#جوليت وأسرها....

البارت الخامس و العشرين

البارت الخامس و العشرين
رواية..جولييت واسرها ...غياهب الإنتقام
بقلمي...نور سمو العراق..

💔💔💔💔💔💔💔💔💔

باعوك صفقة خشب
واحد يريدك درج
و واحد يريدك جسر
وثنينهم تنداس 💔💔

ايهاب المالكي...

..................................

وقفة حداد...نعبر عن بالغ حزننا، وأسفنا لمصابنا الأليم بوفاة فقيدتنا الغاليه الكتابه...ام غايب الاء احمد تغمد الله الفقيده بواسع رحمته.وانا لله وانا اليه راجعون...💔

.................................

حطت ايدها علئ خدي بحنان همست وهي تحرك بشعري...يمممه جولييت انتي بخيير

فزيت من نومتي بلهفه وحضنتها واني ابوس بكتفها وبفوطتها لكلها حنان...اييي اني،بخير يمه اني بخير من شفتج صرت بخير...

مسحت بيدها علئ وجهي وبلعت ريكها مثل العلقم...ليش هيج وجهج يمه جوليه منو ضاربج هوو..

شهكت ببكاء...اي يمممه عذبني جرحني اخذ اطفالي يتمني منج ومن اطفالي ذبحني بيده يمه ..

رمشت بعيونها الدامعه وباستني،بخدي...يهوون يمه يهون الراحوا مو شويه

فزيت من حلمي مرعوووبه رغم الحلم حلو وشفت امي،بي بس ليش داخلي مقبوض وكلبي ينبض بسرعه...

اتذكرت امي بالحلم سألتني ...شلونج يمه جولي واني جاوبته بكذب كلت...بخيير

وكفت امشي مثل العميه فتحت الضوء همست...اي يمه اني بخير ضامه بعيوني حزن هووواي.

صدگيني يمه اني بخيير ...يوميه مخدتي تحضني وتستمع الانيني...وتطبطب عليه منا لمن انام واغفه

اي يمه والله بخير صرت هادئه مو خبله مثل ما جنتي دكولين...كبرت يمه الهم كبرني صرت عجوز باول سنيني...

گلبي يوجعني شويه لا تخافين مابيه شئ ...صرت بس ابتسم ابتسامه كاذبه مو مثل قبل من جنتي ترزليني علئ ضحكتي المشهوره ودكولين جولي فضحتينه...

وكعت علئ الارض واني احضن نفسي بنفسي وجهشت ببكاء فضيع...لا يمه اني والله چذابه مو بخير ابببد مو بخير محتاجتلج تطيبين خاطري تحضنيني دكليلي ابجي علئ صدري. .

محد مثلج يمه محد افتقدني وكال هاي اكلت شربت وين راحت بس رضيه خلف الله عليها...

وينج يمه صار تلث ايام الزاد ما دخل بطني مجروحه محد طيب جرحي يمممه

عضيت ايدي امنع صوت بكائي...ولج يمممه تعاليلي ولج اختنكت راح امووووت

نمت علئ الارض واني اشهك سحبت تشيرت مرتضئ لكيته علئ الارض البارده حضنته علئ صدري ...