#جوليت وأسرها....

البارت السابع والعشرون

البارت ..السابع والعشرين
رواية...جولييت واسرها...غياهب الإنتقام
بقلمي...نور سمو العراق

💔💔💔💔💔💔💔💔💔💔

بارت مفاجئ لعيون احلئ متابعيين 😍😍😍

اعـيونهم

صارت گزاز بكل جفـن يندله حـلمـك
وانته يلـمجـروح خاف احچي والچمك

كاظم إسماعيل الگاطع

تنوية...الكلام الي راح يحجي جاسر بخصوص الاستفتاء الشرعي كلام صحيح ومستند ومن وكيل السيد السيستاني دام ضله واذا حابين ابحثوا عنه..

..........................................

جولييت...

ربي انطاني الجنه هي وحورها كلها اي فعلا والله رضاوي ومجتبئ عندي اغلئ من روحي ومن كل شخص مر بحياتي

جنت اضن امي واهلي وابوي  ماكووو اغلئ منهم بس تاكدت من بعد ولادتي بهل درتين ان كل الحب الهم هم بس ولا احد غيرهم...

عشت أقسئ ايام وكلها ايام حسره وضييق وجنت متحمله بس الخاطر عيونهم الحلوه

جانت الايام تمر طووويله واني احسبها واريد اشوفهم كدامي يكبرون ويلعبون

اني العانيت بسببهم احترك مرتضئ بالجاي والله روحها شاغت الروحه والدمعه ما نشفت من عيني

الدقيقه تمر بسنه اذا بجئ او اتوجع ارجف من اشوفه يبجي وما اعرف شنو اسوووي...

محتبئ حبيبي روحي ومعاناته ومرضه واعاقته والله الناس تنام وتروح واني اليل كله كاعده وغالب عليه النعاس واني اسوي مساج الرجليه وانشط اعصابه

اكول خاف العالم دكول ابن جولييت معووق وخاف يكبر ويشوف اخو يمشي وهو لا وينقهر ...

جنت اوكع من التعب بس كوون اشوفهم هم بخيير ولا فد يوم هملتهم ولا اذيتهم ابد والله...

رغم وكاحتهم والله من يتعاركون بينهم اخليهم يعضوني اني ولا اخلي واحد ياذي الثاني ...

شلووون شلوون تريد انطيها واحد من اطفالي بيا حق وبيا منطق وشدتحجي اصلا ؟

اعرف هي ما هامها تاخذ طفل مني بس الها غايه وعندها رساله تريد توصلها اليه بس اني ما حبيت هل رساله توصل بهل غايه ...

اني لو تريد هي انطيها بيتي وكووولشي بس مستحييل افرط بتوامي وابعدهم عن بعض وابعدهم عني...

اني شكد عانيت من جاسر ومن اهله ومن نوال اني لو هل توم العندي جان تطلكت ورحت هجيت ويه اهلي ولا هذا الصار

بس مجتبئ ومرتضئ هم ربطوني بعائلة مهيووب وكل شئ تحملت الخاطر عيونهم

صرخت بصوت عالي من كلامها اللاذع...مستحيييل مستحيييل انطي اي طفل من اطفالي والله لو اعرف امووووت امووووت ما انطي قطعه من ملابسهم مو اروح انطيهم الج