنا
............
علي: بعد مروحت هي حسيت ان مش لازم نقعد ف المعهد روحت ع طول بعدها مع ان لاتوا مافيه شي بس احساس قوي مسيطر عليا
خشيت للحوش وطلقت السلام
نورية( ام علي) : وعليكم السلام وليدي وين كنت
نيزك (خو علي ) : وين يعني ف الكليات 😂
عبدالمهيمن(خو علي) : متنكرش شفتك بعيني انت وجلال ماشي جيهة المعهد😂
علي : مش ح نرد عليكم بنرد ع ست الحبايب بس
كنت نشوف ف كنتك ياغالية 💖💖
نيزك ومهيمن::: واخيرا شفناك مكبد ي برو 😂😂💖
نورية : هذا اليوم المبارك ي وليدي.من هي وبنت من ونمشي اليوم قبل غدوة نتملك فيها ✊
علي : لالا مزال ادعيلي بس
نورية : ربي يعطيك مافي بالك ويريحك
علي خش للمربوعه وقعد يفكر هوا الشخصيه القويه المعروفه الي لو يأشر بصبعه بس يلتمو عليه تأسر تفكيره بنت برانيه ومش عاطياته وجه لهدرجه
بس محبش يكمل تفكيره لمجرده تفكرها ابتسم وسرح ومشي لمكان تاني .......
فات الوقت عادي وفات اليوم وجي تاني يوم وطلعو البنات لمعهدهم وخشو محاظرتهم وبعد طلعو
زهرة : يابنات ميته جوع هي نمشو للكفتيريا
سها وريان : هي ع طول
مشو البنات وصلو للكفتيريا
زهرة : خودو انتم معنديش خلوق لزحمة الكفتيريا
البنات : باهي هي
مشو وبعدها ولت سها
سها: زيزو الي ف الكفتيريا سألنا قاللنا البنت التالته الي معاكم نبي نقوللها كلمتين كان تقدر تجي للكفتيريا
زهرة : شن يبي هذا 😨
سها: مشعارفه هي تمشي ولا نفوتوه
زهرة : فوتي فوتي خديتو الفطور هي نمشو نفطرو
ومشيمنا وفطرنا بعدها ولينا ندورو تاني وخطمنا من جنب الكفتيريا
محمد( صاحب الكفتيريا وصاحب علي): زهرة لو سمحتي ممكن دقيقه
زهرة: 😨 نعم تفضل
محمد : ..................# يتبع
