مطلقه فى سن العشرين

الحلقه الرابعه و العشرون

أريج: بحب شهاب
حنين: لا يا أريج لا مينفعش
أريج: ليه
حنين: انتى فقده الذاكره و نسيتى حاجات كتير من حياتك مينفعش تحبى و ترتبطى و انتى جزء كبير من حياتك مفقود
أريج: قصدك ايه
حنين: قصدى تستنى لحد ما تفتكرى
أريج: ماشى
يزيد دخل عليهم
يزيد: بتعملوا ايه
أريج: عادى بتكلم مع حنين شويه
يزيد: طب يلا الاكل جاهز
أريج: لا مش عايزه انا هدخل انام
حنين: لا عشان خاطرى تعالى كلى
أريج: حقيقه مش قادره عايزه انام
يزيد: مينفعش تعالى كلى شويه و قومى
حنين: ايوه يلا
أريج: يلا
راحوا التلاته قعدوا مع الكل يأكلوا شهاب كان بيبص لأريج و أريج كانت بتبعد نظرها عنه
احمد: ان شاء الله من بكره تبدأى تشتغلى معانا
أريج: ماشى بس هو انا كنت شغاله ايه
شهاب: مصممه ازياء يا أريج
أريج: بجد و على كده بعرف ارسم و كده
احمد: ايوه يا بنتى و رسمك جميل
أريج: انا مش فاكره ايه حاجه
حنين: مع الوقت هتفتكرى
أريج جالها صداع جامد و مكنتش قادره و مسكت رأسها و كانت هتعيط شهاب خد باله
شهاب: مالك يا أريج
أريج بوجع: رأسى وجعانى اوى
يزيد: مالك يا حبيبتى
أريج: مش عارفه انا هدخل انام
سهام: فى مسكن الدكتور كاتبه تعالى اديكى و نامى
أريج: ماشى
فى السجن
واحده راحت تقابل سالى
سالى: ايه الاخبار
هاله: تمام و انتى
سالى: تمام
هاله: طلبتينى ليه يا سالى
سالى: عايزه منك خدمه و اديكى ١٠ الف
هاله: ايه هى
سالى: عايزاكى تموتى أريج
هاله: ايه انتى بتقولى ايه اعمل كده ازاى
سالى: ازاى معرفش بس اتصرفى و هديكى اكتر من العشره
هاله: ايه سبب كرهك ليها يا سالى
سالى: بصى يا ستى هقولك
هاله: قولى سمعاكى
سالى: أريج دى رغم المال اللى كان عندهم بس كانت فى مدرسه حكومى معايا كان كل الشباب اللى فى الفصل بيحبوها مع انها مكنتش بتديهم وش حتى البنات كانوا بيحبوها و كانت بتساعدهم بس انا كنت بكرهها كنت بلاقيها بتساعد الكل بس فى حالها جت فتره كانت غريبه و تايهه استغليت الفرصه و قربت منها و عرفت انها كانت بتحب حد و سابها رميت عليها تامر كان متجوز و لما عرف انها من عيله غنيه اتفق معايا نلعب عليها و دمرنها بس للاسف طلعت تبع احمد و ابنه و لما ظهرت تانى خليتهم يطردونى فقررت انتقم منها بطريقتى و بس للاسف ممتتش فخليتهم يخطفوها و ضربتها لحد الموت
هاله: يلهوى ده انتى سم كل ده عشان الكل كان بيحبها
سالى: و كانت غنيه و جميله مش ناقصها حاجه اما انا كنت جميله و مش معايا فلوس و محدش كان بيحبنى بس انا كنت بضحك عليها و اخد منها فلوس بالهبل مره ابويا قرر ميدنيش فلوس ولا اكمل تعليم هى قلقت عليها و قولتلها اننا مزنوقين بعتتلى فلوس كتير كنت بعرف اضحك عليها لانها كانت هبله اوى
هاله: مش بقولك دماغك سم
سالى: المهم هتساعدينى
هاله: ماشى موافقه بس ٢٠ الف
سالى: تمام
فى البيت
الكل كان قاعد بيتكلم
شهاب: عملتوا ايه فى حوار حاتم
محمد: المحامى قال ان الحكومه لاقت عليه تهم كتير غير بتاعتنا و كمان اهل مراته كانوا متهمينه فى قتلها فأعتقد انه هياخد اعدام
شهاب: و بالنسبه للقذره التانيه
محمد: تامر اساسا كان معترف انه شغاله معاه فى شبكه الدعاره و احنا متهمنها انها كانت هتقتل بناتنا
شهاب: تمام
يزيد: احنا خلاص بنشطب فى الفلل هتعملوا الفرح امتى
احمد: احنا قولنا بعد خمس شهور تخلصها فى شهر ليه
يزيد: عشان نروح بيوتنا بقا يا عمو الواحد تحس الشقه ضيقه عليه
احمد بضحك: عندك حق و الله
يزيد: و فيلتك جاهزه يا شهاب ناوى تفرحنا امتى
شهاب: قول يارب
معتز: لا معلش خلصونا بسرعه عشان عايز اتجوز احنا نتجوز بعد نقلنا للفلل على طول
وئام: مستعجل ليه يا عم انت ما تسبنا نقعد فى بيتنا شويه
معتز: بقولك ايه مش عايزه تتجوزى متتجوزيش انا هتجوز ماليش دعوه بيكوا
احمد: بدل اتكتب كتبكوا مع بعض هتتجوزوا مع بعض
وئام: كده يا دادى
نها: ايوه انا عايزه اخلص منكوا عشان افضى لشهاب
شهاب: لا محدش ليه دعوه بشهاب انا هستنى نصيبى
الكل ضحك و بعد كده كل واحد دخل نام أريج قلقت قامت من النوم راحت قعدت فى البلكونه حطت السماعات فى ودانها و فضلت تسمع اغانى و تغنى معاها كانت بتسمع اغنيه لأليسا ( انا مجنونه )
بالعالم مافي بجنونك
بتغار عليا من عيونك
وعدني اني ما بخونك حتي بنظرة
عم فكر ضيع خيالي تامشي وتعرفني لحالي
ولما بشوفك اقبالي بسرق غمرا
انا مجنونة مثلك صرت قبلك
انا ما بيوم عرفت
قول بحبك لا ما قلت الا معاك
انا مجنونة مثلك صرت قبلك
انا مابيوم عرفت
قول بحبك لا ما قلت الا معاك
من يوم اللي سرقت قلبي
ضاع ومش ذنبك ذنبي
ما تتخيل شو صعبي تكون بعيد
وجودك حبيبي بيحييني
بينورلي كل سنيني
وبحس لما بتحميني خلقت من جديد
انا مجنونة مثلك صرت قبلك
انا ما بيوم عرفت
قول بحبك لا ما قلت الا معاك
شهاب جه من وراها
شهاب: صوتك جميل
أريج: هو انا كنت بغنى قبل كده
شهاب: اه كنت بتغنى فى مناسباتنا و الناس كانت على طول بتنبهر بصوتك
أريج: و انت كنت بتنبهر بصوتى
شهاب: انا بحب صوتك يا أريج و على طول بنبهر بيه
أريج: اشمعنا
شهاب: عادى يا قلبى
أريج: قلبك!
شهاب بتوتر: لا عادى عن اذنك هروح انام
أريج: ماشى
راح شهاب نام و هى كمان دخلت تنام
تانى يوم الصبح الكل فطر و الكل لبس و راح شغلهم شهاب خد أريج فى عربيته و راحوا الشركه اول ما دخلت كان معمول ليها حفله كبيره و الكل قالها حمدلله على السلامه و شكرتهم و راحت قعدت مع أيسل فضلوا يشتغلوا و لاقت نفسها بترسم حلو كمان و فضلت تفكر و ترسم و جت طلعت لاحمد توريه الرسومات و جت تنزل من السلم حد زقها و وقعت سايحه فى دمها
#نهايه_الحلقه_الرابعه_والعشرون
#Rawan