اهدتنى معاقا "لكنه القدر"

الاخير ج١

فرح بضيق _طنط مشيت اتفضل اطلع برا بقا

امجد وهو يجلس على الشازلونج الخاص به _لا انا مرتاح فى اوضتى ومش خارج

فرح وهم تهم بالخروج _تمام يبقى اخرج انا ،جرى امجد ولحقها_استنى يا مجنونه هتخرجى تروحى فين

فرح بصراخ _ما هو انا استحاله اقعد مع  انسان حقير زيك فى مكان واحد

امجد بغضب_ فرح  الزمى حدودك فى الكلام معايا ،انا لحد دلوقتي صابر عليكى  ،لكن كون انك تغلطى فيا انا مش هسمح لك

_اوعى تكون مفكر انك اتجوزتنى بجد وانك هتقدر تكسرنى ،انا بقولك اهو يا امجد مش فرح اللى حد يقدر يكسرها

زفر امجد بضيق ومسح على رأسه بيده _انتى عايزة ايه دلوقتي علشان تهدى

فرح _ تخرج من الاوضه او اخرج انا

امجد _مش هينفع يافرح احنا مش عايشين لوحدينا هنا

فرح بعصبيه_اتصرف

امجد _خلاص انا هنام فى اوضه الملابس

فرح باستغراب _هتعرف تنام فى الدولاب

امجد بسخريه _دولاب ايه ،انتى مجنونه

فرح غاضبه _امجد ،احترم نفسك

امجد _ياسلام ،يعنى زعلتك اوى مجنونه وانتى من شويه بتقولى عليا حقير

نظر اليها بضيق وحمل الشازلونج ودخل غرفة الملابس ووضعه بها

امجد وهو يحمل حاسوبه _انا هدخل جوا ،اشتغل ومش هخرج الا لما اخبط على الباب علشان لو حبيت استخدم الحمام الموجود فى الاوضه هنا _خدى راحت ،عن اذنك يافرح
_اه نسيت ،هدومك هنا عندى ،تعالى شوفى هتلبسى ايه ،مش معقوله هتفضلى طول الوقت بالفستان ده ،مش هتكونى مرتاحه

دخلت فرح حيث يقف داخل غرفه الملابس فى استغراب  شديد
_كل دى هدوم ليه ،انت هتفتح مصنع

امجد بعدم فهم _ايه يابنتى هدومى اللى بلبسها

فرح باستنكار _اوضة كاملة لهدومك بس ياجبروتك ياخى

امجد بغرور_دى اقل حاجه عندى ،فرح وهى تنظر له نظرة جانبيه _مغرور
نظر اليها وجدها تبحث عن ملابسها ولا تراها

_هدومك هنا ،حطيتها فى الكورنر ده ،خاص بيكى انتى

وأشار لها على الجانب الايمن من الغرفه وجدت كميه هائله من الملابس المختلفه والباهظه الثمن
فرح بدهشه_كل ده ليا

امجد _اه طبعا هو انا عندى اعز منك يا فروح

خجلت  فرح واخذت الملابس وخرجت سريعا

ابتسم امجد على خجلها وكلم نفسه_انتى بنت جميله بجد ،ربنا يباركلى فيكى واقدر انسيكى اللى عملته فيكى قبل كده