بسمة علي

bart 47

#بسمة_علي

#البارت_السابع_والاربعون

💜~~~~~~~~~~~~~~💜

"واختر خليل قلبك بحكمةٍ فليست كل القلوب بالقلوب تليقُ، واختر لنفسك شخصًا إذا قست عليك الأيام يكن لك فيه عشم لايخيبُ"
💓🙂

>~~~~~~~~~<

صباحو قلبوشاتي كيفكم

طبعاً صارت مشكله بالحساب وستوني سويته

وهالايام كلش مشغوله بتحضيرات عرسي

بعد سبوع ومدا الحگ لذالك دا اتاخر عليكم

راح احاول اكمل القصه قبل زواجي والبارت جاي اطوله حتى اكمل اسرع🤷‍♀️💔

لتنسون ل⭐️ وتعليقاتكم الحلوه💬

احبكم🥺💜

بسمة,, ركضت ع صوت الصرخه الي من بيت عمي دخلت شفت الكل بيت عمو هاشم وبيت عمو ناضم وخالتي واگعه وحسن يخابر گتلهم شكووو شصاير

حوراء,, علي مسوي حادث

بسمة,, معرف شصار بيه من سمعت هالشي حسيت وكانو وگع گلبي من سمعت غوشت عيوني من دموع واني اتخيل علي يموت لو يصير بي شي بعدها معرفت شصارر

نرجع شوي قبل لتجي بسمة

حوراء,, واحنه گاعدين والكل جان قلقان ع علي نتصل مايرد لان نعرف بعلي هالايام تصرفاته متغيره وخايفين يسويله فد مشكله او يصير بي شي

جان بهاء يتصل وخالي قلقل وخالي هاشم موجود هوه وعائلته اجه اتصال ع حسن رفع الخط وبقه يحجي والكل جان عينه ع حسن وهوه يگول

اييي نعم اني حسن اخوو شلون شوكت وين هسه سد الخط والكل جان يباوع ع حسن ومنتظرين جواب منه گتله حسن شكوووو

حسن,, علي مسوي حادث سياره وهسه ماخذينه للمستشفى

حوراء,, اباوع بخالتي وگعت من طولها ولتمو عليها بهاي الاثناء حسن رجع خابر ودخلت بسمة وجان مبين عليها الخوف والقلق بس من گتلها علي سوه حادث

اشووو هاي وگعت حسن گال شوفيها وراحوو خالي وخالي هاشم وحسن وبهاء وسيف وام سيف راحت خذو وياهم خالتي الي واگعه وبسمة واني ردت وياهم بس مقبلوو انطيت عباتي يلبسوها لبسمة

شووي وره ما راحووو ندگت الباب اجت نبراس والماس يبجن ع علي حاولت اهدي بيهن فاتن جانت موجود بس وجودها وعدمه واحد