أحببت مُربيه ابنتي بقلم هاله محمد (مكتمله)

البارت الرابع

#احببت_مربيه_ابنتي

#هاله_محمد

#البارت_الرابع

تقي : ماما يا ماما
زينب : ايه يا تقي انا في المطبخ
تقي وراحه لامها المطبخ : هو احمد فين
زينب : احمد في الدرس ليه
تقي بتكشيره : يوووه بقي كنت عايزه شوكولاته وشيبسي
زينب : يا بنتي انتي لسه واكله شيبسي قبل ما تنامي غلط عليكي كده وبعدين انتي صغيره علي الحاجات دي اللي قدك متجوزين ومخلفين
تقي : يا ستي انا عيله قدام الحاجات دي بحبها الله
زينب بقله حيله : ماشي ياختي روحي بقي جيبي لنفسك
تقي : ماشي انا نازله سلام
نزلت تقي جابت اللي هي عيزاه ورجعت
تقي وهي طالعه علي السلم : طنط سعاد ازيك عامله ايه
سعاد : الحمد لله يا حببتي انتي اللي عامله ايه وامك عامله ايه
تقي : كويسين الحمد لله،مين القمر اللي معاكي دي وبصت علي هنا
سعاد كانت ماسكه هنا وهنا استخبت فيها لمه شافت تقي
سعاد : دي بقي هنا
تقي بفرحه : بجد انتي هنا انا كان نفسي اشوفك اوي الله انتي حلوه اوي
تقي بتقرب من هنا لكن هنا خايفه منها
تقي بحنيه : تعالي معايا بصي انا جبت ايه شيبسي وشكولاته
سعاد : معلشي اصلها مش عرفاكي عشان كده خايفه
تقي بتفكير :..... انتي بتحبي العرايس
هنا : اه
تقي بفرحه : طب ايه رايك انا عندي عروسه جميله شبهك تحبي تلعبي معايا
هنا ابتسمت : ماشي (هنا مسكت في ايد تقي )
سعاد بفرحه : خلي بالك منها يا تقي انا هشوف ام سيد ماشي وانتي يا هنا اوعي تزهقي تقي
هنا : حاضر
تقي وشالت هنا : متخفيش علي القمر دي خالص هنلعب انا وهي
تقي خدت هنا ودخلت عندهم وسعاد دخلت عند اختها
زينب : ماشاء الله مين البنت الجميله دي يا تقي
تقي ولسه شيله هنا : دي بقي هنا اجمل بنت انا شفتها
زينب بتفكير : اااه هنا،هي الحاجه سعاد جت ولا ايه
تقي : اه عند طنط ام سيد،انا دخله انا وهنا في الاوضه عندي
زينب : ماشي يا حببتي
ودخلت تقي وهنا علي الاوضه
تقي وحطت هنا علي السرير وجابت العروسه بتعتها : بصي ايه رايك في العروسه الجميله دي
هنا بفرحه : الله دي حلوه اوي،انتي اسمك ايه
تقي : اسمي تقي
هنا : وانا اسمي هنا
تقي باست هنا : انتي هنايه
هنا : ايه ده بأبي هو كمان بيقولي كده
تقي ابتسمت علي برائه هنا : انتي سكر،خدي ياله بتحبي الشكولاته
هنا : اه بحبها
تقي وأدت هنا الشكولاته : خدي احلي شوكولاته لحلا هنا
تقي وهنا فضلوا يلعبوا ويضحكوا كتير وهنا اتعلقت بتقي وتقي حبت هنا واتعلقت بيها
هنا باست تقي
تقي فرحه جدا : حببتي
هنا بحب : انا بحبك اوي
تقي حضنت هنا : وانا كمان بحبك اوي يا هنايه
زينب : يا تقي
تقي : نعم يا ماما
زينب : تعالي ياله عشان تكلي
تقي : بابا جه
زينب : اه وأحمد كمان جه
تقي : انا جايه اهو
تقي لهنا : ياله ناكل يا هنايه
هنا : ياله.      خرجت تقي وهي شيله هنا
احمد : مين الصغنونه دي
مصطفي : مين دي يا تقي
تقي : دي هنا
مصطفي : هنا مين ياتق.....ولم يكمل كلامه
دق دق دق
احمد قام فتح الباب
سعاد : سلامو عليكو يابني
احمد : عليكم السلام....جت عليهم زينب
زينب : اهلا وسهلا يا حاجه سعاد اتفضلي
سعاد دخلت : اهلا بيكي يا ام تقي معلشي بقي اكيد هنا غلبتكم
تقي : لا ابدا دي هاديه جدا ورقيقه
مصطفي : اتفضلي يا حاجه اقعدي
مصطفي بترحيب : اهلا وسهلا نورتينا والله
سعاد : ده نورك يا بني معلشي ازعجتكم
مصطفي : لا لا ابدا متقوليش كده
سعاد : ربنا يعزك يا بني،ياله ياهنا
هنا : لا انا عايزه اقعد مع تقي
سعاد بفرحه : انتي حبيتي تقي يا هنا
هنا حضنت تقي : اه يا داده انا بحب تقي اوي
سعاد بتفكير وقررت
سعاد : بقولك ابه يا ابو تقي انا كنت عيزاك في حاجه ويا رب ما تكسفني
مصطفي باستغراب وبص لزينب : اتفضلي يا حاجه سعاد قولي
زينب : خدي هنا يا تقي وادخلي جوه وانت ي احمد ادخل اوضتك
دخلت هنا وتقي وأحمد دخل اوضته
زينب : خير يا حاجه سعاد قلقتينا
سعاد بتنهيده : خير خير ان شاء الله،انا كنت بترجاكوا في حاجه كده
مصطفي : قولي يا حاجه اللي انتي عايزاه
استمع مصطفي وزينب بانتباه وسعاد حكت كل حاجه عن هنا
مصطفي بحزن : هو في ناس قلبهم قاسي كده ازاي تعامل طفله بريئه بالطريقه دي
زينب : منهم لله هي و اللي زيها
سعاد : انا كنت عايزه اقول
مصطفي : قولي يا حاجه سعاد لو هنقدر نساعد في حاجه مع اني مش عارف هنساعد ازاي
سعاد : انا كنت عايزه تقي تيجي تقعد معانا
مصطفي بصدمه : ايه ازاي بس يا حاجه سعاد هتقعد بصفتها ايه
سعاد : اسمعني بس هنا عمرها ما قعدت مع حد غريب كانت ديما بتخاف لكن تقي قدرت تخليها تحبها فكنت عايزاه تقعد معاها كمربيه
زينب : لا لا مش هينفع طبعا لمؤخذه يا حاجه سعاد
مصطفي : ازاي بس هتقعد وفي راجل غريب ميصحش
سعاد : يابني رعد سافر والله اعلم هيقعد اد ايه وانا يابني كبيرت في السن وكمان اول لمه رعد يرجع تقي هاتمشي يعني عمرهم ما هيتقبلوا خالص
مصطفي : يا حاجه انتي بتقولي بنتي تبعد عني وتعيش معاكوا
سعاد : متخفيش عليها وهي هتبقي في امان والله ارجوك يا بني اعتبرني زي امك
مصطفي وقلبه رق : خلاص يا حاجه سعاد انا هسال تقي وهشوف رأيها
زينب : ازاي بس يا ابو تقي
مصطفي : ده عمل انساني يا ام تقي والحاجه سعاد هتخلي بلها منها وكمان انتي مربيه تقي وعرفاها كويس
زينب بقله حيله : اللي تشوفه
مصطفي : طب قومي نادي علي تقي
تقي : نعم يا بابا حضرتك عايزني
مصطفي وقال لتقي طلب سعاد
تقي : مش عارفه يا بابا اللي حضرتك تشوفه
مصطفي : اهم حاجه انتي يا تقي رايك ايه
هنا برجاء : تعالي معايا يا تقي عشان نلعب سوا واوريكي العروسه بتعتي
تقي بصت لهنا وابتسمت : ماشي يا هنايه
سعاد بفرحه : طب ياله يا تقي حضري شنطتك وتعالي ده بعد ازنك يا ابو تقي
مصطفي : روحي يا تقي حضري شنطتك
تقي : حاضر يا بابا
ذهبت تقي وسعاد وهنا الي الفيلا
هنا ماسكه ايد تقي وبتشدها
هنا : تعالي يا تقي نطلع فوق
سعاد : استني يا هنا لمه ناكل الاول
هنا بتذمد طفولي : يوه بقي
تقي : كده عيب يا هنا لمه حد كبير يكلمنا لازم نسمع الكلام
هنا : حاضر
نروح عند رعد
مهاب : في ايه يا رعد انت هتفضل باصص في اللاب كده كتير
رعد : مش عارف هي هنا مطلعتشي اوضتها ليه ده كلوا معقول لسه مرجعوش من بره انا هتصل بداده سعاد اطمن عليهم
عند هنا
سعاد : كولي بقي يا هنا
هنا : مش عايزه اكل
تقي : كده انا زعلانه منك يا هنا
هنا : مني انا ليه
تقي : عشان مش عايزه تأكلي ياله كولي عشان نطلع نلعب وتوريني العروسه بتعتك
هنا بدئت تاكل وسعاد كانت فرحانه بتقي
رعد : الو ازيك يا داده
سعاد : ازيك يا حبيبي عامل ايه
رعد : الحمد لله يا داده هي هنا فين انتم رجعتوا ولا لسه
سعاد : اه يا حبيبي رجعنا وكنت باكل هنا وراحه تغسل ايديها
رعد : ماشي يا داده انا هكلمها علي التاب بتعها
سعاد : ماشي يا حبيبي.....قفلت سعاد ورعد
سعاد : هنا بابي اتصل بيكي
هنا بفرحه : هييييه هاتي أكلمه
سعاد : هو هيتصل بيكي لمه تطلعي اوضتك
في : طنط سعاد هو عارف اني موجوده هنا
سعاد : لا انا مقولتلوش
تقي براحه : طب كويس انا مش عايزه يعرف اني هنا يعني عشان لمه يرجع انا همشي
سعاد : برحتك يا حببتي
تقي : هنا ممكن اطلب منك حاجه
هنا : ايه
تقي : ممكن لمه بأبي يكلمك متقولوش اني موجوده معاكي
هنا : ليه يعني اكذب
تقي بإحراج : لا يا حببتي اصل انتي لو قولتيله انا همشي ومش هاجي تاني
هنا : لا خلاص انا مش هقوله حاجه هيبقي سر
تقي بابتسامه ظهرت غمزتها : ههههه‍ ايوه سر شطوره
سعاد : طب اطلعوا انتم وانا هجيبلكم عصير وجايه
طلعت تقي وهنا ودخلوا اوضه هنا
عند رعد
رعد لنفسه : ايه ده مين دي؟!

#هاله_محمد