سي سليم قاعد فالبيرو حتى يشوف بنتو و روحو واقفة قدامو
أيلول نقدر ندخل
سي سليم أيلول بنتي
أيلول راحت تجري ليه عنقاتو سمحلي بابا
سي سليم معنقهاا يشم في ريحتها مسامحة يا لغالية نتي سامحيني
أيلول توحشتك بابا
سي سليم حتى أنا توحشتك
قاعدين يحكو
أيلول بابا بنتي وين
سي سليم راهي في بيتها عيط للخدامة طلعتها
وفاء قاعدة سارحة حتى دقدق لباب
وفاء أدخل
أيلول دخلت
وفاء نصيرة إلا قالك جدي عيطيلها قولو راهي راقدة تعيشي
أيلول وإلا عيطتلك ماماك
وفاء دارت تشوف فيها مصدومة ماما
أيلول إيه يا روحي أنا ماماك توحشتك بنتي
وفاء راحت عنقتها ماما توحشتك تبوس فيها في كل بلاصة علاش خليتيني وحدي علاش
أيلول سامحيني بنتي مشي بيدي
وفاء كون تعرفي واش صرا فيا من موراك أنا كنت نتعذب
أيلول سامحيني بنتي كل دقيقة كنتي في بالي جامي نسيتك هايا أرواحي حكيلي
قعدو حكاتهلها كلش
أيلول هكذا ما تخافيش بنتي مدامني حية حاجة ما تقيسك جات مايا عند وفاء
مايا وفاء مشفتي
حبست قاعدة تشوف فيهم
وفاء ماما هاذي مايا تربينا كيفكيف فالميتم و غير كيما عرفت أنها بنت خالي
أيلول راحت عنقتها واش راكي بنت خويا
مايا لباس عمتي
بيرم فالبيرو يخمم في وفاء علاش يديرلها هكذا علاش مخليها تعاني بسبتو لازم يدير حل لهاذ معيشة
أيلول قاعدة مع العائلة أنا نروح
وفاء ماما زيدي قعدي شوي
أيلول راح نولي بنتي ما نخليكش بعد ما صتك
وفاء دخلت دوش نحات حوايجها و دخلت تحت لما بيرم دخل البيت سمع حس دوش عرفها راهي داخل
كملت وخرجت لقات بيرم قالها
ظلمتك معايا بزاف وفاء سامحيني معرفتش قيمتك نتي جوهرة وفاء نحبك
وفاء طاحو دموعها و عنقاتو حتى أنا نحبك بيرم
مايا وين راك دايني
كريم علاش مقلقة ضرك تعرفي
وصلو لبلاصة كامل خضراء مايا هبطت تشوف في بلاصة كبيرة كلها خضرة تي جنة فوق الارض تمشي و تشوف حبست قدام بحيرة صغيرة كريم عنقها مالور
واش رايك
مايا دارت شافت فيه روعة
كريم هاذي مزرعة تاعك
مايا تاعي أنا
كريم وي على آسمك
مايا عنقاتو نحبك نحبك
كريم وانا نموت عليك يا روحي
وفاء راقدة على صدر بيرم
وفاء حبيبي
بيرم اممم
وفاء كيفاش راح نديرو كون يعرفو بحملي
بيرم مشي راح نخبروهم و غدوة راح نسافرو شهر عسل
وفاء ناضت صح راح نسافرو
بيرم وي والايطاليا
وفاء عنقاتو ياي نحبك نحبك بزاف
بعد عام
مايا نزار تي أقعد خليني لبسلك
كريم جا باسو هههه خلي ماماك تلبسلك علاش تعي فيها
وفاء ههه خارج لباباه
كريم إيه ورانا نسناو في وحدة جي تخرج ليماها
وفاء بيرم
وي عمري
وفاء تي أطلقني مراد يشوف فينا
بيرم لالا
مراد ماما واش راكم ديرو
بيرم رفدو هههوالو
وفاء .....
هنا تكون كملت كرونيك بين حب و كره بصح دايمن حب لي يغلب مع تالي و يجيبلنا حكايات جدد
إن شاء الله تكون عجبتكم سمحولي لا طولت عليكم ملتقانا في كرو وحدوخرة 😍😘
نـــهـــايـــة
أنت تقرأ
💕الوريثة_المفقودة💕
Teen Fictionجبتلكم كرونيك خفيف كي العادة نجوزو بيه الحجر الصحي فالقمة روعة الحق ❤❤ يالله تفاعل او جام على كل حلقة
