#جوليت وأسرها....

بارت 29

بارت 29
رواية...جولييت واسرها...غياهب الإنتقام
بقلمي...نور سمو العراق

💔💔💔💔💔💔💔💔💔

تــــرى صعبة ضحكتـــي هوايـــة تخفي همـــــــوم...!

..................................

جولييت...

اني انسانه ضايعه بي،وبدوونه للاسف اي فعلا احس نفسي بضياع فضييع والقلق متلبسني...

احس نفسي تايهه بوسط صحراء وماكو منقذ الي ...

وكل شخص بجانبي يحاول يغدر بيه واني الي رويتهم بماي الحياة...

الكل عزف علئ حزني المهموم بقصد او بدون قصد

احس كل شئ صار كذبه وكذبه طوويله وماكو من الحقيقه غير حزني  ...

احس روحي بدوااامه وهل دوامه تخص كاسري ومشاعره ما اتاكد من مشاعره اله اذا صرت بخطر اكبر...

اليوم قررت اروح عند شام وهل روحه بيها الي غايه يمكن الكل يلومني ويعتب عليه لان يمكن يشوف ان تصرفي غلط

بس اني عندي قناعه وهل قناعه خافيتها بداخلي واكدر اتنازل عن كبريائي واروح عندها أفهمها ان كل الي صار هو غلطه لا اني ولا جاسر اله ايد بلي صار..

لازم شام تسمع منه احنه مو من غيرنه زواجي من جاسر غلطه وموت غزل غلطه والكل الي صار الي غلطه بس اطفالي هم الي مو غلطه ومستحيل اعتبرهم غلطه...

ومستحيل اقبل واحد ينافسني عليهم ولا انطي اي واحد منهم ...

بدلت وكملت جنت كاعده واني انتظر ماما رضيه و وقار...

لزمت بطني بوجع ما اعرف من صرت حامل لحد الان واني كووولش تلعب نفسي من كووولشي من ادنئ عطر تلعب نفسي...

ابتسمت بخيبة امل ..عزا انوب بس لا اضل انقيئ عند اهل شام والله عيب مرات ما الحك علئ نفسي ومو ما اشوف تضل تتخربط احوالي...

اتذكرته من تقيئت وهو كال افتحلج اديه مدري ليش احب اهتمامه بيه احب اقل حركه منه ادنئ حركة منه ترفعني للسما

وارجع واكول لا هو بعطف عليه وكل هذا عطف لان اني يتيمه وعميه ومهجوره من اهلي ...

بس هو يعني مو مثلي هههه هو احسن مني يعني اني من تقيئت هو غسلي وبدلي وحتئ هو غسل قميصه وما استنكف مني ولا خله اي واحد يغسله غيره...

واني مره من المرات جنت يمكن صار عشر ايام من متزوجه وهو ماكل بالمطعم مدري شنو وجان لعبانه نفسه ومعدته تفور ...

خطيه ماما رضيه تركض وراه كل شويه وانطته شئ وكل شويه وكلتله...هاك يمه هذا ليمون ونعناع ومي بلكي معدتك ترتاح هاك يمه هذا علج مر