بسمة علي

bart 30

#بسمة_علي

#البارت_الثلاثون

💜~~~~~~~~~~~~~~💜

لا أستطيع أن أكون شيئاً آخر غير نفسي
أُفضل أن أعيش حياة صغيرة
أملكها علىٰ أن أعيش حياة كبيرة تملكني💛

~~~~~~~~~~~

بسمة,, الصبح گعدت قبل علي عفته نايم ونزلت الكل جان گاعد يتريگ صبحت عليهم وگعدت اتريك عمي گال راح امشي 3 ايام للبصره

يردوني بطلابه هناك وصه خالتي دير بالها ع البيت وطلع وهاي اجت فرصه النه حتى نجبر فاتن دلينه مكان الگبر الي دفنت بي السحر

انتظرنه حسن منا طلع واجت نبراس والماس دخلن لغرفه فاتن وجتفنها وهددنها بعد تعذيب وعرك حجت وگالت مو اني الي مسويه

ام علي,, تحلفين برايه عباس انتي ممسويه شي لا انتي ولا امج

بسمه,, گامت توضت وشدت رايه العباس ممسويه سحر لا هيه ولا امها خالتي گالت بعد عوفنها وراحت لهذا شيخ جابت احروزه وادعيه

وگلها تقرين هذا السور القرانيه بمي وتشربينه اله وخطيه خالتي بقيت تسوي هيج من يشرب المي جان يهده وما يتعصب ويگعد يمنه

بعد مرور عده شهرين

بسمة,, خلصنه متحانات وانطونه النتائج والحمدلله طالعه اميتاز والماس خلصت من السادس هيه وحوراء جنه گاعدين اني وخالتي الصبح عمي جان بديوان عنده ناس ومشيه

وعلي جان بدوام ندگ الباب راحت ام زهراء تفتحه واجت گالت اكووو بنيه تريد الشيخه تحجي وياها خالتي گالت الهااا خلي تفوت

دخلت الابنيه الي جان لابسه بنطلون وقميص وشعر طالع وجانت كلش حلوووه استقبلتها خالتي وگعد بصاله الزغيره

ام علي,, امر خدمه بنيتي

ساره,, هذا مو بيت شيخ ناضم

ام علي,, اي يمه واني مرت شيخ ناضم

ساره,, يعني انتي ام علي

ام علي,, اييي يمه اني ام علي محتاجه شي

بسمة,, مدري ليش حسيت بگلبي يريد يطلع من مكانه

ساره,, خاله اني اجيت عله علي حاولت اتصل عليه مغلق

بسمة,, زين انتي ومنو ومنين تعرفين علي

ساره,, انتي اكيد بسمه

بسمة,, ومنين تعرفيني

ساره,, خاله اني جاايه وعندي حجي وي شيخ ناضم

ام علي,, گوليلي واني اوصل لي ترديه لشيخ

ساره,, لا اني اريد اقابل الشيخ اعذريني بس ما اگدر اله احجي ويااااه