#جوليت وأسرها....

الجزء الثاني

الجزء الثاني...البارت الاول
رواية...جولييت واسرها...غياهب الإنتقام
بقلمي...نور سمو العراق

💔💔💔💔💔💔💔💔💔
.......
يا أسْري....
هل انتهيتَ هل مضّى ثأركَ...
هل شُفيتٓ جراحُكَ...
هل تشعر بـ تحّطُمي..
لا تعيّ كلٰاميٓ ولكــن...
هل فكرتَ بيّ أنا...
أنا أسيرٓتكَ....
ها قـد رقدتّ روُح أحبائِك بـ سلامٍ...
أنا أُنثـى إنتْهتّ حيّـاتهـُا...
ولكـــــن....
سوفَ أبقٓى أصُارعُ الحياةَ..
من أجل أُُمـي وأشباليَْ....
هنا توقف فـؤُادي عن النبـضِ بـ حبكَ...
لا أستطيعُ التنبؤَ بما سأفعلٰ...
فأناّ الأن أنثـى دهُسّت بـ عْربةِ القدَْرِ..
وتحطمَ فـؤُادي وتحولَ إلى قطعٍ صغيرةٍ...
ستْرىٰ يا كٓاسـري..
ستْرىٰ أنثى جُنت بالكاملِ...
سوفَ أصارعكَ لأخذِ ثأريِْ...
أنا الآن تحُولتُ من امرأةٍ متهورةٍ..
سأتحٓكمُ بـ نفسْيِ..
لأخذِ ثأريِْ منكَ وحِينهٓـا..
لـِ ترقُدَ روحيِّ بـ سلامٍ...
يـا كَــِاسْـريٓ....
بـ قلم Dima Al-Azzawi

...........................................
ح

ازم....

بعد ما حررتني اختي جولييت رجعت بنفس الطريق واني حامل مرسال الهم علئ عاتقي مرسال من اختي يخصها ويخص امي...

اتذكر دموعها وعيونها وجفونها الحمر وخدها المشوهه من اثر ضربه قاسيه چانت الإسرها

غمضت عيوني وغزه الدمع عيوني والغصه واكفه ببلعومي اختي محد نصفها لا احنه ولا غيرنا ضربت الستيرن بقوه

فتحت عيوني واني الف السياره بقصوئ وسرعه عاط بيه الرجال بغضب...ابن الاوادم جان متنه من وراك لا بارك الله بيك ولا بلي خله بيدك سياره

اتغاضيت عن كلامه ومجاوبته كلبي محمل بالهموم والجراح والنفس ما الها خاطر بالرد

كملت طريقي بصمت مريب وصلت من سيطره وجان ازدحام ضليت بقلق وخووف اخاف من جاسر يلزمني بالطريق وخايف علئ اختي تتعاقب

باوعت للرساله اثارني الفضول فتحتها وقريتها جان مكتوب بيها اول سطر...

يممممممه

شلونج يمه حبيبتي،مشتاقتلج هووايه رحتي،وراحت العافيه وياج يمه لحد الان محتفظه بكل ذكرئ،منج

اتذكر من ترزليني وتضربيني وترجعين تطيبين خاطري وتبوسيني،وتضحكين حتئ تضحكيني

بس يمه لحد الان الابتعاد عنج فاجعه سكنت بأعماق گلبي ولحد الان الدموع تنزل بالم وكل يوم اصررخ وانحب واستنجد بيج بس ما الگاج

يمه افتقدتج افتقد الصوتج يمه زاد الدلع باسمي هذا يسميني جوجو وذاك جوجه وهذا جكليته بس الدلع من شفايفج غيير وبصوتج احلئ

اتذكرج من دكولين جوليانه يممممه تعالي رصي رجليه ...يمه حسره بكلبي وييينج تعالي،فدوه بس خلي اشوفج