أحببت مُربيه ابنتي بقلم هاله محمد (مكتمله)

البارت العاشر

#احببت_مربيه_ابنتي

#هاله_محمد

#البارت_العاشر

زينب بتبص لتقي من فوق لتحت : لبسه ورايحه علي فين دلوقتي
تقي بتلقائية : انا رايحه لهنا...وبتلف عشان تمشي...سلام بقي السواق واقف علي أول الشارع
زينب بتهكم : ومين اللي قالك انك هتروحي
تقي بصدمه : يعني ايه يا ماما مش هرووووح ليه
زينب بجمود : من غير ليه خلاص كفايه عليكي كده مش ابوها رجع يبقي مفيش داعي انك تروحي
تقي باستعطاف ورجاء باست امها : ماما حببتي احنا اتفقنا وانا قلت لبابا عشان خاطري سبيني اروح
زينب بهدوء : يا بنتي هو حد قالك أننا محتاجين فلوس
تقي بتوضيح : ومين جاب سيره الفلوس دلوقتي انا عايزه اروح عشان هنا وافقي بقي يا ماما داده سعاد كلمتني وقالتلي أن السواق واقف علي أول الشارع يلا بقي عشان خاطري يا زوزو انا تقي حببتك وافقي بقي
زينب حطت اديها علي ودنها : يالهوي عليكي دانتي
بقيتي زنانه
تقي بابتسامه : طب قولي بقي عشان خاطري
زينب بعدم فهم : هقول ايه يا بنتي...؟!
تقي : قولي روحي تقي يلا يا زوزو
زينب بقله حيله : ماشي يا تقي روحي
تقي بفرحه قاعدت تتنطت وحضنت امها وبستها : ربنا يخليكي يا ست الكل احلي زوزو في الدنيا كلها
زينب ابتسمت بحب : خلي بالك من نفسك....
تقي وهي ماشيه : حاضر يا قمر سلام
تقي نزلت وركبت مع السواق
احمد دخل لزينب المطبخ : ماما انا جعان اوي احنا مش هنفطر ولا ايه
زينب : ماشي هحضرلك الفطار اهو روح بس اغسل وشك واتوضا وصلي
احمد باستفسار : هو انا هفطر لوحدي ولا ايه فين تقي وانتي يا زوزو يا عسل مش هتفطري ولا ايه....؟
زينب وهي بأجهزة فطار لابنها : انا فطرت مع ابوك من بدري وتقي راحت علي الشغل
احمد بتوهان : شغل ايه..؟!ااااه عند البنت الصغيره القمر دي
زينب وهي بتقلد ابنها : ااه عند البنت الصغيره القمر دي....صحيح يا واد يا احمد هي ام مؤمن ماجتشي معاهم ليه
احمد بتوضيح : أمهم ميته من زمان يا ماما هو انتي ما تعرفيش
زينب : ميته وانا هعرف منين هو انت شايفني اعرف حد غير جرنا في العماره،وكمان هما في منطقه بعيده عننا خالص وانت ما قولتليش ليه مش ام صحبك
احمد ببرود : عادي يعني يا ماما ما جاش في بالي،المهم انا عايز اكل يا حجه انا عندي درس
زينب باستفسار : انت مش بتروح المدرسه ليه يا واد....؟!
احمد بضيق : ماما الامتحانات ناقص عليها أقل من شهر ولا نسيتي
زينب هزت راسها : ماشي خلاص روح بقي صلي وانا خلصت اهو..... #هاله_محمد
تقي حضنت سعاد بحب : وحشتيني اوي يا داده
سعاد شددت علي حضن تقي : وانتي اكتر يا حببتي
عامله ايه
تقي بعدت عن سعاد ورددت بهدوء : الحمد لله بخير،هي هنا فين اوعي تقولي لسه نايمه
سعاد بابتسامه : هي فعلا لسه نايمه،اطلعي صحيها وانا هجيب فطاركم واجلكم
تقي بابتسامه : حاضر..طلعت تقي عند هنا
تقي بهدوء : هنا..هنايا..حببتي
هنا بفرحه ونوم قامت اتعلقت في رقبته تقي : تقي هيييه انتي جيتي
تقي حضنت هنا بحب : اه يا حببتي انا جيت يلا قومي بقي عشان نفطر وبعدين تحكيلي علي كل حاجه عملتيها وانا مش معاكي
هنا قامت وقفت علي السرير : هغسل وشي بسرعه
تقي ابتسمت علي حركات هنا الطفوليه : ماشي يلا بسرعه
رعد اول ما شاف تقي فرح جدا لانه اتاكد أنه فعلا بيحبها  لانه كان حاسس انه متضايق وقلقان ومخنوق وهو مش بيشوفها واول ما شافها حس براحه نفسيه وكأنه مش هو اللي كان مش طايق نفسه ولا طايق اي حد بس كان خايف لتكون تقي وفقت علي العريس وقال لنفسه هيصبر لحد ما يعرف هي عملت ايه
تقي اخدت صنيه الفطار من داده سعاد
داده سعاد : يلا يا هنا عشان تفطري
قعدت تقي وهنا يفطروا
داده سعاد : عملتي ايه يا تقي في العريس...؟
تقي بحزن : والله يا داده مش عارفه هو انسان محترم ودكتور وحالته الماديه كويسه بس
داده سعاد :بس ايه يا تقي يعني بتقولي دكتور ومحترم ومرتاح يبقي بس ليه
تقي بتردد : يعني مش حاسه نفسي معا ماشدنيش ليه....تقي سرحت وقالت بابتسامه.....يعني في شخص تحبيه من مجرد ما تسمعي صوته أو حد يكلمك عنه أو حتي تشوفي صورته لكن مؤمن ما حستشي معاه بحاجه يعني كان عادي بالنسبالي
سعاد حست أن تقي تقصد رعد سعاد بخبث : هو انتي بتحبي حد يا تقي #هاله_محمد
رعد ركز اوي في سؤال داده سعاد ومستني رد تقي بفارغ الصبر
تقي باحراج وتوتر : هااا بحب حد يعني ايه يا داده
داده سعاد بتوضيح : يعني كلامك كان في حد شاغل بالك
تقي لسه هتتكلم لكن هنا قاطعتها
هنا : تقي يلا بقي عشان نلعب
رعد خبط بايده علي مكتبه وكان عايزه يتاكد أن كان تقي في حد في بالها وقلبها ولا لاءه لكنه حس بإحساس غريب لمه قالت انها ممكن تحب حد من صوته أو صورته وكان عنده امل ان الكلام عليه لكن محبش يوهم نفسه
تقي اخدت نفس ومصدقت ان هنا كلمتها عشان تتخلص من الاحراج والتوتر اللي بقت فيه : يلا يا حببتي
هنا ببرائه : تقي انا قلت لبابي اني لعبت معاكي بالعروسه بتاعتك
تقي بصدمه : ايه قولتيله عليه وقالك ايه يا هنا؟
هنا هزت كتفها بطفوليه : مش قالي حاجه
تقي بصت لداده سعاد
داده سعاد فهمت نظرات تقي : دا انا لحقتها بالعافيه قولتله أن تقي اللي بتتكلم عنها عيله صغيره وفي سن هنا
تقي اتنهدت براحه : طب كويس ياداد انك قولتي كده والا كانت هتبقي مشكله
سعاد باستفسار :  صحيح ياتقي انتي ليه مش عايزه رعد يعرف انك موجوده هنا او انك مربيه بنته يعني بباكي هو اللي رافض أنه يعرف؟
تقي مطت شفتيها وقامت وقفت : بابا خالص مفيش مشكله عنده لكن انا مش عارفه ياداده اصل انا ما اخطلتش بحد قبل كده وعمري ما اشتغلت ولا كلمت اي راجل غريب انا ما عرفشي في حياتي غير بابا وأحمد اخويا
داده سعاد بتفهم : انتي مالكيش اصحاب يا تقي
تقي بحزن : للاسف لا كان ليه صاحبه واحده بس لمه كنت في ثانوي لكن سافرت هي وباباها من يوم ما مامتها ماتت وانا مشفتهاش ومعرفشي اي حاجه عنها خالص #هاله_محمد
داده سعاد يتعاطف : يا حببتي يعني انتي مش بتخرجي مع حد خالص طب ما حولتيش ليه تصحبي حد وانتي في الجامعه
تقي : كان في بنات كتير بيكلموني وكنت اول ما برتحلهم بكتشف أن في حد هو اللي قايلهم عشان يوقعني فقررت ماصحبش حد خالص واكون لوحدي
داده سعاد : في ناس كده مش بيحبوا حد احسن منهم فلو هما وحشيين بيحولوا يشدوا الشخص الكويس للحاجه الوحشه عشان يبقي زيهم،ربنا يكفيكي شرهم يابنتي
رعد كان سامع كل الكلام وكان متضايق علي تقي ازاي الملاك ده حد يكره أو يتمناله الشر
بعد يومين في ڤيلا رعد والوضع كما هو تقي توصل الفيلا بعد رعد ما يخرج علي الشركه وتخرج قبل ما رعد يرجع ومفيش اي مقابله تمت بينهم مفيش غير أن رعد متابعها من خلف شاشه هاتفه
تقي وسعاد وهنا كان قاعدين بيتفرجوا علي tv فجاه طب عليهم حد
.....: داده سعاد
داده سعاد باقتضاب : الصوت ده مش غريب عليه
..... : يا داده سعاد انتي يا حجه
هنا بفرحه : تيته جت هيييه
تقي باستغراب : تيته...؟
داده سعاد و هنا وتقي خرجوا : اهلا وسهلا حمدالله علي السلامه ياست ميرنا
ميرنا بضيق وغرور : ايه كل ده عشان تردي عليه ساعه
داده سعاد : معلشي ما سمعتكيش
ميرنا بتبص لهنا : هنا تعالي وحشتيني
هنا بزعل طفولي ووقفت جنب تقي : تيته فين مش جت معاكي
ميرنا بزعل مصطنع : كده يا هنا يعني انتي بتحبي تيته اكتر مني #هاله_محمد
هنا بتلقائية : اه بحبها اكتر منك ومش بحبك عشان انتي بتزعقي لداده سعاد
ميرنا بعصبية : بنت عيب كده انتي قليله الادب
هنا عيطت وخافت من ميرنا
تقي بهدوء حضنت هنا وطبطبت عليها : تعالي يا هنا بس يا حببتي...واكملت بعصبية....ممكن اعرف انتي ازاي تزعقلها بالطريقه دي اللي عايز يفهم طفله الصح من الغلط فبيكلمها براحه لأن كده مهما قلتي عمرها ما هتسمع كلامك
ميرنا ربعت ايديها قدام صدرها وبصت لتقي من فوق لتحت : وانتي مين بقي عشان تعرفيني اتكلم ازاي واتعامل ازاي هاا...؟
تقي بهدوء : انا مُربيه هنا
ميرنا ببرود : بجد طب ممكن بقي من غير مطرود احنا استغنانا عن خدماتك يلا مع الف سلامه
هنا بدموع ووقفت قصاد ميرنا : لا تقي مش هتمشي انا بحب تقي انتي اللي تمشي
ميرنا بغيظ وغل : انتي تخرسي خالص واطلعي علي اوضتك حالا....ورفعت اديها تضرب هنا بالقلم تقي مسكت ايد ميرنا قبل ما تلمس هنا
هنا خافت وعيطت اكتر وطلعت علي اوضتها
تقي بعصبيه : انتي ازاي كنتي عايزه تضربيها عارف لو كنتي فعلا عملتي كده كنت هندمك بجد
ميرنا بغيظ اكبر : انتي مين انتي وازاي بتتكلمي مع اسيادك بالطريق دي انتي مجرد حتت مربيه مش اكتر ويلا اخرجي بره
سعاد بسرعه وبدون وعي : تقي تبقي مرات رعد بيه مش بس مربيه هنا
هنا طلعت اوضتها وكلمت رعد علي التاب بتعها
هنا بدموع وشهقه : بأبي اهه اهه
رعد بخوف وقلق قام وقف : في ايه يا هنا بتعيطي كده لذيه يا حببتي
هنا بدموع : ميرنا جت وكانت عايزه تضربني وبتقول لتقي يلا امشي تعالي يا بأبي قولها هي امشي مش تقي
رعد استغرب مجيأ ميرنا : طب يا حببتي اهدي انا جاي حالا....قفل رعد مع هنا واخد مفاتيح عربيته ونزل بسرعه #هاله_محمد
احتلت الصدمه وجوه كلا من تقي وميرنا حتي داده سعاد ماكنتشي عارفه هي قالت كده ازاي لكن كانت عايزه تفك المشكله وتبعد ميرنا عن تقي لأنها عارفه ميرنا مغروره وشايفه نفسها أحسن من الناس وعارفه أن تقي طيبه ومش هتستحمل اهانه من ميرنا
ميرنا بغيظ وصدمه : نعم مرات مين ازاي يعني مرات رعد....؟!
داده سعاد بثبات مزيف : ايوه ست تقي تبقي مرات رعد بيه مش محتاجه توضيح
تقي بصت لداده سعاد بصدمه وعينيها بتقول ازاي تقولي كده طب هو هيقولك ايه
ميرنا بعدم تصديق : انتي كدابه ازاي رعد يتجوز واحد زي دي انتي شكلك كده كبرتي وخرفتب يا سعاد...وبصت لتقي باستحقار....بقي دي مرات رعد
دخل رعد من باب الفيلا علي اخر كلام ميرنا
رعد بجمود وثبات : اه يا ميرنا تقي تبقي مراتي عندك مشكله
تقي برقت عينيها وكان ظهرها لرعد قلبها دق جامد وكأنه هيخرج من صدرها اول ما سمعت صوت رعد كانت مصدومه لمه اتكلم وقال إنها مراته
هنا نازله من علي السلم : بأبي بأبي....بوووووم وقعت من علي السلم لحد تحت واغم عليها رعد وتقي وسعاد جريوا عليها بسرعه
رعد بخوف : هناااااا
تقي بدموع ورعب علي هنا : هنااا حببتي
سعاد بخوف ودموع : يا حببتي يا بنتي
رعد شال هنا وجري بيها علي عربيته وكانت وراه تقي اللي فتحتله الباب وهو دخل هنا علي الكنبه اللي وره وتقي دخلت قعدت جنب هنا ونيمتها علي رجلها رعد ركب عربيته وساق باقصي سرعه علي مستشفي السيوفي الخاصه

#هاله_محمد

هو ليه مفيش تفاعل خالص علي الروايه لو هي مش عجباكوا انا ممكن أوقفها والله يا جماعه انا بتعب في الكتابه وبعد أمه اكتبها برجعها لو فيها أي أخطاء يعني اي تقدير منكم يحسسني أن تعبي كله بفيده
وشكرا لكل حد بيتفاعل مع الروايه⁦❤️⁩⁦❤️⁩⁦❤️⁩