بسمة علي

مشاهد تشويقيه

يا اهله ومرحبا بكل الي متواجيدين بقصه بسمه علي

قصه حقيقة ١٠٠٪؜ ومتحمسة حتى ابدي انشرها واكتبها الكم والبطله من متابعات القصه وحتشوف كل كلامكم وتعلقياتكم واذا شفت حماس وتفاعل للقصه يوميه والتنزيل راح يكون الساعه ١٠ مساءاً

واطلب منكم طلب مراح ياخذ من وقتكم هوايه دزون القصه لكل اصدقائكم وعشاق القصص الواقعيه والي كلها تشويق حتى يكون الحماس مشترك جد محتاجه دعمكم

ضيفو القصه للمكتبه وترقبو اول بارت وستمتعو بالقراءه

احبكم
فاطمه الساعدي

---------------------

~المشهد الاول~

بسمه,, مر يومين ع الي صار واني افكر شراح اسوي يا اما اقبل بزواجي منه لو يفضحني وبيوم يمنه بيت عمو محمد وگاعدين كلنه بليل دگ موبايل عمي مازن هوه يحجي الووو ايي منو صدك تحجي وهسه بي شي بيا مستشفى الكل جان مخبوص نهه اتصاله عمي وجانت عينه عليه واني گلبي يدگ ركضت ع عمي عموو شكوو شصاير
بابا بسمه ابوج مسوي حادث وهسه بالمستشفى بيبي صرخت واني ماحسيت ع نفسي وگعدت من طولي فزيت واني اشوف روحي بالمستشفى ومرت عمو محمد يمي وبيبي تبجي باوعت لبيبي وگتلها بابا بي شي احجي بيبي عمه فدوه ابويه وينه ركضت عليه بيبي حضنتني وجانت تگولي يمه هذا قدر ربج الله يرحمه برحمته يمه كسر ضهري ابوج مصدگت الخبر وجان الخبر صاعقه عليه سكتت ودموعي ماتنزل دفعت بيبي وگتله انتي جذابه بابا مايعوفني اسمعي بابا مستحيل يتركني وحدي كافي تبجين گمت دا اطلع وگفتني مرت عمو وهيه تبجي دفعتها وگتله شكو تبجن مخبلات بابا مابي شي طلعت من الغرفه الي اني بيها واشوف عمامي ولد عمي يبجون اجيت لعمو محمد وگتله بابا ماميت انتم عليمن تبجون رجعت ع عمو مازن عمو هذا الي خابرلك جذاب اني ادري بي بابا هسه يگعد

~المشهد الثاني~

بسمه,, جنه معزومين بيت عمو محمد لان عمي سوه ثواب لبابا الله يرحمه وناس هوايه وخبصه اني متحملت ونسوان تسئل مرت عمو مازن اذا ابقه عدهم او لا حسيت بروحي مختنگه وما اريد اشوف اي واحد منهم رحت يم بيبي گتلها راح ارجع للبيت رجعت للبيت جانت وقت ضهريه

دخلت لغرفتي واضرب ع وجهي بسمه ابجي ابجي ابوج مات بسمتج وفرحتج راحت ابوج يستاهل تبجين عليه جنت اتمنى بس تنزل دمعتي صار ٦ اشهر ع وفات بابا دمعه مانزلت مني بيبي خذتني لدكاتره گالو صدمه

بقيت اضرب ع وجهي واني متخبله گعدت ع الگاع تعبانه من غمضت عيوني واني اتمنئ ما اگعد بقيت مغمضه حسيت بيد تمشي ع شفتي فتحت عيوني وجان اشوف مهدي گعدت مخترعه ودفعته گتله والله اذا تزلمني اقتل نفسي اني اكرهك افهم ومستحيل اخذك

ما احس اله هجم عليه وبده يلتهم شفتي واني ادفع بي صرخت بابا الحگني خنگني وحاول ينزعني ملابسي واني ادفع بي واصرخ وجان اسمع صوت ورانه

~المشهد الثالث~

جانت ساعه ٢ بليل محبوسه والخوف كاتلني خاف احد يلزمني واني اعرف باجر يزوجوني غصباً ماعليه تمنيت لو بابا موجود مانضلمت هيج ولا تاذيت هيج خذت شكو ذهب عندي وفلوس وملابسي بجطنه جنت محظرتهم وضامتهم فتحت الباب ورجعت قفلته وطلعت بكل هدوء حتى لحد يحس بيه نزلت امشي ع كيف واني خايفه يشوفوني فتحت الباب وتمنيت بس اطلع بدون محد يحس عليه فتحت الباب الخارجي وطلعت گمت امشي كل سرعتي مخفت لا من الشارع ولا من الناس الي بي بگد خوفي من عمامي وصلت الشارع العام عبرت منطقتنه ردت سياره ماكووهمات خايفه من الوضع والجووو وبارد حسيت بدوخه صار يومين مماكله واني احجي وي روحي لا بسمه لا توگعين راح يلگونج مو كافي صرتي خدامه عد مرت عمج مو كافي الضلم والضرب مو كافي الشتم والاهانه وتالي الفضيحه الي سببها مهدي الج وتالي يردون يزوجج اله كافي بسمه صيري قويه وامشي لابوج ما اعرف وين امشي وين اروح مرحت لاي وحده من صديقاتي ولا خبرت اي انسان حتى لا يلگوني يمهم جنت امشي واني فاصله عن العالم خايفه بهليل يلزمني احد فكرت اروح للكاضميه يم الجواديين منا لصبح واني احجي وي نفسي وجان تجي سياره و........

انتظروني بعد يوم وينزل البارت الاول

اتمنالكم مشاهده شيقه

فاطمه الساعدي