بسمة علي

bart 34

#بسمة_علي

#البارت_الرابع_والثلاثون

🦋~~~~~~~~~~~~~🦋

‏عجيب الليل

يجيب التايهات المالي خلگ الهن 🙂💔

🦋~~~~~~~🦋

بسمة,, فتح الباب وجان اشوف رجال جبير بالعمر ويااه مره وبنيه ولد الابنيه حلووه تجنن وعيونها بيهن لون لابسه بنطلون ويااه سويتر طويل وشال لافته بطريقه عشوائيه بس حلوو عليها

ومره جبيره لابسه جبه طويله وعريضه والولد جان جبير وحلووو مرتب كشخه وحتى الرجال الجبير همات جنه شاب بلبسه وجان وياهم جنط

سلم عليهم علي وبوسهم اني بقيت صافنه منو ذولي وصارلي سنتين وفوگ هنا اول مره اشوفهم

علي,, تفضل عمووو كل الهلا والله مشتاقيلكم 12 سنه صارلكم صدك جذب

هاشم,, هلا بيك بوويه شونك علاوي شنو ضاهر طالع

علي,, ايي والله بس عادي شغله مو كلش ضروريه

ام سيف,, شونك علاوي

علي,, هلا بيج عمه كل الهلا بخير

ام سيف,, اكيد هاي بسمة

بسمة,, هاي منين تعرفني

علي,, اييي هيه بسمة سلمي ع عمي هاشم وهاي زوجته وهذا سيف ابنها وهاي سرور

بسمة,, كل الهلا نورتو البيت سلمت عليهم وبوست المره والابنيه ودخلهم علي للبيت الكل تفاجئه بوجودهم لان صارلهم حسب مسمعت 12 سنه خارج العراق

نشغلوو بسلام لمه احباب جان عم علي هاشم مبين روحه حلوووه وشبابيه وابنه مثله عكس مرته ام سيف جانت شووي مبين عليها متعصبه

وجديه هوووايه بس سرور لا جانت منطلقه سوالف وضحك وشقه صاحلي علي ورحت ويااا لغرفه خالتي

علي,, بسمتي اذا تقبلين انئجل سفرتنه كم يوم عيب من عمي صار سنين ما شايفينه

بسمة,, عادي يروحي مو اله نسافر غير مره اكيد عيب نخليهم ونروح واني همات ما اگدر اعوف ام زهراء والماس وحدهم

علي,, بسمتي المعدله ان شاءالله اعوضج بالاحسن منهااا

بسمة,, ان شاءالله يروحي راح علي يم عمه هاشم وحسن جانوو گاعدين وره شووويه وسمعنه صوت بجي دخلت خالتي ام بهاء وام سلام

ام بهاء تبجي حظنت اخوها هاشم وتبجي هوه يبوس بيهاا ويبجي وياهااا وام سلام كذالك تبجي وهيه حاظنه اخوها بعد مرور فتره طويله نجمعوو