ذات مرة
طلبت إحسان من ابنتها أن تذهب للسوق لابتياع بعض الخضروات الطازجة
إحسان_فرح عايزاكى تروحى السوق خضار مع عند عم عوض وقوليله ينقيها كويس
فرح_حاضر،يا أمي
دخلت فرح غرفتها وارتدت عباءتها الكحلية اللون والتى بها بعد الزخارف السوداء الجميلة ،عدلت من لفة حجابها وأخذت الأموال من والدتها وانطلقت فى طريقها إلى السوق ،قالت أذكار الخروج من المنزل .(بسم الله، توكلت على الله، ولا حول ولا قوة إلا بالله)
-----------------------
وفى طريقها الى السوق
حاول شابا من الشباب المشاغبه فى المنطقه مضايقه فرح_وانا بقول الحته منورة ليه؟
لم تعره فرح بالا وأكملت طريقها ورأسها للارض تغض بصرها فهكذا علماها والديها
_استنى بس مالك تقلانه علينا ليه
****
كان يامن عائد مع أبيه من المسجد وعندما دخل المنزل سأل عن فرحيامن_أمي فين فرح؟
_فى السوق راحت تجيب خضار وجايه
_ليه بس ياامى تسيبيها تروح لوحدها
_عادى يا يامن أختك مبقتش صغيرة ،انا لولاا إني مشغولة كنت روحت معاها
_طب كنتى استنى لما ارجع وأنا أروح معاها
_أهو اللى حصل يا يامن ، شاهدته يبتعد فقالت منادية_يامن استنى رايح فين
كان يامن يخرج من باب منزلهم يريد اللحاق بأخته فرح
_هروح لفرح يا امى مش هسيبها لوحدها
الأم بتلقائية _هتعرف تروح لوحدك؟؟يامن بألم_أنا مبقتش صغير يا أمي
-يامن أنا مقصدش ياحبيبي بس أنا خايفة عليك
-متقلقيش عليا ياامى
احسان-بس ...
محمود-سيبيه يروح يا إحسان ابنك بقا راجل ،روح يابنى ،تيجى بالسلامة انت وأختك
إحسان بعد أن غادر يامن-ليه سبته يروح لوحده ممكن حد يتعرض له ويامن حساس أوي وبياخد على خاطرهمحمود-لازم يعتمد على نفسه ويبدأ يواجه الحياة لوحده من غير فرح
*****
-استنى بس انا بكلمك ردى عليا -واعترض طريقها وحاول منعها من المرور
-لو سمحت مينفعش كده ممكن تعدينى
-ولو قلت لا
-يبقى إنت الجاني على روحك وقامت بخلع حذاءها لكى تضربه
لحقها يامن ووقف أمامها-استنى يافرح،ايه يا أخينا إنت عايز إيه ،امشى من هنا وإلا
نظر الشاب إلى يامن بازدراء وضحك بسخرية-وانت اللى هتتصدرلى بسلامتك ،ده إنت مش عارف تصلب طولك
ابتلع يامن الاهانة بصعوبة
وقال بانفعال- لا الظاهر انك عايز تتربى وهَمّ ليضربه فمنعته اخته
فرح-لا يا يامن سيبه ويلا نمشى من هنا
الشاب بوقاحه-لا سيبيه قال يعنى أنا خايف منه ،ده نفخه منى تطيره
لم تتحمل فرح إهانة أخيها أكثر فانطلقت كالسهم بالحذاء تكيل الضربات الى الشاب
-اياك تفكر تانى تهين أخويا باى شكل من الأشكال،،فاهم ولا أفهمك تانى
أنت تقرأ
اهدتنى معاقا "لكنه القدر"
Short Storyرجل اعمال ثرى ،بعد سنوات عدة من عدم الانجاب،علم بخبر حمل زوجته ولكنه علم ان الطفل سيولد معاق الامر الذى لم يتحمله واتفق مع الطبيب على تبديله بعد ولادته باخر سليم دون ان يعلم احد ، تخلى عن طفله واخذ الاخر الى بيته ،ترى هل سيستطيع العيش بعد هذه الفعل...