صبح جديد ناضت وفاء بكري
وفاء مايا
مايا أمممم
وفاء نوضي راهي7
مايا 7!! علاش نوصو دوكا راح نحاربو
وفاء بفففف نسيتي ليوم نخرجو منا راني فرحانة و أخيرا راح تكون عندنا عائلة
مايا بفففففف عائلة زينة
وفاء صحا نوضي نوضي
سامية صباح الخير سي سليم
سي سليم صباح الخير وين راهي مايا
سامية إيه راح نعيطلها
راحت تعيطلها
سامية هايا بنتي مايا هاهو جدك
سي سليم شاف مايا عينيه دمعت وقف جا يعنقها
مايا بكل برود أنعم هذا وين تفكرتوني
سي سليم واش!!!!, أول مرة واحد يهدر معاه بهاذ طريقة
سامية هههه مديرش عليها سي سليم مسكينة راهي زعفانة
مايا مرانيش زعفانة راني نهدر في لوجيك
كريم أييي نتيا سڨمي هدرتك راكي تهدري مع سليم باشا
مايا إيه امبعد واش راح يصرا
كريم نتي مت
سي سليم قاطعو خاليها وليدي كريم عندك الحق بنتي بصح نتي مشي فاهمة حكاية طويلة
مايا أمممم أوكي قابلة نجي معاكم بصح بشرط
سي سليم لي هوا
مايا عندي ختي هنا تربينا كيفكيف لازم جي معايا
سي سليم ختك!!!
سامية هههه فالحقيقة سي سليم هما صحبات بصح فالميتم كامل مربيين على أساس خوتات و أنا يماهم
مايا شافت فيها بنص عين
سي سليم أوكي معنديش مشكل
مايا راحت جيب وفاء
مايا هايا وفاء رانا رايحين
وفاء ياي رانا خارجين منا حمد الله يا ربي
خرجو عند سي سليم
مايا رانا واجدين هايا
كريم جو هكذا !!! وين حوايجكم
مايا حوايجنا فالكرطاب مشي تشوف فيه
كريم هذا !!! يرفد حوايج هذا سروالي ميرفدوش
مايا مكان مدخلك
كريم شاف فيها بنظرة تقتل كون مشي جدو كون كرفسها
سي سليم هايا نروحو مرسي مدام سامية
سامية يسلمك سي سليم مايا مجيش تسلمي عليا راح نتوحشك
مايا شافت فيها من فوق لتحت باي
خرجو ركبو فالطنوبيل
وفاء تهمس لمايا شفتي طونوبيل ياي تهبل مالا دار كيفاش دايرا
مايا أسمعي راني نشوف فيك تضحكي معاهم أزبطي وجهك شوي
وفاء أوكي وصلو للقصر دخلو من لبوابة لكبيرة
وفاء وااااو هاذا قصر مشي دار
مايا وفاء أسكتي ضرك يسمعونا
دخلو لداخل شافت ناس يسناو فيهم فالصالون
سي سليم مرحبا بيك بنت وليدي في قصر نعرفك على عايلتك
هاذا عمك محمد لكبير و هاذي مرتو نعيمة وولادهم بيرم نورا و لامية
هذا عمك يوسف و مرتو زهرة وولادهم كريم و ميسة و أيوب
وعندك عمتك مزوجة في كندا جي من صيف لصيف عندها ولادها صغار يقراو
مايا فاتحة فمها هاذو كامل
وبابا وين
سي سليم هبطو راسو باباك عمر مات كي كنتي صغيرة
مايا وماما
سي سليم فالحقيقة ما نعرف على يماك حتى حاجة نتي و ما كنتش نعرفك حتى قالي شوفور تع باباك كي كان راح يموت كان حاب يشوفني و قالي عليك
مايا بكل برود اممم أوكي بصح في قلبها نار شاعلة و قلبها يبكي دم
سي سليم نصيرة
نصيرة جات تجري أنعم سي سليم
سي سليم طلعيهم لبيتها و طلعي و مدي لصحبتها بيت قدامها
نصيرة طلعتهم و داتهم كل وحدة بيتها
مايا دخلت فاتحة فمها تي مشي بيت ميتم لي كانت ترقد فيه واش يجي قدام هاذ البيت كل حاجة بالغوز حتى البونك و الخزانة بالغوز
سي سليم هههه ملي عرفت بلي عندي بنت وليدي و أنا موجدلك هاذي البيت و شريتلك حوايج و صحبتك غدوا راح نسڨملها بيتها كيما بيتك
مايا ااممم صحا
خرج سي سليم غلقت لباب و طاحت فوق لبونك
شكون قال راح تعيشي في قصر مايا لالا و حفيدة سليم باشا
عند وفاء دخلت مخلوعة شافت لبيت بلاصة بلاصة و راحت تجري عند مايا هدت عليها
وفاء مايا شفتي بيت حبست مخلوعة وااااو بيتك كيما تاع الاميرات
مايا ههه غدوة تكون بيتك كيما بيتي صافي أقعدي معايا هنا حتى يشرولك كلش جديد
وفاء هههه راني فرحانة راح نعيشو مرفهيين
نعيمة هكذا عمي جيبلنا زوج حنا كما حاسبين وحدة زادت دوزيام يا عالم واش يجينا منهم تي ترباو في ميتم
سي سالم نعييمة هاذيك لي تهدري عليها بنت وليدي يعني بنتي و نقلكم هنا بلاكم كاش واحد يزعفها هي ذوك بالعقل تولي تعرف قواعد القصر و تولي منا و فينا
بيرم و كريم خرجو راحو لشركة
أيوب خرج راح الجاميعة و البنات طلعو الفوق
أنت تقرأ
💕الوريثة_المفقودة💕
Teen Fictionجبتلكم كرونيك خفيف كي العادة نجوزو بيه الحجر الصحي فالقمة روعة الحق ❤❤ يالله تفاعل او جام على كل حلقة
