بسمة علي

bart 32

#بسمة_علي

#البارت_الثاني_والثلاثون

🦋~~~~~~~~~~~~🦋

‏" لا يمكنك أن تحتوي شيء وأنت مكسور، أطرافك حادّة جدًا وكل محاولاتك مؤذية "🙂👋

علي,, دخلت واشوف بسمه نايمه رحت شلت شهم الي جان يشهك من البجي ودخلت الماس انطيتها شهم ورحت گعدت بيها ماكو حرگتها ماكوو

تخلبت گتلها لبسيها منا اروح اشغل السياره تلاگت ويايه امي گتلها يوم لبسي عباتج وتعاي ويايه بسمه مدري شبيهاا شغلت السياره

ورجعت شلتها وابوي راد يروح ويانه بس گتله ماكو شي ان شاءالله خذتها ورحت وصلنه اجت الدكتوره فحصتها گالت ماما هاي الابنيه مغمى عليها

وحتى ممتغديه خلولها مغذي وانطوها مقويات مرت نص ساعه وهيه بعدها مگاعده خلص المغذي وگعدت اجيت يمها جانت شفايفها يابسه وعيونها حمره

مبين باجيه هووايه امي راحت يمها اني واگف بعيد عنها جانت تحجي وتبجي وي امي وامي تهدي بيهاا رحت وگلت لدكتوره تشوفها اذا مابيها شي حتى نطلعها

بعد ما شافهه دكتور گالت مابيها شي تگدرون طلعوها خذتها ورجعنه للبيت طول الطريق محجت شي دخلت للغرفه بس هيه محجت شي ولا منعتني

تمددت ع القنفه الي بالغرفه وبقيت اباوع الهااا وره هذا الهدوء اكيد عاصفه قووويه الله اليستر

بسمة,, حظنت شهم وخالتي راحت تنام بعد ما طمنت عني نومت شهم بفراشه وعلي تمدد ع الكرويته الي بالغرفه رحت حتى انام ما اعرف ليش ما طردته وخليته

يبقه بعد مامرت ساعه تقريباً اني مگدرت انام طلعت جانت ساعه تقريباً ب1 شفت ضوه مال غرفه الماس مشتعل بعدها گاعده رحت دگيت الباب

الماس,, ها بسومه محتاجه شي روحي ارتاحي خاف تعبانه

بسمة,, لا بس مجاني نوم مدري شبيه

الماس,, اسويلج شي تاكلي

بسمة,, مو مشتهيه اسئلج عن ساره بغرفتها

الماس,, اي خطيه لو تشوفين علي شون سحلها واحنه گاعدين موتها كتل وحابسها من صبح لا خله احد يفوت يمها ولا حتى دزلها اكل قافل عليها الغرفه

بسمة,, خاف هسه واگعه المفاتيح وين

الماس,, يم علي اكيد

بسمة,, وك ماسه ماعليج امر سويلي شي اخذها الها تاكله حرام هيه حامل

الماس,, بس علي خذاها اكل

بسمة,, ميخالف راح اشوف المفاتيح لبين متجين علي نايم بغرفتي حدور بلكي الگاهن