#مريم
الجزء 16
نضت الفجر لقيت ميسون جنبي و رفيده و ابله سعاد .. قلت لهم حسام وين ؟ قالوا لي برا ..
شفت روحي لقيت ملفوفه بي شرشاف و تحته مش لابسه شي ...
خيرني شن صايرلي !!!!
قلت لي ميسون خيره حسام برا ؟؟ قالت لي عادي يخش ؟؟ قلت لها علاش شن في ؟؟؟؟
حست رفيده اني كويسه .. تلفتت لقيت روحي زي الغوله .. مكياجي ملبز و شكلي يخوف من البكاء ...
طلعت ميسون و رفيده و جت ام حسام جنبي ... قالت لي بنتي خلي القرآن ديما مفتوح على سورة البقره .. قلت لها حاضر ..
خش حسام .. كان وجهه ما يتفسرش .. عيون تاعبات ... منفوخات .. وجهه اصفر .. طلعت امه و صكرت الباب ..
كان خايف يقرب مني .. مديت ايدي ناديته .. جى قعمز ع السرير جنبي .. جيت قربت منه قلت له نبي حضنك ..
انهار بالبكاء و حضني بقوه .. قعدت في حضنه و تفكرت كل شي ...
نحس في راسي رزين .. عيوني رزان .. بين كتافي ألم .. رقبتي من الخلف تقول مربوطه بسنسله حديد ...
قلت له نبي ندير دوش .. قالي انا ندوشلك ..
خششني للحمام و قعدت مقعمزه في الدوش و بالرغم الجو سخون لكن الميه السخونه كانت و كأنها تمتص في ألم جسمي كله ...
كان يدوشلي و كأني بنته .. و كانوا الدموع في عيونه حابسهم ..
كملت دوش و طلعت لبست ملابس داخليه و اتكيت في فراشي .. جاني حسام يمشط لي في شعري و دارلي عطر ...
كنت نحس بي تعب .. ايديا .. رجليا .. جسمي كله .. و كأني كنت في حلبة مصارعه ..
جى رقد جنبي و جهي مقابل وجهه .. في جرح تحت عينه اليسار .. رقبته مجروحه .. صدره مجروح ...
حطيت ايدي على خده و عيوني و عيونه يقولوا هلبا كلام .. كلام نحسوه قبل ما ننطقوا بيه .. كلام في خاطر كل حد فينا .. هذا اليوم الي كنا نستنوا فيه .. للاسف تحولت فيه لانسانه تانيه ..
قربت منه و بوسته و نزلت دمعه من عينه ع خشمه ..
قلت له انا نحبك .. خداني في حضنه و ما انطقش بي و لا كلمه ...
طق باب الدار .. غطاني ..
خشت ميسون .. تحشمت انا و نضت من صدره ..
قربت مني .. قالت لي خليك ارتاحي .. شن تحسي في روحك توا ؟؟؟
قلت به الحمدلله ..
قالت لي اختك مرام جايه بتاخد الڤيلوا .. نعطيهولها انا و انتي مش لازم تطلعي .. قلت به
قالت لي نوضي كولي حاجة .. جهزتلكم سفره برا ..
طلعت ميسون .. و نضت انا و حسام ..كليت انا شويه و حسام ما كلى شي ...
خشينا دارنا و رقدنا خداني في حضنه .. كانت عندي رغبه نحضنه و نبوسه هلبا .. لكن حسيت جسمي متعب هلبا و مش قادره على شي ...
رقدت .. و نضت على صوت ام حسام تكلم فيه .. كانت تقوله المحضر غدوه .. و كيف بنديروا ؟ و شن بنقولوا للناس ؟ و بالك تصير حاجة ؟ ...
و حسام ساكت .. قالت له امه رد عليا .. قال لها الغي كل شي و قوليلهم سافروا .. قالت له ما نبيش من يتشمت فيا .. مرتك مدايرلها حاجة .. و الي مدايرها اول ما بيسمع بيفرح .. قال لها ما يهمنيش حد ..
تحركت و حسوا اني فقت من النوم .. و امه طلعت ..
نضت و قعد يسأل فيا كيف حالي و شن نحس توا ؟؟
قلت له جعانه .. قالي انا الي نوكلك .. شن رايك نطلعوا ناكلوا برا ؟ قلت به هيا ...
نضت و لبست جينز و بلوزه و حطيت وشاح و نزلت ..
علامات الاستغراب كانت على وجه ميسون و رفيده و ابله سعاد .. قلت لهم بنطلعوا نتعشوا برا .. ابتسمت رفيده و قالت صحه .. حسيتهم كانوا يحسابوني بنمشي حوش اهلي ..
طلعنا و تعشينا برا و كانت البلاد زحمه هلبا .. كل الناس طالعين يغيروا في جو .. وقفنا خدالي جيلاتي .. و خدالي ورد ..
و خطمنا من جنب بائع غزل البنات و قعدت نقوله نبي نبي .. وقف و نزل خدالي ..
حسيته جوه تغير شويه على الصبح .. روحنا حوشنا و ركبت خشيت للدوش بحكم الجو سخون و صيف .. طلعت من الدوش لبست روب و جففت شعري و درت كريم و عطر ..
خديت الورد و تفكرت يوم الي قلت له نبي نقطع الورد لان عندي حبيب و نبي نعرف يحبني او لا .. قرب مني و قال يحبني .. يحبني .. يحبني .. و كانت احلى بوسه و احلى ايام ..
ضحكت و قعدت نقطع في الورد و نثرته كله ع الفراش ...
حسيت روحي استاحشته .. ليش عطل ما ركبش !!
طق الباب .. نحسابه هو .. نضت طلعت للصالون برا .. لقيتها ميسون .. قالت لي خلي قرآن مفتوح .. قلت حاضر ..
قالت لي اعتبريني زي امك .. ارتاحي الفتره هادي و ما تستعجلي على شي .. مش لازم تصير حاجة بينكم .. ع الاقل لين يبدا حالك كويس ..
قلت لها حاضر .. باستني و حضنتني .. قالت لي نبيك غدوه تكوني في احسن حالاتك .. غدوه محضرك .. و الناس الي تبي تفرقكم نبيهم يشوفوك احلى صدَّاره و احلى عروسه .. حضنتها و قعدت نبكي .. قلت لها ميسون انا نحبه .. قالت لي و حتى هو يحبك ..
نزلت ميسون .. و قعدت نستنى في حسام ..
خش باسني على خدي و قالي شن هذا ؟ قلت له ورداتك كلهم نثرتهم ع الفراش .. نستنوا فيك ..
قالي دوش ع السريع و نجيك ..
خش دوش و جاني .. قالي تبي ترقدي و لا نتفرجوا على فيلم ؟؟
قلت له اوك نتفرجوا 😉
طلعنا نتفرجوا برا و انا بين رجليه و يلعب بشعري ...
لين نعست .. قالي نخشوا ؟ قلت له ايه ...
قامني و حطني في الفراش و جى جنبي .. كان الليل كله يبوس فيا و يلعب بشعري .. و مره مره ياخده النوم .. و كل ما نتحرك يقولي ها حبيبي ...
نضت الصبح و حسام راقد .. اول ما فتحت عيوني لقيته راقد جنبي ابتسمت و فرحت .. ممكن لان اول مره انوض من النوم نلقاه جنبي ..
دوشت و ناض حسام دوش و لبست و نزلنا فطرنا و كانت الاجواء هاديه ..
بعدها جتني المزينه و بدت فيا و لبست قفطاني متع المحضر .. و حسام لبس زبون ... و جى المغرب و طلعنا كلنا مشينا للصاله ..
خشيت للصاله و استقبلتني امي و مرام و مرت خالي ... كانوا في زمزامات و اجواء حلوه ... جتني اسماء سلفتي سألتني تهنيتي ؟؟؟ كانت عيون ميسون و رفيده فيا .. و كأنهم كانوا عارفينها شن بتسألني .. لكن مش عارفين شن بنرد ....
رديت عليها بي ابتسامه و فرحه مثلتها تمثيل و قلت ايه تهنيت الحمدلله ...
كانت علامة الصدمه في وجهها و قالت لي اهاا ههههه الف مبروك ..
مشت اسماء و جتني ميسون قالت لي هي نوضي بتلبسي البدله الكبيره ..
نضت و قعدوا يغمقوا في مكياجي و لبست الصدره ... و طلعت للناس قعمزت .. و اخوات اسماء كانوا في عالم تاني بروحهم ضحك مستفز و رقيص مستفز و حركات مستفزه ...
نضت باش نلبس الجلوه .. و قبل ما انحي الصدره خش حسام باش يصور معاي ..
صورنا .. و لبست الجلوه و صورت حتى هو انا و حسام ..
و طلعت للمعازيم بالجلوه .. قعدت نص ساعه ممكن و جتني ميسون قالت لي قال حسام هيا .. قلت لها بنروح بروحي ؟؟
قالت لي احنا مازال شويه ..
نضت و انا طالعه سألتني ميسون خيرها أسماء ؟؟ قلت لها سألتني تهنيت او لا ؟ قالت لي شن قلتي لها ؟؟ قلت لها رديت عليها و قلت لها ايه تهنيت ..
قالت لي ميسون أحسن ما رديتي ..
طلعت و ركبت مع حسام و قالي شن رايك نمشوا للحوازه ؟
ضحكت و قلت له بجد ؟ قالي ايه بجد .. قلت له اوك نمشوا ..
مشينا و اول ما خشينا .. قعد يشوفلي و يقولي طالعه ملكه اليوم ..
لكن اعتقد ما عنديش وقت باش انحيلك هذا كله ..
ضحكنا و قلت له مضطرين انحوها ..
قعد يدور و ينحيلي في الذهب ..
و بعد ما كملت و نحيت قعدت بي ملابس داخليه بس .. قلت له ما عنديش ملابس هنا .. حضني و قالي ما نبوش ملابس بكل ..
قعدنا في حضن بعض نتأمل في جروح صدره .. قلت له حسام .. قالي روحه ..
قلت له احنا لو جربنا توا ح يصير زي مبارح ؟؟ ابتسم و قالي مش مستعجلين على شي .. قلت له نحس في داخلي اني نبيك ..
استغرب و انتبه لي كلامي .. قالي كيف تبيني ! قلت له نبيك ..
و قربت نبوس فيه .. قعدنا نبوسوا في بعض و بالرغم الخوف الي في داخل حسام لكن كان يبوس فيا بكل حب ..
بعدها خداني في حضنه .. قالي حبيبي خليك في حضني لين ياخدك النوم ..
قلت له حسام انا نبيك .. قالي و انا نبيك و حط ايدي على عضوه .. قالي شوفي قداش نبيك ..
قلت له هيا حبيبي .. قالي مش كويس ليك يا روحي ..
خليك الليله مستريحه و في حضني .. اتضايقت لكن قعدت في حضنه للصبح ...
يتبع الجزء 17
No name ♥️🌺
