💕الوريثة_المفقودة💕

P.A.R.T 03

سامية نوضي قتلك سيقي لحالة
مايا ما نسيقش سيقنا لبارح صحتي طاحت ديجا مراناش هنا بونيشات
سامية يااااا صار من وينتا تعلمتي تهدري طوال لسانك
وفاء خلاص خلاص أنا ضرك نسيق وحكمت لبيدون نترتهولها مايا
مايا نحي من يدك حتى وحدة فينا ما تسيق لبارح سيقنا بزاف
سامية هايا خلاص بصح ديري في علمك مكان ني عشا ني فطور حتى تسيقو
مايا جبدت وفاء و دخلو للبيت واش كنتي راح ديري ااه بغيتي تكسريلي كلمتي ياك قتلها ما نسيقوش
وفاء سمعتيها واش قالت مكان ني فطور ني عشا يعني نموتو لشر
مايا إين و من بعد رآهم عندي دراهم و نشرو و ناكلو بتخبيا وفاء سكتت و قعدت تبكي

مايا بفففف أقعدي غير لنديب
وفاء علبالك مايا دايمن نخمم والدينا علاش رماونا هنا
مايا الانهم مشي قد مسؤولية صابونا حمل ثقيل عليهم أيا رماونا هنا
عند كريم
دخل راجل للبيرو سي كريم رانا صبنا لمرا لي تحوسو عليها وين تسكن
كريم أوكي قول لبيرم راني رايح للقصر قولو يتبعني
راجل حاضر سي كريم
رفد مفاتحو وراح طول للقصر
كريم أهلا جدي رانا صبنا المراه وين تسكن
سي سليم صحا وين رآه بيرم عيطلو باش نروحو على هدرتو دخل بيرم
هاني جدي
سي سليم هذيك هيا مالا أمشو

عند دار صفية أتفضل سي سالم تفضلو

قعدو فالصالون

سي سليم فالحقيقة أنا جيت نعرف بنت عمر وين

صفية سكتت و هبطت راسها راهي فالميتم

سي سليم كيفاش في ميتم

صفية إييه أنا ما كنتش حابة نحطها تما لكن ظروف لي لزتني نمدها للميتم بعد ما بعث سي عمر شوفور تاعو هنا يمدهالي شديتها عندي ودرتها كيما بنتي كان سي عمر كل شهر يمدلي مصروف بصح بعد ما دار أكسيدون وسمعت بالوفات تاعو جاتني صدمة طفلة كانت صغيرة و محتاجة مصروف مكانش منين نصرف عليها

سي سليم و علاش ما جيتيش ليا مديتيهالي أنا جدها وأولا بيها من ميتم

صفية فالحقيقة سي عمر نبه عليا ما نقلكم والو على طفلة

سي سليم صحا الميتم وين

صفية ناضت جابتلهم لعنوان

هذا هو لعنوان وإن شاء الله تصيبوها

كريم : علاش قادر ما نصيبوهاش

صفية نعم الانو وصلت سن القانوني 18 سنة و نضن في شهر سبتمبر تقفلها يعني بقالها شهرين

سي سليم خرج من عندها مع أحفادو نار شاعلة فيه

سي سليم هكذا يا عمر وليدي تخبي علينا بلي عندك طفلة و تمدها لناس يربوها الله يسامحك و يرحمك

بيرم جدي نروحو للميتم ولا للقصر

سي سليم لا روح للميتم

راحو للميتم دخلو

سامية نعم تت تحوسو على مايا ؟؟؟

سي سليم أنعم ما تقوليليش خرجت منا

سامية لااا هي موجودة لكن حاليا مراهيش هنا

سي سليم مالا وين

سامية ههه راحت تقرا ( كذبت عليهم هي راحت تطلب علبالها كون يعرفو تخسر خدمتها وبلاك حياتها)

سي سليم اممم مالا نسناوها راهي 4:00 على ما أضن مزالت مص ساعة و يخرجو

سامية في قلبها يا ربي واش هاذي المصيبة طفلة ما تجيش حتى للمغرب لاا سي سليم فالحقيقة هما مور قراية عندهم معهد رسم ميخرجوش حتى للمغرب

سي سليم اااا مالا حنا روحو غدوة نجو ندوها مذابيكم تستحفظو عليها حتى نجي وإلا و غمزها

سامية ولات تقطر من خوف كون يسمعو حاجة رقبتها طير

عند مايا

جات كي لعادة على المغرب

سامية كل يوم هكذا وين كنتي

مايا كنت نطلب يخي علبالك

سامية اممم على لعموم هذا نهار تالي عندك غدوة تروحي

وفاء لالا خالتي ما تحاوزيهاش ولات تبكي خلاص ضرك نسيقو ومتزيدش جي روطار

سامية هههههه مشي راح نحاوها جاو عايلتها يدوها

مايا و وفاء واشنو ؟؟؟! شكون ماما وبابا

سامية لالا جدك جا

مايا و هذا وين تفكروني

سامية دخلت وخلاتها وفاء راحت تجري لداخل تبعتها مايا واشبيك علاش تبكي

وفاء راح تروحي خلاص صافي نبقا وحدي

مايا وشكون قالك را نخليك رجلي على رجلك

وفاء ياي صافي تديني

مايا باينة

وفاء ياي نحبك و عنقتها