اهدتنى معاقا "لكنه القدر"

بارت ١

وقفت أمامه تدور من الفرحة ،تمسك ذراعيه بسعادة تشع من عينيها
_ياااه يا كارم ،انا مش مصدقة إني أخيرا حامل بعد خلاص كنت فقدت الأمل،بعد 10سنين لف على المستشفيات والدكاترة وكلهم بيقولوا مفيش أي مشاكل فينا خالص وإن دى إرادة الله
كارم بفرحة حقيقية_صدقي ياحبيبتي ،انا لسه الدكتور مطمني على نتيجة التحاليل ،مبروك يا روحي ،إيه رأيك نخرج نسهر برا بمناسبة الخبر السعيد ده
......

بعد حوالى سبعة أشهر ،كانت آمال تهتم بنفسها كثيرا وبجنينها،الذى يكبر فى أحشائها،رتبت له كل شىء خاص به واستعدت أتم الاستعداد ،جهزت له غرفته الخاصة،وسريره الهزار ولم تنسى الألعاب والقصص،اشترت له ادوات العناية الشخصيه بعناية فائقة،واشترت الملابس من أفخم المحال ذات الماركات العالمية،كيف لا وهو بن كارم شرف الدين رجل الأعمال الشهير،أحد أكبر الأثرياء فى الوسط
كان كارم سعيد جدا لسعادتها،هى زوجته التى يعشقها حد الجنون،صبروا معا طوال العشر سنوات ينتظرون طفلا يجمعهما يملأ حياتهما ،يؤنسهما فهم رغم الثراء الفاحش هذا لم تفلح مساعدة الأطباء فى إنجاب طفلا ،وأخيرا وبعد طول انتظار مَنَّ الله عليهم بهذا الخبر السعيد"حمل امال"

لكن سعادته لم تدم طويلا فلقد أخبره الطبيب أن الطفل سيكون معاقا ،لن يستطيع المشي ولا تحريك يده حتى ،

جُن جنون كارم كثيرا وحدث نفسه بغضب _أبعد هذه السنوات الطويلة من الانتظار يكون ابنى معاقا لا يتحرك ؟،ماذا عن هذه المسكينة التي تبني آمالها و أحلامها برؤية صغيرها يمشي ويجري أمام عينيها،لا لن تتحمل هذا قد يصيبها مكروه فهي رقيهقه جدا والخبر سوف يؤذيها
لم يرض بإرادة الله وسخط على ما يحدث معه ،نسى أن الله قادر على تغير القدر بالدعاء والتضرع إليه سبحانه
كارم_اتصرف يا دكتور انا مش عايز ابني كده

_منقدرش نعمل حاجه،الموضوع خارج عن إرادتنا تماما

هب واقفا وضرب مكتب الطبيب بغضب جلى -اتصرف أنا لا يمكن أقبل بطفل زى ده أبدا،ثم اقترب من الطبيب هامسا برجاء وعينين تشعين غم وهم-قدامك شهرين تتصرف بأى طريقه كانت،وهعطيك المبلغ اللى أنت عايزه،وأخرج له شيكا على بياض،الشيك ده حط فيه الرقم اللي تحبه وتركه وانصرف

اقترب موعد وضع آمال ولا زال الطبيب لم يفعل شيئا
-عملت ايه
-للاسف حاولت بكل الطرق الممكنة،بس مفيش فايدة لما الطفل يتولد يمكن نقدر نعالجه
صرخ به كارم بحده_انا لا يمكن يكون ابني معاق ابدا،ابن كارم شرف الدين يتولد كده استحالة ،وأمه لو عرفت بده ممكن تروح فيها وانا لا يمكن احتمل حاجه تحصلها،اتصرف يا دكتور والا هقلب لك العياده باللى فيها

صمت الطبيب لبرهة وكأنه يفكر لشىء ما خطط له من قبل فهو مستعد لأي شىء حتى لو باع ضميره وخان مهنته مقابل المال
-مفيش قدامنا إلا حل واحد
وقف قبالته يمسك يده برجاء-ارجوك قول ،انا مستعد أعمل أى حاجة
-إننا نبدل الطفل أول ما يتولد بطفل سليم
جحظت عيون كارم في صدمة- أنت بتقول إيه ،إنت اتجننت ؟
دس الطبيب سمه فى اذن كارم
-ده الحل الوحيد قدامنا،إنت مصمم متشوفش ابنك معاق ،وده أمر مستحيل،هنبدله بطفل سليم هيتولد في نفس اليوم
صمت كارم لبرهه وبدا مستعدا لفعل ما يقوله الطبيب