💕الوريثة_المفقودة💕

P.A.R.T 10

مايا تنوض في وفاء

مايا وفاء نوضي

وفاء اممم ني عيانة

مايا نوضي رانا خارجين

وفاء ناضت تجري خارجين وين

مايا نشرو حوايج ليوم جدي حطلي دراهم فالبونكا وقالي إلا حبيتي تخرجي تشري أخرجي بصح مع حراس

وفاء ياي ناضت تجري راحت تلبس

خرجو راحو يقضو يدورو فاليسونتر كوميسيال

وفاء هههههه

مايا علاش تضحكي خير

وفاء تفكرت نهار كنا نخرجو نطلبو

مايا و هاذي حاجة شابة تتفكريها

وفاء هههه وي

شراو كلش حتى عياو وصل نص نهار

مايا هايا روحو نفطرو جعت

وفاء خطفتيها من فمي هايا راحو لمطعم دخلو ياكلو

مايا قاعدة هي وفاء ياكلو و يڨسرو

حتى خبط طابلة تنفضو لزوج

مايا طلعت راسها نخلعت

راجل راني حكمتك حسبالك تهربي مني ( راجل لي سرقاتو من قبل شفيتو عليه)

مايا هههه دنيا صغيرة

وفاء رفدت ساشيات في يدها و مايا ناضت أسنا نتفاهمو بالعقل

راجل مكان ني تفاهم ني والو ضرك جي معيا لابوليس

مايا أوكي ولاو يمشو مع راجل غير خرجو مايا حكمت يد وفاء و قلعو يجرو

راجل هاي أسناي و راح يجري وراهم

مايا وفاء يجرو شوفي إلا مزالو ورانا وفاء دارت إيه أزربي

كريم و بيرم جايين بطنوبيل

كريم كيفاش تفشتلك رودا سور واحد دارها بيك

بيرم وي سور مزية ربي ستر

كريم جا يهدر حتى شاف زوج يجرو

مشي هاذو مايا و وفاء

بيرم إيه والله هما كلاكسوني

كريم قاعد يصونيلهم وفاء دارت مايا هاهو كريم مايا دارت

كريم أجرو أركبو

ركبو فالطنوبيل وقلع كريم

راجل حبس زادت هربت

كريم واش كاين علاش كنتو تجرو

وفاء راجل لي سر

مايا قاطعتها إيه راجل كان ينبش فينا ضربتو ولا يجري ورانا

بيرم مأمنهاش بصح راح معاها فالخط اممم

راحو للڤيلا وفاء حكمت بيرم ما تقولش لعمي سليم واش صرا ياك

بيرم شاف فيها وتبسم بشرط

وفاء لي هوا

بيرم بوسة

وفاء واشنو هبلت

بيرم هاذي هي ولا حابة نقولو

وفاء تحلم ما تديهاش على جثتي

بيرم علاش تصعبي فيها غمزها دخلو للڤيلا

سي سليم ها جيتو مع بعض

بيرم إيه شفناهم يج

وفاء جبداتو وهمست خلاص خلاص نمدلك

بيرم هههه شفناهم فالطريق جاين رفدناهم

جا طالع لبيتو فليل على 10 نستنا فيك 😌

كريم حكم مايا
مايا بعد من طريقي
كريم مشي قبل ما تقوليلي علاش كنتو تجرو ليوم وشكون راجل لي كا ن يجري وراكم
مايا ياك قتلك موقبيل بلي نب
كريم تتت هاذ حكاية ما دخلتليش رأسي
مايا مشي شغلي وجات رايحة
كريم عاود جبدها نن شغلك قوليلي ولا يهدر و يقرب ليها
مايا ولا واش حتى زدمت فالحيط
كريم حاوطها بيديه  ولا
سمعو واحد طالع فالدروج
زربت بعداتو ودخلت لبيتها قلبها يخبط فال1000 يا ربي علاش قدامو نضعف هكذا زعمو نكون لالا يا ربي ما تكونش صح
وصلت 10 تع ليل وفاء تشوف روحها فالمراية زعما روح ليه لالا ما روحش بصح قلبي يقولي روحي كل حاجة فيا تقولي روحي ليه

بفففف خلاص وفاء أدي قرار يا تروحي يا نن
بيرم قاعد في بيتو حتى دق لباب
بيرم أدخل شافها دخلت ما ضنش أنها جي ليه برجليها وبهاذ سهولة
وفاء غلقت لباب وقربت ليه
بيرم واش نشوف فيك ما تخلفيش بوعودك
وفاء ما جيتش على خاطر طايحة فيك جيت باش ما تقولش لعمي  وصرا لي صرا
صبح جديد ناضت شافت روحها راقدة في على صدرو
بيرم راقد و شعرو على عينيه تبسمت و ناضت راحت لبيتها غلقت لباب و دخلت لدوش قاعدة في لبينوار وتخمم إن شاء الله ما تكونش غلطت قلبها هو لي داها هي تحبو من أول نظرة طاحت فيه حزامها مزالو يوجع فيها
لبنات توقعاتكم زعمة وفاء تسرعت ؟؟؟
ومايا تكون تحب كريم ولا مجرد إعجاب
أما مجهول لي عيط لوفاء حكاية أخرى 😉
Wap đọc hay nhất hoàn toàn miễn phí trên điện thoại
© by - 2020