#جوليت وأسرها....

بارت 35

بارت 35
رواية...جولييت واسرها...غياهب الإنتقام
بقلمي...نور سمو العراق

💔💔💔💔💔💔💔💔💔💔

آمنت بعودتك لي..
وآمنت بإنقاذي لك..
آمنت أيضا انك ملك لي..
حاربت لعينيك الزرقاوتين صغيرتي..
عيناك التي أصبحت امنيتي.. وإيمان،، حبي وكياني.
عودي لنا بما تبقى من حبنا..
عودي لاثبت لك انك الحب الأقوى

بقلم المتابعه Senorita__25

.............................

التجارب تربي وتخلي الانسان يعرف شلون يتصرف وجاسر ربته التجارب ما فديوم صار تلميذ عند غيره ولا مشئ بكلام الناس

عنده كلام الناس لا ياخذ ولا ينطي والبراسه يسوي صار الرمي مجرد ما صار الاقتحام الخوف كله صار علئ جولييت لان جولييت مسكينه لا حول ولا قوه وخافوا تجيها طلقه تايهه...

اجت الطلقه بواحد من الكان موجود ويه هيثم وهشام وطفر الدم علئ الكرسي الكاعده عليه جولييت ورشگها بدمه النكس

لزم بطنه متفاجئ و هيثم وهشام ارتبكو من شافوا الدم وكع علئ الارض وهو ينازع بروحه ويرافس...

من خلال الذهول والخوووف ضلوا هشام وهيثم مصدومين هم ما عندهم خبره واغبياء مو كد جاسر ورضا ونبيل ...

لذلك تم القبض عليهم بكل هدوء رضا ما صدك طاح الهم جلاليق ورفسات ودفرات وهم يصرخوون ...والله مو احنه احنه مالنه شغل سيدي هو عاصم الكل النذل هو الورطه

عاد بي ملازم أول نبيل...وانتم عقل ماكو براسكم ورطكم فلان علان اليوم اله اخلي نسوانكم تبجي عليكم...گواو.....

وهذا الي وكع ما اعرف منو ضربه رضا نبيل العقيد جاسر يجوز اني بمسدسي الصوتي كلشي يصير

اكو مثل يكول الحجاره الي ما تعجبك تفشخك يجوز مسدسي الصوتي ما يعجب بس احتمال هو الي فشخ...

اني زين منهم وخلوني اجيب مسدس صوتي لان اني بصراحه لا عسكري ولا شئ فما يصير عليه مسؤؤليه

اول ما طلعوا وجاسر ركض علئ جولييت ملهووف رفع راسهها الواكع بين اديه شكلها معذب لحد الجنون تحت عيونها زراك مو طبيعي وخدها مطبوعه بي اصابعهم ...

وحتئ شفايفها مجرووحه من اثر ضربه عنيفه ماذيتها

هو سحبها مثل الحمامه المجرووحه صار راسها علئ بطنه

رجع بعد وجهه عنه باوعلها بلهفه وخووف وهو يحجي وياها ..جولييت حبيبتي جووولي اني اجيتج اكعدي هااج شوفيني

شاف ما بيها استجابه نزل راسه علئ صدرها وهو يسمع الدقات قلبها المجروح باوعله بقلق وغصه..وبيها نفس ...