#الحلقة_٣
يلي كانوا في الحوش كلهم شافوا لبعض بنظرات مصدومة من تصرفات رناا !!!
________________
خشت للقاعة بكري زي عادتها ، خشت بخطوات هادية وهي حاطة سماعاتها ، وصلت لعند اول مدرج قعمزت فيه ، حطت رجليها فوق بعض وطلعت تليفونها من جيبها وبدت تبربش فيه ، القاعة فاضية ومافيها حد غيرها ، لازم كل يوم هكي ادير واتجي اول وحدة بش تضمن انها تقعد في مقدمة القاعة
ضروري تكون قريبة من الدكتور لما يشرح بش تقدر تركز في كلامه ، لأنها عكس باقي الطلاب لما تكون القاعة بنسبة ليهم هدوء ومافيش صوت ، هي يزيد عندها معدل الاصوات والدوشة يلي حولينها بسبب كثرة الافكاار والكلام يلي موجود في دماغاتهم ، الموضوع عندها كان مزعجج لكن تعود في روحها على الوضع هدا بالغصب بش تمشي حياتها
حولت السماعات لما شافت الدكتور قريب على القاعة ، حست بالدوشة رجعت لودنها لكن مادورتش
خش الدكتور بخطوات هادية للقاعة وهو يشوفلها بإبتسامة " ياريت كلهم زيها محافظين على مواعيد محاضراتهم هكي الطالب الصح " : صباح الخير
ابتسمت احلام ابتسامة عريضة لما سمعت شن قال في نفسه : صباح النور دكتور
الدكتور يرتب في الاوراق يلي في ايده فوق الطاولة : ها جاهزة للأمتحان
احلام بإبتسامة تشوفله : اي جاهزة
شافوا الاتنين يمينهم لما شافوا الطلبة بدوا يخشوا للقاعة وكل شوية الاعداد تزيد ودوشتهم جاية معاهم
احلام لا شعوريا خدت السماعات وحطتهم في ودنها على طول اول ماسمعت دوشتهم
............................................
حطت راسها على المخدة وكملت بكاها ، مافهمتش علاش يتصرفوا هكي ناحيتها ، تصرفاتها قاعدات نفسهم مافيش حاجة تغيرت هما خيرهم تغيروا ؟ ، كملت بكاها وهي شادة المخدة وكل شوية بكاها يزيد اكتر
في نفس الحوش كانوا العيلة متجمعين في الصالة ويتكلموا عليها وعلى الحالة يلي وصلتلها
امها تكلمت من بين دموعها : معش فهمت خيرها والله ما عااد فهمت امس كانت طبيعية
خشت خالتها في النص وهي تشوف لأختها : يا ناادية بالك بنتك مسحورة ارفعوها لشيخ
يلي في الصالة كلهم تلفتوا لبعض لما سمعوا كلمتها
نادية حطت يدها على خدها : حي علياا زعماا حق مسحوورة
خشت دنيا في النص وبوجهه متأثر : اني هكي نقول تصرفاتها مش تصرفات طبيعية بكل
تحركت نادية من مكانها وهي حاطة يدها على فمها بتفكير
شافتلها عزوزتها وهي خايفة على بنت ولدها : اسمعي ياا ناادية راهي بنتك ماهيش من بلااش ، كلمي بوها خلي يجي يرفعها لشيخ
أنت تقرأ
سايكو sayko (رواية ليبية )
Misterio / Suspensoشاف الدكتور لبوها : حرارتها مرتفعة حاليا ، طبيعي بدير حاجات مش من طبيعتها كانت تسمع في كلامهم وهي بتبكي سمعت صوت خوها وهو يشوفلها ، يتكلم في نفسه " حيي علينااا حيييي اختنا شكله بدت مهبولة " شافتله وبدت تعيط بإنفعاال : خيييررركم قاااعدة مهبلللتش ق...
