مايا أسمعي وفاء ليوم مور العشا نطلعو للبيت مديرو رواحنا راح نرقدو توصل 00 نهربو و نولو كلي مكاين والو
وفاء واشنو نهربو لالا أهربي وحدك أنا خاطيني مستحيل نجي معاك
بيرم واش لحباب وينتا روحو لسهرة قالك ليوم كاين حفلة فالشباب وفيها غير زين
كريم هههه هذا واش تعرف نتا
ليث إيه 1:00 نكونو تما نضن تبدأ سهر 1:30
كريم أوكي هيا أنا نروح لدار راك عارف جدي يPبنا كامل حاضرين على طابلة
بيرم أستنا أديني معاك
راحو لدار كل واحد طلع لبيتو زادو شويا وهبطو يتعشاو
قاعدين ياكلو
ناضت مايا جدي أنا نطلع ليوم عندي فيلم نتفرجو ونرقد
سي سليم أوكي بنتي
مايا هايا وفاء
وفاء اااههه إيه إيه راني جاية
طلعو لبيتهم
مايا ندخل ندوش و نتي جبدي واش نلبسو ليوم
وفاء بفففف أوكي
دخلت دوشت
مايا وفاء أدخلي دوشي
وفاء دخلت
وصلت 11:30
كانو واجدين مايا لابسة روبة ميني فالبوغدو مع صندالة نواغ بوشات نواغ و غوجالاف بوغدو ليسات شعرها و طلقاتو خرجت تهبل
وفاء لبست جيب فالنواغ ميني مع شميزي بلون ودارت شعرها كيرلي مع مكياج خفيف
خرجو طوووب
مايا روحي أغلقي لباب بالمفتاح و جيبيه
وفاء علاش ما نخرجوش مالباب
مايا وي مالتاقة هايا خفي روحك
شوفي أنا نهبط لولة من بعد نتي أهبطي
مايا هبطت من تاقة سوطات وهي حاكمة صندالة في يدها
هايا وفاء أهبطي
وفاء لالا ني خايفة نطيح
مايا بفففف منك هاه راني هنا غير جي طيحي نشدك
وفاء بلعت ريقها أوكي
هبطت بالعقل سوطات
وفاء ياااا يما قلبي حبس
مايا هيا خفي قبل ما يفيقو
خرجو من بوابة خلفية تع الجنينة
مايا تمشي و تضحك ههههه ليوم فيها سهرة فالشباب.
وفاء ني خايفة مايا كون يفيقو تصرا كبيرة
مايا مدامك مبلعة فمك واحد مراح يعرف
وصلو للكازينو دخلو صوت الموسيقى يتسمع مالبرا غير دخلو العنين كامل عليهم راحو للميني بار
مايا ڨرصون كاس ويسكي من فضلك
ڨرصون حاضر
وفاء ويسكي من وينتا تشربي
مايا ماليوم هههه بففف وفاء أنساي كلش حياة نعيشوها مرة برك
وفاء تبسمت بسيف من يوم يومها تخاف أما مايا ولا على بالها ضاربة دنيا بكوتبي و دير غير لي في راسها
كريم يصوني تليفونو رفد وي ليث رانا خارجين
ليث أوكي نسناكم فالطريق...
بدأت الحفلة تع صح ولكازينو بدأ يتعمر
مايا راحت تشطح و وفاء قاعدة خايفة جا ليها واحد
راجل واشبيه زين حزين
وفاء ما حبتش تريبونديلو
راجل هههه علاش ساكتة قعد قدامها لازم كي جي هنا تنساي كامل همومك برا مدلها كاس أشربي و نساي همك
وفاء ما حبتش تشرب نن مرسي
كريم و بيرم وليث هذا وين دخلو لكازينو ناس تشطح دخان في كل بلاصة
كريم مكبشة فيه زينب
بيرم راح يشرب خو وليث
بيرم قاعد حتى يشوف في وفاء قاعدة مع واحد تضحك ولابسة ميني شرب ويسكي فرد مرة وراح ليها
بيرم واش ديري هنا ولاعبتها تحشمي وعاقلة
راجل هاي راي معايا خبطو بدبزة جابو طايح ناس كامل حبسو يشوفو فيهم مايا جات تجري واش كاين وفاء
وفاء خايفة ما درت والو
كريم حكم مايا من يدها واش ديرو هنا هبلتو
مايا واش دخلك ولا حلال عليكم وحرام علينا
كريم حكمها يجر فيها موراه
وفاء خايفة وتشوف في بيرم لي عينيه حمورة من لغش
حكمها خرجها برا يجر فيها وهي تهدر وتبكي سمحلنا ما تقولش لسي سليم تعيش
بيرم بلعي بلعي فمك جايين هنايا تت**** والله مليحة
مايا نتا واش دخلك فيا نجي وين نحب
كريم واش دخلني صحا هدرة مشي هنا رماها فالطنوبيل وقلع طيارة
بيرم ركب وفاء وقلع هو تان
لحقهم ليث علبالو راح تصرا مصيبة
وصلو للقصر مايا هبطت تجري دخلت
كريم دخل وراها جدي جدي
سي سليم هبط يجري مع ولادو و نساهم
سي سليم واش كاين
كريم هاهي أخرة واش جبتلنا قاعدين فالكازينو مع رجال
نعيمة وزهرة دارو يدهم على فمهم
سي سليم يشوف لمايا
بيرم هكذا جدي جابولنا العار
مايا واش من عااار واش حاجة لغالطة لي درناها خرجنا نديفليو شويا
سي سليم ماياااا من ليوم راكي معاقبة ما تخرجيش من بيتك نتي وصحبتك حتى تعرفي غلطتك
و طلع شافت في كريم بنظرة كره و طلعت لبيتها وفاء تبكي
مايا رايحة جاية علاش تندبي إن شاء الله راكي تشوفي فيا نبكي
وفاء قتلك خلينا من هاذ تخمام نتي مسمعت
مايا واش حابيتيني ندير كرهت منا كي كونا فالميتم خير
وفاء أهئ أهئ ضرك نبقاو محبوسين هنا تهنيتي
كريم واش درت ياربي علاش بهدلتها بففف بصح معلباليش كي شفتها جن جنوني لبسة لابستها ورجال لي كانو يشوفو فيها
بيرم هههه والله يا وفاء طايحة عاقلة ضرك نشوفو
بعد مرور سمانة
وفاء بفففف كرهت هنا هايا نهبطو نطلبو سماح و نتهناو
مايا معندهاش حل وحدوخر هبطو لتحت وين كانو كامل قاعدين
مايا جدي سمحلنا ما تزيدوش نعاودوها
زهرة.ههه سمحلهم عمي
سي سليم آخر مرة و هاذي خطرة منسمحش كون تعاودوها
أنت تقرأ
💕الوريثة_المفقودة💕
Teen Fictionجبتلكم كرونيك خفيف كي العادة نجوزو بيه الحجر الصحي فالقمة روعة الحق ❤❤ يالله تفاعل او جام على كل حلقة
