اهدتنى معاقا "لكنه القدر"

بارت٥

بس إتعلمته، ياااارب ،يارب نجي فرح أختي يارب،استغفرك وأتوب إليك

هنا علم يامن غلطته ،علم أنه ما كان ينبغي له أن يفعل ولا يقول ما قاله،علم أنه كان ينبغى أن يصبر كما كان يفعل دائما ،فنهاية الصبر حتما مرضية ،علم أنه أخطأ فى حق أخته التى تحملته وعانت معه وشاركته إعاقته ،تناست حياتها وأصبح أخيها جُل همها ،وها هو يجازيها بكلامه السىء معها،علم أن عدم دخوله الكلية التى أرادها ليس نهاية العالم ،يمكنه فعل أى شىء طالما الامل فى الله موجود  بكى وبكى خوفا وطمعا في رحمة الله

اقترب منه محمود ممسدا على كتفه _قوم يا يامن متعملش فى نفسك كده ،قوم فرح عايزاك جوا
اتسعت حدقتي يامن فرحا_فرح فاقت؟
أمسك كتف والده بسعاده_فرح كويسه بجد يابابا؟!

محمود بسعادة _ربنا يباركلكم فى بعض ياولادى،الحمد لله ثمرة تربيتى فيكم أثمرت ،ربنا يحببكم فى بعض دائما وتكونوا سند لبعض،ادخلها يا يامن

هرول يامن إلى غرفة فرح بقدر ما يستطيع،وجدها  تجلس على السرير تستند على الوسادة، ورأسها ملفوف بضمادة طبية
يامن بسعادة _فرح حبيبتى حمدا لله على سلامتك،أنا آسف،سامحيني

ابتسمت له فرح _أنا مش زعلانة منك يا يامن،وعمري مهما عملت ما هزعل منك أبدا ،انا زعلانه عليك يا يامن،متخيلتش يحصلك كده،خفت حالتك تدهور وترجع تانى متقدرش تقف ع رجليك
بدا يامن نادما_اتعلمت يا فرح ،غلطت وبعتذر ،أنا مكانش ينفع أعمل كده ،غلطت في حقك يافرح،صدقيتى مفيش ولا كلمة من اللى قلتها فى حقك حقيقية
فرح_متفهمة ومش زعلانة يا يامن
يامن بحب أخوى صادق_إنتى جميلة أوى يافرح،أنا مشفتش حد كده،متحملاني ومتحملة غضبي وصابرة

فرح_لو مكنتش أتحمل أخويا وقت ضعفه ،مين هيتحمله ،يامن إنت أخويا ،عارف يعنى إيه إخوات يا يامن
إخوات يعنى السند فى الحياة ،إخوات يعني نكمل بعض نشجع بعض نساعد بعض

  قبل يامن رأس أخته بحنو_بحبك أوى يافرح،دايما بحمد ربنا إنه رزقني بأخت زيك ،مش عارف من غيرك كنت هعمل إيه

محمود بمزاح _آسف لمقاطعة الجو الشاعرى ده ،يلا اشربوا العصير ده علشان الخضه اللي اتخضيتوها

يامن_تسلم يا بابا وأخذ عصيره وأعطاه لفرح_خدي ده كمان يافروح ،

فرح _ لا طبعا ، اشربه إنت، إنت مش شايف وشك مخطوف إزاي

احسان_أختك معاها حق،ده إنت ياحبة عينى كنت هتموت من الخوف على أختك،ربنا يخليكم لبعض ياولادى ومتتفرقوش ابدا (هل فعلا لن يفترقا فى النهايه)
******
في غرفة أمجد
_أمجد ،امجد قوم بقا بقالي ساعة بصحي فيك ،إيه ده قتيل نايم
تثائب
أمجد بنعاس_عايز إيه يازفت ،اخرج دلوقتى مش فايقلك

آسر_يا أمجد قوم بقا النتيجة هتظهر خلال دقائق ومش بعيد تكون ظهرت أصلا ،وحضرتك نايملي فى العسل