صبح جديد ناضت مايا راحت لغرفة وفاء لازم تعرف منها واش صرا
مايا دخلت صابتها قاعدة تشوف من تاقة
مايا صباح الخير وفاء
وفاء ساكتة
مايا وفاء واشبيك جامي شفتك هكذا علاش صرالك هكذا عينيك محوقين و صفرة إذا كاين حاجة قوليلي أنا صحبتك و صدقيني نوقف معاك مهما كان
وفاء شافت فيها بنظرة ضايعة و عاودت شافت فالتاقة
مايا أوكي راحتك ما تحكيليش بصح مهما لي صرالك ما تخليهش يحطمك كوني قوية ونتي حاربي ضعف تاعك باستها من خدها وخرجت
وفاء طاحت دمعة سخونة من عينها تي عنها الحق مايا لازم نكون قوية لي يجي يعفس عليا برجلو ويفوت
عند بيرم
بفففف علاش درت هكذا جامي لعبت بطفلة وفاء نحسها نية تي لي يجرحها ما تقولو والو تتبسم وتخبي في قلبها أنا حطمتها علبالي ضرك تكون تخمم أني لعبت بيها
كريم قاعد مع جدو
سي سليم وينتا ناوي تزوج نتا وبيرم صار عمركم 29 حاب نفرح بيكم و نشوف ولادكم قبل لا نموت
كريم بعيد شر عليك عمي أما أنا مشي واجد
سي سليم لواش مشي واجد دراهم وكاين دار وكاين كلش عندك واش تزيد توجد
كريم مصابش واش يهدر جدو عندو الحق
سي سليم اممم مالا قررت نزوجكم
كريم شاف فيه شكون لي باش تزوجهالي
سي سليم مايا
مايا تخمم صحبتها من جيه و كريم لي دالها كامل عقلها كل دقيقه تخمم فيه خلاص راهي عرفت بلي طاحت فيه و مكانش مهرب منو تبسمت زعمة يبادلها نفس شعور
قاعدين مجمعين فالصالون مستغربين علاش جمعهم هنا
سي سليم جا علبالي كامل مستغربين علاش جمعتكم أولا وجدو رواحكم على يومين راح نديرو عرس ليث و لامية و موراها باش نزوج كريم و بيرم
زهرة كريم لمن
سي سليم مايا
مايا قعدت باهتة شافت فيه من بعد شافت في كريم تبسم و غمزها معاها في قلبها تي هذا بارد قلب تاع صح
بيرم و أنا
سي سليم فالحقيقة خممت بزاف شكون عروسة لي تاولمك ما صت غير وفاء
بيرم مصدوم ووفاء أكثر منو
نعيمة كيفاش وليدي يزوج بهاذي بنت شارع
سي سليم نعيييمة لي تهدري عليها راهي بنت بنتي كامل مبهوتين ( درتلكم صدمة مور ختها)
وفاء كيفاش بنت بنتك مفهمتش
سي سليم إيه ملي شفتك عرفت بلي نتي بنت أيلول
محمد أيلول ماتت بابا
سي سليم لالا ماماتتش
يوسف بصح بعملتها هاذيك عتابرناها ماتت
سي سليم بنتي عايشة و أنا مسامحها هي صح غلطت بصح مشي غرضها
وفاء ناضت تي واش تهدرو فهموني شكون هاذي أيلول لي أنا بنتها
سي سليم قعد حكاية طويلة يماك كانت تحب واحد فقير طمع فيها على جال دراهم كي جا على أساس باش يخطبها ما حبيناش نزوجوها ليه الانو عرفنا نيتو بصح أيلول الحب عماها وقفت في وجوهنا و هربت معاه بعد عام جات و كانت رافدتك وقالت أنو راح وخلاها بعد ما عرف أنو حرمناها مالورث واحد فينا ما قبلها كلنا لمنها وقلنالها أنها جابتلنا العار أيلول راحت ومن تما معلبالنا عليها والو
وفاء قعدت مخلوعة يعني أمها ضحية حب كيما هي نفس لعذاب عاشوه
طلعت تجري لبيتها مايا تبعتها
سي سليم أنا هدرت قراري ولا رجوع فيه وعلى سمانة راح يكون عرس بيرم و كريم و لامية في نهار واحد
و راح لبيتو
عند وفاء قاعدة تبكي أهئ أهى شفتي مايا ماما عانات بصح علاش رماتني فالميتم زعمة ضركا وين تكون
مايا فرحتلك وفاء عائلتك لي تحوسي عليها طول حياتك كانت قدامك حنا عائلة و ما كناش عارفين
بيرم خرج مع كريم
كيفاش راح يزوجني وفاء أنا معنديش قرار
كريم تعرف جدك قرار لا رجوع فيه
كريم فالحقيقة فرحان كي راح يزوج مايا الانو يحبها أما مشي راح يعترفلها حتى ليلة العرس
أنت تقرأ
💕الوريثة_المفقودة💕
Teen Fictionجبتلكم كرونيك خفيف كي العادة نجوزو بيه الحجر الصحي فالقمة روعة الحق ❤❤ يالله تفاعل او جام على كل حلقة
