بسمة علي

bart 48

#بسمة_علي

#البارت_الثامن_والاربعون

💜~~~~~~~~~~~~~💜

‏أتذكر العهد الذي لي قلته ؟
الغدر بين قلوبنا لا يقبل ،
ها أنت أهملت الفؤاد وخنته
لله ذنبك أمثل قلبي يهمل .

~~~~~~~~~~~~

زهراء,, صدگني راح افضحك بين العشائر وانو شيخهم الي يتباهون بي طلع يتعاطى حبوب هلوسه شنوو عبالك ما اعرف

وجيتك لبسمة لبيتها وموافقه بسمة عبرت عليه اني جنت متاكده من بسمة مستحيل توافق ترجعلك بس گدر بهاء يقنعها ولسبب بيدي بالعلاج ومتريد احد يعرف

علي,, بعصبيه گمت ولزمتها من شعرها قسم بالله زهراء اذا عرفت الج ايد بالموضوع صدگيني ما ارحمج

حسن,, علي هالحجي صح لو غلط

زهراء,, ليش غلط اني ما احجي شي ممتاكده منه واذا ممصدگيني سئلو بسمة وهيه تجاوبكم

ام علي,, يمه وشنو هاي من حبوب تاخذها

زهراء,, عمه هاي حبوب مخدرات واني لاحظت علي ياخذهم اكثر من مره وقبل لا يسوي حادث اجه سئلني عليهن اذا شايتلهن او لا هم گول جذب علي

ام علي,, يمه صخام صخمني علي صدك هالحجي

علي,, بعصبيه والله اليوم اموتج

حسن,, بعصبيه جاوبنه علي بتصرفاتك هاي تخلينه نصدگ حجي زهراء بسمة انتي ماجذبين صدك هالحجي

بسمة,, ما اعرف بقيت ساكته وعلي يباوع بيه بعدين اخذ زهراء سحل لبيت ابوه ونسمع عياطهم خالتي ركضت وراه

الماس,, بسمة احجي هالحجي صدك

حسن,, بسمة سكوتج يدل ع صحه هالكلام

بسمة,, اي صح بس ماردنه احد يعرف حتى لا ننفضح بين العالم وعلي شاك بزهراء هيه الي تخليله الحبوب لان يحلف علي يگول اني گمت اشوف هاي الحبوب بالمجر ومن الم راسي اخذ منها

حسن,, والله اذا يطلع هالحجي صدك لحرگ لبصره عليها هيه واهلها

بسمة,, حسن اهم شي عمو ما يدري بالموضوع وعلي الحمدلله صارله شهر تقريباً يتعالج وما باقي ع علاجه بس فتره زغيره بعد حسب ما گال الدكتور

حوراء,, والله هاي طلعت مو هينه زهراء گلنه خلصنه من شر فاتن تجي زهراء شهالنسوان هاي متخاف الله

حسن,, جااا كل النسوان مثلج انتي وبسمة

الماس,, واني مو بعينك