حطام الطفولة....
_______________________________
....:سمرا؟؟ سمرا؟؟
قاطع قراءتها جداتها...علات فيها عينيها الخضرين....
سمرا:نعاام؟ اجدة؟؟
حليمة شافت في الدفتر لفي يديها:شنو هداك؟؟
سمرا ابتسمات:امم...مذاكرتي كتبتها ملي كان عمري تسع سنين.
حليمة كلسات في نفس السرير معاها: مكنتيش سوهيلة يا اللفعة؟ تعلمتي تقراي و تكتبي بلا خباري انا و جدك.
سمرا حكات مؤخرة راسها: ماكنت قادرة ندير والو!!
حاولت نقنعكم تدخلوني للمدرسة و مبغيتوش ههه
حليمة حطات يديها على وجه سمراء:شوفي ا فيا ا بنتي.
سمرا سكتات و شافت في جداتها بتساؤول.
حليمة كتتفحص وجه "سمرا" الاسمر:ناضو فيك حب شباب؟؟
سمرا ناضت من ناموسية واتاجهات للمراية و بدات كتفحص وجهها:اه...شفتهم
حليمة حطات يديها على ذقنها و هي كتراقب حركات حفيدتها :قربتي تبلغي عليها....
سمرا:نبلغ؟؟ حتى انت ا جدة؟؟ راه يلاه عمري 12 عام مزال الحال. شوفي خديجة كبر مني بسبع شهور و مزال ما بلغات.
حليمة: كل واحد و كيف كيبلغ....وكل واحد و سن لكيتنزل ليه الدم.
سمرا نزلات راسها خجلا من الموضوع:صافي ا جدة كتحشميني.
حليمة ناضت و هي حطات يديها على ظهرها:انا غادة نعجن ....غير نسالي هنعيط ليك باش طيبيه.... شرفت مابقيت قادة على الفران و شغلو.
سمرا رجعات كلسات في بلاصتها السابقة :...اذا عيانة خليني انا نعجن؟؟
حليمة خرجات من البيت بلا ماترد عليها....معرفات واش مسمعاتهاش ولا تجاهلاتها....ولكن هي لقاتها من ااجنة و الناس و رجعات هزات مذكراتها تكمل قراءتها.... و في نفسها كضحك على الخط السيئ و الغير الواضح لبزز تقدر تفهمو تقول كانت كتكتب برجلها.
^مذاكراتي العزيزا...آكتوبو لكي هاذاا المقالا الجميلت
و اني اشتقت لك كثيرا يا مذكراتي الحبيبت^
ترسمات ابتسامة على فم "سمرا"...على هاد الاخطاء الاملائية و الجمل الركيكة ممتيقاش بلي هي بنفسها كتبات هاد الخزعبيلات
طلقات تنهيدة وهزات القلم
و فتحات صفحة فارغة في المذكرة
(( بعد ربيع الذي تلاه خريف....اكتب من جديد
بعد ان فقدت امل بالكتابة...و بعد ان ظننت انني لن استطيع....كان محيطي جاهل و يفرض علي جهله لكني منعت و هدفي حققت.
ها انا ذي قادرة ان امسك القلم و اكتب.
اطلق صراخاتي المكتومة على شكل كلمات....
بعد مرور اربع سنوات....ها هي سمرا ....اضحت بعمرها الثاني عشر....يا لسخرية الاقدار.
آضحى كل غريب قريب....رفيقة الدرب "خديجة"
التي كانت معجزة حياتي...كانت كجبريل و نبي محمد عليه السلام....علمتني كيف اقرء الكلمة و انطق الحرف و انا جاهلة لم ادخل المدرسة قط ....ها هي"سمرا"******
قاطع كتاباتها صوت جداتها ثاني....ناضت و شدات الدفتر. ماشي من الضروري تخبيه اساسا حتى آحد ما هيقري بما ان جدها و جداتها آميين و عمرهم دخلو للمدرسة ماكيعرفو لا يقراو لا يكتبو.....
اتاجهات للمطبخ التقليدي و شافت في جداها لكانت مربعة في الارض كتطرح الخبز.
سمرا:جدة؟؟ عيطتي ليا؟؟
حليمة:شعلي الفران راني قريبة نكمل.
سمرا خنزرات في جداها: هاانا غادة....قلبات عينيها و اتاجهات لبيتها....لوات على شعرها شال مزركش!! كتعرفو ألوان الطيف ديال قوس قزح؟؟ كلهم تجمعو في داك زيف لخاص يتحط في متحف للآثار القديمة.
خرجات من الدار...و حسات بنسيم صباح ضارب في وجهها ابتاسمات ببطئ كتحس بالراحة في هاد سكون و الخلاء...البلاصة خاوية و المنازل بيناتهم مسااافة كبيرة و امتار كثيرة...ردات خصلة من شعرها لخرجات من زيف...
و اتاجهات لفرن تقليدي...كان قريب من الدار.
هزات العواد و بدات كتعمر الفرن بيه....
و الملل باين على ملامحها المعقودة و ماعجبها حال. اكثر حاجة كتكره هي تشعل الفران و طيب الخبز فيه.
حيث بشرتها كتسمار و هاد شيئ كيزعجها و هي كتشوف كاع بنات دوار بيضات كي البيض البلدي \[●-●]/
و والديهم كيبعدهم على هاد نوع ديال الشقا....باش يبقاو زوينات و يجيبو راااجل ايه يا سي.
جمعات شفايفها و شافت في جداتها جاية عندها وفي يديها الوصلة ديال الخبز.
وصلات حداها و نزلاتها
حليمة: مزال ما شعلتيه؟؟
سمرا معوجة فمها :اوووف ها انا كنشعلو.
حليمة: ومالك معوجة سيفتك كيف شيطان؟؟
سمرا جمعات يدها لصدرها بعدم رضا: اووف ا جدة شوفيني كيف عزية؟؟ بحال الشكلاطة؟؟
حليمة ابتسمات و بانو نصف سنانها لي طايحين: علاه كاين شي حاجة حسن من الشكلاط؟؟
سمرا جامعة قنانفها: اه كاين سكر حسن من الشكلاط...بيض و كيبري.
حليمة قربات للفرن و بدات كتشعلو مخلية سمرا وراء ظهرها: انت ا بنتي تولدي هاكا...سمراء من عند الله. عليها سميناك"سمرا"
سمرا بدات كتطلق غوباشتها: سميتي غريبة؟؟ ياك؟؟
حليمة ملهية في شغلها :سمية ديال ناس المدينة.
سمرا بتساؤول :شكون سماني؟؟
حليمة سهات لحظة و نطقات بغصة: ماماك.
سمرا نزلات راسها للارض بحزن: الله يرحمها.
حليمة شافت فيها بحزن:امين و يشفع ليها على ذنوبها.
يتبع.....
