الطيبون للطيبات

الخامس

لا تلهيك القراءة عن الصلاة،،،،،،،

آلطـيـﮯبون للطـيـﮯبآت *٥*

_ندى مش هينفع انزل معاكي.. مش انتي قولتيلي عندك أخ تاني اسمه حازم

*هوه انا مقولتكيش.. حازم مش هنا.. هوه في ثالثة ثانوي بيذاكر مع صحابه اغلبية الوقت و بينام عندهم..

_بس..

*بس ايه يلا.. تعالي ده انا فرحااانه موووت

←صفاء
"نزلت عندها تحت.. صلينا الفجر جماعة سوى و طبعا منسناش دعاء الفجر..

"اللهم اجعلنا مقبولين بكرمك، مكفولين بذكرك، مشمولين بعفوك، ناظرين لوجهك الكريم، واجعلنا من ورثة جنة النعيم يا رب العالمين.. اللهم اجعلنا ممن يناديهم المنادي يوم القيامة لكم النعيم سرمدًا تحيون ولا تموتون أبدًا.💟💦"

،و كمان أذكار الصباح.. قلنها سوى بصوت مسموع.. قلبي اطمن خالص و معتش قلقانه.. حاسه إني ف أمان... منمناش تاني بعدها من كتر الرغي و الضحك و الهزار و حكاوي ندى اللي مبتخلصشي و مواقف كتييير... ضحكت من قلبي.. كان اليوم ده بجد مش عارفه اقول على الرغم من الصعوبات اللي كانت فيه إلا انه كان أسعد يوم في حياتي... حسيت إن بقى ليا اهل و سند..... "

_هههههههه... يخربيتك يا ندى كنتي عسولة اوووي و انتي صغيرة.. تختوخة اووي و قلبوظة و لا خدودك.. لولا إنها صورة كان زماني مسكاهم و قاعدهم أقرصك منهم.. هههههه

*بقى كده يا صفاء.. ده انا حتى كنت كيووت خالص

_من اللحظة دي هسميكي تختوخة

*اهو احسن من عيوطة.. انتي بقى عيوطة كبيرة اووي

".. عدى الوقت عليهم بيهزروا لحد ما بطنهم وجعتهم من كتر الضحك.. عارفين بقى رغي البنات.. لبس و اكل و مواقف و حكاوي كتيير"

*مالك يا صفا.. سهمتي كده فجأة و بعدين بتبصيلي بتأمل كده ليه.. ايه ده و بتعيطي كمان

_دي دموع الفرحة يا تختوخة..

"اللَّهُمَّ إِنِّي أَعُوذُ بِكَ مِنْ زَوَالِ نِعْمَتِكَ، وَتَحَوُّلِ عَافِيَتِكَ، وَفُجَاءَةِ نِقْمَتِكَ، وَجَمِيعِ سَخَطِك"

*و فرحاانه بقى ليه يا عيوطة

←ندى
"لقيتها فجاة انقضت عليا و حضنتي جااامد اوووي..بادلتها نفس الحضن و اكتر.. قالتلي.. خليكي دايما معايا و متسيبنيش.. انا بحبك اووي يا تختوخة قلبي"

*"ضحكت و قلتها "بقى علشان كده تعيطي..امسحي دموعك دي بقى ي بت و تعالي نروح نكمل معركة تنظيف الشقة اللي فوق دي

←حمزة

"صحيت من النوم متفائل جدا و كلي نشاط و حيوية إني أبدأ يوم جديد و فرحاااان أووووي نزلت للشقتنا بعد ما اختي اتصلت عليا و قالتلي انهم هيطلعوا ينضفوا شوية في الشقة و بعدين ينزلوا على الغدا كده....دخلت المطبخ و صبحت على امي"

~صباح الخير يا أحلى و أجمل أم في الدنياا

'صباح النور يا حمزة.. شكلك فرحاان أوووي

~بجد

'ايوا جدا.. احكيلي بقى... ايه حكاية صفاء دي

~هووه هوو هيه ندى لحقت تسيح

'قولي بقى

~اقولك على ايه يا ماما.. مفيش حاجة من اللي في دماغك خاالص

'هوه ايه اللي في دماغي بقى ها "قالتها بغمز ثم تابعت بعدم اهتمام " على العموم هيه بنت يتيمة و احنا محتاجين بنت لها حسب و نسب

~ليه بس كده ما هيه حلوة اهيه و ده كمان ميزة مش عيب علشان لما تيجي عندنا "ثم لاحظ ما يقوله فهو بهذا يعترف انه يريد الزواج منها"

'ها لما تيجي عندنا ايه

~ "تابع بكذب" اقصد يعني لما تنزل تقعد شوية مع ندى تبقى مبسوطة "

'ماشي يا زومة و الله و كبرت و بتكذب عليا

←حمزة
"هوه انا حبيتها بجد.. انا مش مصدق نفسي.. المفروض دلوقتي اول حاجة اعملها إني اتقدم ليها... بس حاليا الظروف المادية مش هتسمح لأننا ف أجازة.. بس إن شاء الله الدروس تبدأ.. و ساعتها أتقدم لها و انا جاهز.. بس يا ترى هتوافق لو اتقدمت ليها"

*تسريع للأحداث

"مرت ايام جميلة عذبة على كلا من حمزة و صفاء... و لكن حمزة يحاول قدر الإمكان أن يبتعد عن الاختلاط .. لأنه بمجرد أن يراها يخفق قلبه بشدة و يود أن يعترف لها بحبه...

" صفاء نازلة من على السلم عادي... "
"حمزة بيراقبها و يعمل نفسه جاي بالصدفة"

~صباح الخير يا آنسة صفاء
_صباح النور.. حضرتك نازل
~ايوا نازل "حمزة كذاب مهوش نازل 🙂"
_طب ممكن أستأذنك خمس دقايق بس من وقتك
~اتفضلي.. خدي وقتي كله
_نعم مسمعتش
~لا.. كنت بقول بس خدي بالك كنتي هتقعي
_اااه اه.. تعرف مكان شغل قريب من هنا
~تحبي تشتغلي ف ايه
_ممكن مطعم او محل ملابس
~بصي انا عندي واحد صاحبي عزيز عليا اووي فاتح مطعم كبير و مشهور.. و لو طلبت منه مش هيتردد انه يرفضلي الطلب لحظة واحدة

_بجد.. شكرا لحضرتك بجد.. شكرا

"في الحالات اللي زي كده.. لما تبقى واحدة بتحب حد جاامد اووي.. مبتبقاش عارفه تشكره ازاي خصوصا انه مش حلالها... و اي كلمة مش مناسبة تاخد عليها ذنب.. ف هتقول ايه بقى" ربنا يحميك لشبابك 😂.. معلش نكمل فصلتكم "

~متنزليش و خليكي و انا هتكلم معاه و هتستلمي الشغل على طول و هبقى اوصلك و اعرفك المكان

←صفاء
"هوه مصمم ياخد قلبي ليه طيب.. طب اعمل ايه انا دلوقتي... انا اصلا رافصة فكرة الجواز و الارتباط و شايلها من دماغي خااالص.. ايه الهبل اللي بقوله ده.. ده ساعدني مقليش نتجوز.. بتكلم ف جواز ارتباط.. يخربيت قلبي اللي مبيفهمشي ده.."

"وجدت عملا لها أثناء الأجازة.. كانت ماهرة في الطهي و عملت في إحدى المطاعم المشهورة في البداية على أنها نادلة و لكن أحبها مدير المطعم و أعجب بها و أعجب بطعامها.. و سنعلم أهذا سيأثر عليها ام لا و ما ردة فعل حمزة"

يتبــــــــــــــــــع