#مريم
الحلقه 33
اممممممممممم تسمحلي نتغزل فيك ؟
قالي : طبعاً سيدتي ...
باعدت من سريره .. وقفت مسكت ايديا خلفي .. قدمت خطوة القدام على رأس صوابعي و لفيت .. و بديت نغني .. 🎼🎼
و لا و لا اقدر ترا انساك انا 🎼🎼
يلي بدونك ساعتي تمر بسنه 🎼🎼
و اياك بس انت القلب عاش بهناء 🎼🎼
لو يمر عطرك بالهواء صرت احضنه .. 🎼🎼
♥️🎼♥️🎼♥️🎼
كنت كطفله تجيد رقص البالى ... فراشه تحوم حول الازهار ..
روحي ترقص ....
تشاركنا نفس المقطع انا و حسام ..
هنا هنا بس انت بس هنا هنا 🎼🎼 ( و يشاور حسام بصبعه على قلبه ) 👈🏻♥️
تصعد و تنزل بالنفس لا تمشي لا لا 🎼🎼🎼
♥️🎼♥️🎼♥️🎼
فتح ايديه الزوز و قالي تعالي .. مشيتله .. بوسته و قعدت نتأمل في العيون .. قتله تعرف .. طول ما انت هنا انت في راحه .. لانك لما تطلع مش ح تلقى فرصه حتى للاكل 💋
ضحك عليا و قالي نتمنى .. نتمنى نعوضوا كل شي .. نعوضك على كل لحضه قعدتيها بعيده عليا .. يا نبض قلبي ..
يارب ♥️🌺
قالي نبي نشوف مريومه .. اضغطي ع الجرس خلي يجي الدكتور ..
ضغطت و جت الممرضه .. سألتها : و شاورت بي ايدي ع حجرة مريم و قالت اوك .. قاللها حسام نبي الدكتور ..
قالي جبتيلي ملابس ؟ قتله ايه .. اعطيته ملابسه و جى الدكتور طلعت .. قعدت واقفه برا .. ربع ساعة و طلع حسام .. لابس سروال توته و تيشيرت .. حركته صعبه .. مشيت شديت في ايده .. جت ابتسام سلمت عليه .. و تحمدت له بالسلامه .. قعدنا نمشوا بالشويه .. حسام يتألم .. بس من غير ما يضهرلي .. وقفنا و ضغط على ايدي .. قتله خيرك ؟
قالي دووووخه ...
قتله به ليش نضت من سريرك !!!! 🤨
مشينا خطوات .. وقفنا ياخد في نفس .. مشينا خطوات ... وقفنا ياخد في نفس ... مشينا وصلنا للغرفه .. خشينا ...
اول ما شاف مريومه ضحك و عيونه دموع .. قال لي مريومه يا قلبي ..
رخيت ايده و قتله حسام انا قلبك 🤨
قالي حتى هي قلبي 😘
قتله حسام اناااااا قلبك 🤨🤨
مدلي ايده و قالي به انتي قلبي ♥️♥️ قتله ايووووه هكي احنا احباب 🥰🥰💋💋
قرب من مريومه .. مش قادر يطبس ع خاطر العمليه .. و مش قادره نقيم مريومه بردوا ع خاطر العمليه 😔💔
قعد يتلمس في خدها و شعرها .. و يمسح ع ضماد العمليه و يقول فيا و لا فيك ان شاءالله ♥️♥️
نشوفلهم و انا مليانه حب ♥️ مليانه اعتزاز ♥️ مليانه طاقه ♥️
♥️🌺يارب احفظهم لي يارب ♥️🌺
أختياري صح .. ايه اختياري صح .. هذا الرجل الي من المفترض ترتبطي بيه .. هو بوك .. هو خوك ... هو حبيبك ...هو راجلك ... هو سندك ... هو دنيتك ♥️🌺
طلعنا لانه مش قادر يوقف هلبا .. و كان واضح هلبا عليه التعب .. رجع للسرير .. وجهه اصفر .. قتله شن تحس ؟؟؟
قالي مش عارف .. نحس و كأن من يجبد في قلبي .. و دوخه قويه ..
حط راسه ع المخده ..
قتله انادي الدكتور ؟ قالي لا ما فيش داعي .. جت الممرضه دارتله التغذيه .. و بتشوف الجرح .. قام التيشيرت .. ما كنتش قادره نشوف .. خفت ندوخ و انا الجهد يجيبه ربي ..😔
طلعت قعدت مع ابتسام و مهاب و طلبت منها تروح ترتاح و تأسفت منها لاني بجد تعبتها ..طلعت الممرضه و خشيت انا لي حسام ... دخلت معاي مهاب .. باسه و قتله ابتسام بتروح .. قالي روحي حتى انتي .. قتله لا بنقعد جنبك انت و مريومه .. قالي روحي ما فيش داعي .. و ارفعي تليفوني معاك و خلي تليفونك باش نكلمك ..
قتله حساااااام 😢
قالي روحي و كولي و خلي مهاب معاك و الصبح تعالي ..
قتله تمام 😔😔
بوسته و مشيت بوست مريومه و روحت .. خشيت شقتي و سألتني ابتسام كان نبي حاجة ؟ شكرتها و طلعت روحت و قعدت انا و مهاب بروحنا ..
دوشت لي مهاب و لبسته ملابسه و وكلته و رقد .. نسمع في تليفون حسام يرن .. رديت .. أبله سعاد .. تسأل عليا و على حسام و الصغار و حسيت من كلامها انها ما تعرفش ان حسام مداير عمليه .. صكرت بعد ما طمنتها .. و بعد ربع ساعه ممكن اتصلت امي .. قتلي توا قالتلي ابله سعاد انها كلماتك قلت خلي نتصل .. كيف حالكم كلكم ؟؟ قتلها ماما راه مريومه دارت عمليه و حسام الي تبرعلها 😔😔 ..
قتلي انشالله بالشفاء عليهم يا رب و قعدت تبكي و تقولي قلبي عندك غادي و كل يوم نبكي و نفكر فيك 😢
قتلها ادعيلي ربي ينوضهم بالسلامه .. قتلي ندعيلك في كل وقت و كل آذان .. قتلي المشكله التأشيره صعبه و كان هذا جيتك ..
صكرت من امي ... و كلمت حسام طمنته عليا و صكرت ..
قعدت في فراشي نفكر في كل شي .. و ندعي الله يرجعولي بنتي و راجلي .. رقدت خداني النوم .. و نضت الصبح جهزت نفسي و مشيت للمصحه .. قعدت ع الحال هذا لين الدكتور دار خروج لحسام ..
اتصل بيا و قالي دارولي خروج و مريم مزال بتقعد في المصحه ..
قتله تمام بنجي للمصحه انا .. قالي لا تو يروح بيا سالم ( راجل ابتسام ) قتله به ع الاقل نشوف مريومه .. قالي ما فيش داعي اليوم بكره نشوفوها مع بعض ..
لحضات و بعتلي صورتها سيلفي هو و اياها .. فرحت و قعدت نضحك ع لقطة مريومه و ضحكتها في الصورة ...
خشيت دوشت و لفيت شعري .. حطيت ميك آب .. امممممممم به شن بنطيب اليوم !! الحوش فيه حاجات ناقصه ...
رن جرس الشقه .. ابتسام جت .. قتلي قالي سالم حسام اليوم يطلع قلت نجي نشوفك بالك تبي حاجة .. قتلها تعرفي كيف كنت نخمم شن بنطيب .. قتلي هاتي ناخدلك شن ناقص .. قتلها اوك 😘 ....
ما احلاهم الليبيين في الغربه .. تحسي يعرفوك و عشرة عمر .. تحسيهم عيلتك ..
مشت جابتلي شن ناقص و بديت نطيب انا و اياها .. و جهز كل شي ع النار .. قتلي ابتسام بنروح انا .. قتلها لا بالله اقعدي نتعشوا مع بعض .. قتلي لا و الله نبي نروح قبل ما يجي راجلك .. قتلها لا بالله تقعدي .. قتلي الراجل كيف مروح من المصحه خلي يرتاح و لاحقه الايام تو نجي ...
روحت ابتسام و خشيت لبست شورت اسود قصير و كانتيرا دانتيل ..
وقفت قدام المرايا .. اممممممم قداش ليا ما اهتميت بنفسي .. اليوم بس حسيت ان انا مريم 🙈♥️.....
هيا انا نستنى ... متوتره .. متوتره متوتره متوتره ... مره مره ندير في دوره ع المطبخ ..
لحضات و رن جرس الباب ... اووووووف قلبي ... يارب نقدر نصبر و ما نديرله شي يارب ..
فتحت الباب .. عيطت 😳 لقيت مريومه معاه .. شد ايد مريومه و حركها 👋🏻 و قال هاي مامي .. وخرت و ايديا على فمي متفاجأه 🤭🤭 لا مش معقوله الي نشوف فيه لا و نضحك و نبكي في نفس الوقت ..
خداني في حضنه انا و مريومه و بوسته .. قالي خشي شويه الراجل بيدخل حاجات .. خديت مريومه و خشيت .. غيرتلها ملابسها و كنت اول مره نشوف جرحها بحكم ان في المصحه هما الي يهتموا بيها .. قعدت نرضع فيها و نلعب بشعرها و نحمد في ربي انها معاي و في حضني .. قتلها مهاب ح يفرح لما ينوض يلقاك هنا 😘😘
خش حسام .. لقاها ترضع .. قال اوووووو مريومه ما كانش هذا اتفاقنا راه 😉
مديتله ايدي و قتله تعالي 😉 .. جى اتكى جنبنا و قعد يتفرج عليها و هي ترضع ..
أنا كلي حب ♥️🌺 كلي شوق ♥️🌺 كلي لهفة ♥️🌺
قرب باسها و باس صدري .. و قال حبيباتي الزوز ♥️
رقدت مريومه .. نحيت صدري و لبست و حطيتها في فراشها .. جيت جنبه ..
طبست خديت بوسه و صبعي يمر على عينه ... خده ... لحيته ... شعره ... رقبته .. قتله بنسألك .. قالي قولي .. قتله لما بوستك و انت في المصحه و قلت ااااااااااااااه من الوجع العمليه او من بوستي ؟ 😉😉 و عضيت فمي ...
قالي من حلاوة فمك .. من كثر ما مستاحشك .. ماهو البوسه هادي كانت ليها هلبا دلالات ..
قتله كيف ؟
قالي بوسيني تاني .. نزلت خديت فمه كله في فمي .. قمت راسي ..
قالي ااااااااااااااه
قتله قولي شن هما الدلالات ؟
قالي تحبيني .. سامحتيني .. مستاحشتيني ...
و اهم حاجة انك سامحتيني ...
قام راسه يبوس فيا .. شناباته في فمي .. ريقه الي زي الشهد .. يمص في فمي بقوة .. لساني في لسانه .. رخاني و انا قلبي بيطلع .. دسيت راسي في حضنه .. قاملي راسي قالي مزال تبي بيبي ؟؟
قتله ايه و بشده .. نبيه بقوة ..
لكن حسام بعد ما نشوف العشاء لانه شكله انحرق 😱😱😱😱😱😱
نضت نجري للمطبخ صكرت النار ع كل شي 🥵🥵🥵
اووووووووووووووووف ضاعت الرومانسيه 🤦🏻♀️🤦🏻♀️
No name ♥️🌺
