بارت الواحد والعشرين
رواية...جولييت واسرها...غياهب الإنتقام
بقلمي...نور سمو العراق
💔💔💔💔💔💔💔💔💔💔💔
شبيها عيونچ تريدين تبچين
سواد بـ عينچ و بـ الگوة تحچين
شبيچ إحچيلي لـ تخافين
ليش هواي ذبلانة
شنو متعب معانيچ
أول مرّة أشوفچ حيل كبرانة
أول مرّة أحس مكسورة تمشين
و آني الي أعرفچ أقوة إنسانة!
🖤🍃
.........................................
جولييت...
من اعظم اسرار قدرة رب العالمين هو النظر فعلا النظر نعمه عميقه ما نحس بيها الا اذا فقدناها
او لا مو مجرد ما نقدها بس انغمض عيونه ونحس هل نعمة انفقدت نحس برعب لا ارادي
وبرغم من صغر حجم العيون اله عضمتها وقدرتها عجيبه فعلا شئ عجيب ويعجز اللسان عن قدرة رب العالمين بخلق العيون
بحيث هل درتين الصغار يشوفن العالم الضخم كله البحار الارض السموات الكائنات كلها كلها...
وبالعيون الانسان يعرف شلون يكتسب خبرته وتفيده المعلومات الي يشووفها
فعلا الانسان من يغمض تسود الدنيا بعينه وما يكدر يغمض اكثر من هييج حتئ ما ينحرم من هل نعمه للثواني...
بس اني للاسف انعميت وسودت الدنيا بعيني وللابد
سألني جاسر والقلق والتوتر مبين من بحة صوته كال...جولييت تشوفيني؟
حاولت اشوف جبرت نفسي رفعت اديه لعيوني احس جسمي صار اشلاء وتكطعت كل شراييني همست بخووف...ما اشووف...
اول ما كلت ما اشوف جاسر انطلق بصوته القاسي وجبروته المعتاد وهو يامر كل الموجودين بالخروج...
كلهم بحده ممزوجه بعصبية....اطلعووا اطلعوا كلكم بسرعه يالله ...
حسيت المكان فضئ من انفاسهم بس اني وهو واني لسه ارمش بعيوني وما مصدكه ان اني ما اشوف
هو كال للدكتور مبحوح متعوب...دكتور شلوون دكول ما اشوووف؟
حسيته تقرب مني وحسيت باصابعه تفتح جفون عيوني ويحجي ويايه تشوفين هيج كا اعرف شنو واني كووولش،ماكو ما اشوف شئ بس ظلام حالك مثل ظلمة اليل...
جان عندي امل قبل انهياري ان اكو فد مشكله ويمكن الدكتور يكول شويه وتشوف لان جان الشاش ملفوف علئ عيونها
بس للاسف الحقيقه مره والدكتور تكلم بنبرتة المتاسفه...للاسف انعمت...
جانت كلمته مثل الزلازل وهجمت علئ مدينه خاويه وهدمت كل جزء بيها...
جنت اريد استوعب الكلمه الي نطقها انهمر مني سيل من الشهگات وعيوني تزاحمت بالدموع الملتهبه...
أنت تقرأ
#جوليت وأسرها....
ChickLitقصه عراقية تتحدث عن فتاة جميلة تعاكسها الايام لتصبح زوجه للكاسر ويحدث مالم يكن بالحساب وهو قتل بنت زوجها واخيه وابيه علئ يد اخيها السفاح فتصبح اسيرة لدا الكاسر 💔 انا أسيرتك التي لم ولن يجرؤ اي رجل علئ وجه الارض مساسها غيرك هاا انا اراقبك بمدائن من...
