بسمة علي

bart 26

#بسمة_علي

#البارت_السادس_والعشرون

💜~~~~~~~~~~~💜

‏ لاتبالغ في حبك للناس ستندم 🌿💛،

مهدي,, سوي كلشي بس خلوني اطلع منا

مصطفى,, بس اذا طلعت راح نكتب تعهد بدوله وبرايه عباس انو بسمه محد يوصل يمها

مهدي,, اييي خوش ولا ابقه بسجن

مازن,, والله وفلتت منه بسمه ولزمتنه من الايد الي توجعنه

مهدي,, هسه خلي اطلع وكلشي سهل

علاء,, مهدي هذا تعهد مو لعبه اي شي يصير بسمه انت لو واحد منه ننحبس فهذا قانون مو لعبه وشي ثاني رايه عباس مو لعبه اذا عندك نيه تسوي شي گول النه

حتى نعرف نتصرف وما نوافق ع طلبهم بس راح تبقه محبوس هنا ولا همه راح يتنازلون عن الدعوه حتى تطلع وابنهم رائد وبدوله وحتى القانون مايگدر يخلصك

لان تعرضت لمنتسب بدوله وانته تعرف بعد شنو عقوبه الي يتعرض لمنتسب بدوله مو نوب رائد معروف وابن شيخ عشيره معروفه

وتره يخوي الحجي بينه واحنه عمام احنه ناس مو مال عشائر وهمه عشيرتهم جبيره ومعروفه ومن سكان الجنوب وزين منهم انطونه هذا الحل

غيرهم تره يكتلون لو يعاركون بس اجتهم فرصه حتى ينقذون جنتهم وام حفيدهم لذالك يخوي اسمع كلامي وفكر بي كلش زين تره عرك العشائر مو لعبه سهله وتفض

محمد عم بسمه,, اني اشوف كلام علاء هوه الصح والي لازم نمشي بي

مازن,, وشنگول لناس لمن يعرفون لگينه بتنه وما سوينالها شي

علاء,, ياعمي حسب الكلام الي حجاه زوجها بتكم مانهبت وشردت من ضلمكم الهااا

مازن,, وشنووو قصدك ضلمناها احنه

علاء,, ياعمي تره احنه اهل وماينضم علينه شي واحنه ندري كلش زين ام مصطفى شسوت بيها ولا ننسه لمن حرگت ايدها ولا ننسنه من جنتو تضربوها وتاذوها

جانت تجي لينه وتشكي بس محد جان يگدر يحجي گدامك حگها الابنيه شردت اني ما ادافع الها بس جاي احجي الحق والله وصه باليتيم واما اليتيم فلا تقهر

وهيه بت اخوكم مو غربيه وبعدها زغيره وخافت منكم تاذوها لذالك شردت وخصوصاً بعد ماردتو تزوجها بالغصب واحنه كلنه نعرف من البدايه بسمه ماتريد مهدي من جان عمي المرحوم عايش

مهدي,, وقصدك احنه نتبلى عليها مو اني بعيني شفت واحد طرف من بيتنه

علاء,, شوف انته ابني صح بس هيه هم بت عمي وتعبر عرضي واني ادري بسمه ماتسوي هيج وكلنه نعرف بسمه واخلاقها ويااانه