بسمة علي

bart 11

#بسمة_علي

#البارت_الحادي_عشر

~~~~~~~~~~~~~~~~~~~~~

للإنسان حد مُعين
للتحمل ثُم لن يستطيع
أن يستمر بعدها ،
إنه فقط يتلاشى !

~~~~~~~~~~~~~~~~~~~~~

علي,, بويه اني اريد ازوج بسمه

ابو علي,, شجاي تگول بووويه انته ابن شيخ ناضم تزوج وحده شارده من عمامها لا بووويه ما اقبل

صح الابنيه زينه وماشفنه منها شي مو زين بس بويه حجي العالم علينه

علي,, شفت بووويه انته واحد من الناس الي حجيت هيج فكيف من راح تزوج شخص غريب مثل حيدر

يعني اقلها احنه عاشرنها شكم شهر وعرفناها بت اصل وفصل وماهي من البنات المو زينه

بووويه واني اريد اسكت حجي العالم لمن الكل يعرف هاي الابنيه جنه بيت شيخ ناضم محد راح يحجي عليها

وصراحه بووويه اني ما دخلت بنيه بعقلي مثلها

ابو علي,, بووويه تتوقع امك لو بسمه يقبلن بهالشي

ام علي,, شنو هوه الي ما نقبل بي لا اني ولا بسمه

علي,, دامج اجتي بنص السالفه تعاي حتى تعرفينها

ام علي,, خير ان شاءالله

علي,, ان شاءالله خير يوم اني قررت ازوج بسمه هم اسكت حجي الناس وهم اسكتكم لان تردوني ازوج

ام علي,, بس يمه....

علي,, لا بس ولاشي يمه الابنيه مابيها اي عيب ولا بيها اي قصور وانتي تعرفيها يمكن اكثر مني شفتي شي عليها من اجتنه لحد الان راح يصير الها ٣ اشهر والانسان يبين بيومه اذا مو زين

ام علي,, لا ييمه مابيها اي عيب الابنيه ولابيها صوج بس ييمه خاف باجر ولگوها عمامها وترد بس لطلايب

علي,, زين من خطبها حيدر ليش ما گلتي هيج واذا صار ولگوها عمامها الي وياهم حجي ثاني بعد تصير مرتي

ابو علي,, يبوووي خاف يكتلوك من يشوفوك وياها وهيه شارده منهم واكيد عبالهم شردت وي واحد

علي,, يااابه اني اتحمل كل المسؤليه جنت احاول اقنعهم وجانو يجوني من باب اطلعهم من باب مانطيتهم فرصه اخر شي قنعتهم

ام علي,, بس بشرط اذا الابنيه رفضت دير بالك تفكر تخطبها مره ثانيه مستحيل اخطبها الك