ليث لي عندي قلتو
لامية هبطت من طونوبيل دخلت للقصر تجري
لامية جدي بابا وينكم
خرجو كامل يجرو ليث دخل من لباب يسمع فيها تضبح
سي سليم واش كاين بنتي غير الخير
لامية أنا مشي حابة نزوج بليث كامل مصدومين كيفاش جرأت تهدر هاذ الهدرة
محمد واش راكي تهدري هبلتي
سي سليم وعلاش خير إن شاء الله ليث واش خصو
لامية شافت في ليث ما خصو والو أنا ما نحبوش و حاب يحبسني من لفاك
سي سليم إيه من حقو راح تولي مرتو
لامية بصح قتلكم من قبل ما تكمل هدرتها جاها كف من باباها
محمد بلعي فمك مزالك تردي فالهدرة و تكسري في هدرت لكبار حكمها من شعرها حسك ما نسمعوش و كيما قالك ليث لفاك منا و رايح مكانش
شافت في ليث بلوم و كره نكرهكم نكرهكم كلكم وطلعت تجري محمد كان راح يلحقها حتى حبسو باباه
سي سليم خليها وليدي مزالها صغيرة و ما علبالهاش واش راهي تهدر ليث تبعني لصالون نسحقك
ليث حاضر عمي راحو يهدرو فالصالون نعيمة طلعت عند لامية
نعيمة هكذا ديري تردي لهدرة و تعيطي في وجوهنا زيدي يسمع بيرم يجي يكرفسك و خرجت خلاتها وحدها
وفاء شفتي واش صرا مايا تي ضربوها مسكينة غاضتني
مايا تتفرج في تيلي مكان مدخلنا ياكلو بعضاهم
وفاء أوووف منك يا مايا علاش قلبك جافي
مايا أسكتي خليني نسمع فيلم شباب
وفاء خرجت و خلاتها راحت عند لامية
وفاء خلاص ما تبكيش
لامية شفتي واش قالولي حبو يحبسوني من قرايتي هي أملي الوحيد هي لي كي نهرب ليها باش ننسا لهم لي عايشاتو هنا
وفاء معليش حبيبتي ما ديريش في روحك هكذا عنقتها
كريم فالشريكة غاطس فالخدمة
زينب دخلت ليه هاي حبيبي
كريم شافها نسف هاي لباس؟؟
زينب حمد الله توحشتك و عنقاتو
كريم أمممم مراكيش تباني
زينب اممم راك عارف خدمة شدتني ملي سافر بابا خلالي كلش على راسي بصح لبارح جا نبقا غير ليك وباستو من خدو
كريم اممم إن شاء الله
وفاء لبسة روبة وقاعدة دور بيها هههه واو شابة بزاف
مايا جاتك روعة
وفاء خرجت من بيت ولات تمشي و دور بروبة كيما ذراري صغار حتى جات في حملتو
بيرم يشوف فيها عينيها كحولة لي يجذبوك شعرها قصير كحل شواربها غوز
وفاء ااا س سامحني مشفتكش واقف يشوف فيها
بيرم مخدر لالا نورمال
وفاء دخلت تجري للبيت قلبها يخبط فا1000
قاعدين فالطابلة تع العشا مترأسها سي سليم ياكلو بهدوء
مايا جدي حبيت نطلب منك حاجة
سي سليم كي نكملو لعشا نهدرو
مايا أوكي
كملو تشاو مايا راحت معا جدها لصالون
سي سليم هانا قعدنا غير الخير يا بنتي
مايا فالحقيقة حابة نخدم
سي سليم علاش واش رآه خصك
مايا والو حابة نخدم باش نكسر الڤيد مشي الانو خاصتني حاجة
سي سليم معندناش بنات يخدمو تقعدي فدار حبيتي تكسري الڤيد رآهم هنا لبنات أقعدي معاهم و ڨسرو
مايا بصح
سي سليم لا بصح لا والو أنا هدرت هدرتي
مايا طلعت لبيتها دخلت خبطت لباب
وفاء وه وه واشبيك
مايا زبل زبل تهدر و تضرب فالخزانة برجلها تي يحوسني نقعد فدار بين ربع حيوط
وفاء إيه واش فيها أنا عن نفسي مرانيش مديرونجيا
مايا خبطتها بالمخدة ق*** عليا
صبح جديد
عند بيرم
قاعد في بيروه يخمم تي صورتها مزالت بين عينيه ملامحها حافظهم بصح لازم يوصل ليها مشي بيرم لي تعجبو طفلة و ميوصللهاش
ليث دخل عند كريم
واش خو هاذي وحشة
كريم أهلا ليث
ليث عندنا شحال مدرناش سهرة
كريم شوفت عينك راني غير مع الخدمة
ليث واش رايك نديرو سهرة ليوم فليل
كريم امم مكانش مشكل تي راح تزوج أنتهز فرصة وغمزلو
ليث إيه مالا ملتقانا فليل ذرك نفوت على بيرم و نقولو
مايا لازم ندير طريقة نخرج كرهت من دار مشي أنا لي نبقا محبوسة
وفاء فمها معمر بشيبس و تهدر الله يسهل أنا ما دخلينيش فالوصت
مايا نتي من يوم يومك خوافة
وفاء لي خاف سلم صحا كي تخرجي وين تروحي
مايا روح لكاش بلاصة نحي على خاطري
وفاء إيه روحي نهار يحكموك يقطعوك
مايا ههه يقطعوني نتي مريضة ضربة في راسها فكرة ههههه ليوما نخرجو من هذا الحبس
أنت تقرأ
💕الوريثة_المفقودة💕
Teen Fictionجبتلكم كرونيك خفيف كي العادة نجوزو بيه الحجر الصحي فالقمة روعة الحق ❤❤ يالله تفاعل او جام على كل حلقة
