وفاء قاعدة فالبيت تقرا في كتاب حتى صونا تليفونها نميرو بريڤي ألو
مجهول ....
وفاء ألو أهدرو علاش تتمسخرو هكذا و جات تكوبي
مجهول بنتي وفاء
وفاء شكون نتي وين تعرفيني ؟؟؟!
مجهول بنتي وفاء أنا يماك
وفاء بقات مخلوعة م ماما!!
مجهول وي حبيت نسمع صوتك توحشتك
وفاء ماما وين راكي علاش نسيتيني قوليلي نجي ليك توحشتك
مجهول سمحيلي بنتي ما نقدرش باي نحبك
وفاء مامااا ماماااا أسناي ما تكوبيش تعيشي ألو
دخلت مايا علاش تضبحي واشبيك
وفاء مايا ماما عيطتلي قاتلي توحشتك
مايا مستها من جبهتها نن حمة مشي طالعة راكي مليحة في مخك كيفاش عيطتلك يكون كاش واحد يتمسخر بيك
وفاء لالا بصح عرفت آسمي و
مايا وفاء ختي ما تعيشيش على الأوهام يماك كون تحبك جي ليك مشي تعيطلك بنيميرو بريڤي سور كاش واحد يتمسخر بيك
وفاء سكتت
عند لامية
نعيمة وجدي روحك ليوم فاتحة تاعك ضرك جي حفافة توجدك
لامية ساكتة تخمم لبعيد زعمة قادر تحبو تنهدت و دخلت دوش
ليث فرحان ليوم خطبتو مع إنسانة لي حبها من صغرو بصح قلبو يبكي الإنسانة لي يحبها ما تبدلوش نفس شعور تنهد وفقال لازم نخليك تحبيني لامية لازم
وصل وقت الخطبة كامل وجدو رواحتيهم نعيمة تبخر للامية وتصلي على نبي
جيتي تهبلي يا بنتي ربي يحفظك مالعين
وفاء الله يبارك جيتي طووب
لامية مهبطة راسها
وصل ليث للقصر
سي سليم أهلا ليث وليدي
ليث أهلا بيك عمي قعدو فالصالون شوية وهبطت لامية وراها زغاريت مايا ووفاء لابسين قفاطن خرجو بوبيات وهابطين وراها العيلة كامل مجتمعة المعازيم بداو يجو جا الامام باش يفتحلهم
قعدت لامية قدام ليث مهبطة راسها وتبكي
الامام فتحلهم وبداو زغاريت ملاو القصر
بيرم بابراكة عليك راجل ختي
بيرم باس ختو من جبهتها ربي يهنيك ختي
جا باباها محمد ربي يهنيك بنتي و عنقها
كملت الخطبة و المعازيم راحو ليث و لاميا قاعدين فالجنينة ساكتين
ليث تنهد لاميا
لاميا محبتش تشوف ليه
ليث علبالي ما تحبينيش ومشي حابة حتى تشوفيا بصح صدقيني أنا نحبك نعشق فيك راكي دايرة في بالك كي حبستك من قرايتك أنو حطمتلك أحلامك بصح كلش درتو بدافع الغيرة لاميا مديلي فرصة نوريلك حبي و نخليك تحبيني راني نموت 1000 خطرة كي نشوفك مشي حاملتني
لاميا خزرة فيه هذا وين شافت لمعت الحب في عينيه علاش ماشفتهاش مالقبل لهاذ درجة كره عمالها قلبها ولات تجرحو وتعفس على حبو بلا ما تفيق تبسمتلو أوكي موافقة
ليث فرح بزاف أوكي 😍
عند كريم يمشي رايح لبيتو و يصفر حتى شافها جاية تبسم أهلا صغرونة
مايا حبست شافت فيه مرانيش صغرونة
كريم هههه وينتا كبرتي
مايا مكان مدخلك
كريم حكمها من يدها ( كاش نهار تتنحا في جرتو)
سڨمي ر** هدرتك معايا
مايا نترت يدها وكون ما نسڨمش واش دير
كريم تبسم وجبدها من يدها مايا جبدت روحها وجات تخبطو بكف
حكملها يدها تتتت بلاكي تعاوديها و عوجهالها ولا راح تتكسر
مايا نحي يدك عليا يا هم
كريم طلقها وفات
بيرم يحاول يتقرب من وفاء باش يوصل لي يحب عليه خلاص دارها في راسو
قاعدة في بيتها دقدق لباب
وفاء أدخل
دخل بيرم وغلق لباب
وفاء نتا واش علاش جيت
بيرم هكذا ترحبي بضيوفك
وفاء ناضت إيه هكذا
حاوطها بيديه
وفاء ريحتو دخلت في نيفها ذابت فيه
بيرم يهدرعلاش ساكتة
وفاء و والو
أنت تقرأ
💕الوريثة_المفقودة💕
Ficção Adolescenteجبتلكم كرونيك خفيف كي العادة نجوزو بيه الحجر الصحي فالقمة روعة الحق ❤❤ يالله تفاعل او جام على كل حلقة
