#قصه من احدهم يقول :
-
بقولكم قصتي قبل ثلاث سنوات صارتلي.
كنّا ساكنين بشقه الين ما يخلص بيتنا لانه كنّا تونا بننقل فيه ، المهم الشقه لما سكنا فيها تعرفون لما يجيكم احساس إنكم ما ارتحتوا او شي ناغزكم انا كنت كذا والله المهم مر اول أسبوع واحنا فيها عادي بس بعدين صارت أشياء غريبه ، كنت مقفله انوار الغرفه و اختي الصغيره نايمه واطقطق بجوالي سمعت صوت ضحكه! ضحكه شخص مو صغير واضح كبير جمدت ماعرفت شسوي ، نمت وصحيت قلت لامي عاد تعرفون الأمهات يقولون هذا من الجوال يتهيألك ، ثاني يوم كنت متربعه بالمطبخ وأختي الصغيره قدامي واقطلعها تفاح اخليها تاكل يعني هي ما تشوف اللي وراها وهو الباب حق المطبخ شفت شي والله وبسرعة مر وصنمت وانا اطل واختي تقولي شفيك؟ خافت اني طولت وانا أطل قلت ما في شي دنقت كأنه واقف قدام المطبخ قلت لاختي لا تلفين كلي كلي ، هي صغيره طبعاً ف خافت وقالت ليش تقولين كذا قلت مافي شي يلا خلصي بسرعه ، اليوم اللي بعده قاعده بغرفة قدامها الصاله ، شفت ابوي مر ومشيت وراه بعدين رجعت أخذ جوالي رجعت وين ابوي؟؟ ماهو فيه يمه وين ابوي؟؟ قالت طلع من قبل ساعه يرجع شوي وش تبين قلت خلاص بعدين جا ابوي قلت ان كنت هنا؟ قال لا برى وثوبه كان ابيض وانا اللي شفته اللون زي الرمادي ، حسّيت بنجن وخايفه بعدين ماصرت بس انا اللي خايفه حتى ابوي جا قال لامي انا بالسياره من اول واقف وانتي واقفه بعيد استناك تجين ما جيتي احسب تبين مشوار ، امي انخرشت قالت مو انا ! عدا الموضوع وأبوي بعدين وقف لأختي تروح البقاله والبقاله فيها درج دخل ابوي السياره وأختي جت تركض تقول ابوي وانا نازله في حرمه واقفه تستناني عند باب العماره اشوفها من بعيد لابسه عبايه! قال مافي شي بسم الله عليك هيا ادخلي ، تعرفون احس ابغا اطلع منها وافتك بسرعه .
ويوم صحيت من النوم واقفه عند الحمام دقيت الباب وبشوف فيه احد ولا لا رجعت دقيت ومحد يرد ، قلت أكيد م فيه احد بفك الباببس مقفل رجعت مره ثانيه ولقيت الباب مفتوح لآخر شي بعدين قلت لامي أنتي كنتي موجودة في الحمام؟ قالت لا ، سألت ابوي وقال لا ، عشان لا تخافون من شي وجاء وقت اننا ننقل من الشقه حمدت ربي وقتها قلت لأبوي امانه اسأل احد عن الشقه قال احنا بنطلع خلاص نسأل ليش ، قلت جرب ولما سلمنا المفتاح الشقه ابوي سأل اللي حوالين الحاره رجال قال لأبوي هذه وحده كانت طيبه وعندها عيال بس كل واحد منشغل بزوجته عنها وماتت وطولت ومحد سأل عنها ، يا حرام حتى ريحتها لما عيالها جو كانت طالعه فالنهايه بقول اني ما كذبت بولا حرف والله يرحمها والحمدلله اننا نقلنا وما طولنا وكان غلط اننا جلسنا بمكان من دون لا نعرف ولا نسأل ، شكرا.
#انتهى ..
