مطلقه فى سن العشرين

الحلقه الرابعه عشر

سالى: أريج
أريج بصتلها من فوق لتحت: اهلا
شهاب: انتوا تعرفوا بعض
أريج: مبعرفش الاشكال دى انا
سالى فتحت بؤها و سكتت
شهاب: طب يا سالى حطى الورق و اتفضلى انتى
سالى: حاضر يا فندم
شهاب: تعرفوا بعض منين يا أريج
أريج: مالكش فيه
شهاب: تعرفى سالى منين يا أريج
أريج: ما دى الزباله اللى اتفقت هى و تامر عليا
شهاب بصدمه و عصبيه: ايه بنت....
أريج: ممكن تهدى
شهاب: انا هطردها
أريج: لا يا شهاب باليز
شهاب: لا ليه
أريج: انا مصدقت انى لاقيتها
شهاب: ليه فهمينى
أريج: عادى مش صاحبتى
شهاب: نعم ياختى هتجننينى
أريج: هاخد حقى يا شهاب
شهاب: ازاى
أريج: دى حاجه تخصنى بقا و لو احتجت مساعدتك
شهاب: متقلقنيش عليكى
أريج: متقلقش عليا انا همشى
شهاب: كنتى عايزه ايه
أريج: مش مهم هجيلك بعدين
شهاب: ماشى
و خرجت أريج من المكتب
سالى: ازيك يا أريج
أريج: ايوه حضرتك تعرفينى
سالى: لا و الله انتى متعرفنيش
أريج: تؤ تؤ انا معرفش ناس اقل منى للاسف
سالى: ههههههههه قصدك معرفش ناس ادونى على قفايا
أريج: هههههههه ضحكتينى انتوا معرفتوش تعملوا حاجه و اللى يثبت كده شوفى انا بقيت ايه و انتوا بقيتوا ايه
سالى: بقيتى ايه انتى هربتى عشان الناس متتكلمش عليكى
أريج: اووووووه بجد ضحكتينى
سالى: ضحكتى على نفسك صح
أريج: احترمى نفسك معايا عشان مخلكيش فرجه للشركه كلها و اخليكى تطردى من هنا
سالى: ههههههههههه ضحكتينى شكلك بقيتى قويه و مش هبله بس متقدريش تعملى حاجه
أريج: اممممممممم انا هوريكى هعمل ايه
سالى: ياما ياما خاف يا عيد
أريج: انا لو من رأيى تخافى و اوى كمان
سالى: مبخافش من واحده ضعيفه
أريج: معلش
و مشيت أريج راحت لأيسل زقت الباب و دخلت
أريج: طلعت شغاله هنا طلعت شغاله هنا اهااااااااااااا
أيسل: اهدى يا أريج هى مين اللى شغاله هنا
أريج: سالى شغاله هنا
أيسل: ازاى
أريج: معرفش بس اونكل احمد و شهاب محدش فيهم شاف سالى قبل كده اساسا
أيسل: يبقى عشان كده
أريج: بنت.....بتعايرنى باللى حصل و الله مانا سيباها
أيسل: اهدى بس حصل ايه
و حكتلها أريج على اللى حصل كله
أيسل: الحيوانه بصى انا هظبطه ليكى
وقت الغدا الكل راح المطعم شويه و دخلت أريج و ايسل
الكل بصلهم و فضل يتكلم على اناقتهم و جمالهم و سالى قاعده على نارها و راحت تعدى من جمب أريج و هى ماسكه النسكافيه مدت أريج رجليها و كعبلت سالى وقعت سالى و نسكافيه وقع عليها و الكل فضل يضحك و أريج و أيسل فضلوا يضحكوا عليها
سالى: انتى حيوانه
أريج: افندم
سالى: مش انتى اللى مديتى رجلك و وقعتينى
أريج: انا فين ده
سالى: لا و الله
أريج: عندك اثبات انى انا اللى وقعتك
سالى: ماشى انا هوريكى
و مشيت سالى
أريج و أيسل ضربوا ايديهم فى بعض و فضلوا يضحكوا شويه و احمد طلبهم
أريج و أيسل راحوا: ايوه يا اونكل
احمد: تعالوا يا بنات فى ايه سالة بتقول انك وقعتيها يا أريج و أيسل كانت بتضحك
أريج: هو انا اعرف انسه سالى عشان اكعبلها يا عمو
شهاب: ايوه يا بابا أريج متعرفهاش
سالى: كدابه احنا كنا مع بعض فى المدرسه
أريج: اكيد مش هفتكر ناس اقل منى فى المستوى يا عمو و حتى لو اعرفها هكعبلها ليه حضرتك او شهاب تعرفوا عنى كده
احمد: لا طبعا يا حبيبة عمو
أيسل: و انا اشهد يا اونكل أريج معملتش حاجه
احمد: بتتهميهم ليه يا سالى
سالى: عشان دى الحقيقه يا فندم
شهاب: أريج متعملش كده يا سالى
سالى: و حضرتك بتدافع عنها ليه
أريج: خطيبى عندك مانع
شهاب و احمد و أيسل بصوا لبعض بصدمه
سالى: نعااااام ياختى
أريج: مش صح يا شهاب
شهاب: ايوه خطيبتى
أريج: اعتقد انك كده مالكيش لازمه يلا على مكتبك
سالى مشيت متنرفزه
احمد: ممكن افهم ايه اللى بيحصل ده
شهاب: دى سالى اللى اتفقت هى و طليق أريج على أريج
احمد: ايه و ازاى مطردتهاش
أريج: لا لو سمحت يا اونكل سيبها انا عايزه اعرفها مقامها
احمد: ماشى يا أريج هسيبها
أريج: ميرسى يا اونكل
أريج: شهاب ممكن نخرج نتكلم مع بعض فى اى كافيه
شهاب: طبعا يلا
و خرجت هى و شهاب مع بعض راحوا كافيه جمب الشركه
عند سالى
سالى: انا مبتردش ليه يا زفت انت
الشخص: مكنتش فاضى
سالى: أريج ظهرت يا تامر
تامر: ايه ازاى
سالى: معرفش و طلعت تعرف صاحب الشركه و شهاب ابنه و قال ايه خطيبته
تامر: كمان ازاى
سالى بعصبيه: انت كل حاجه عندك ازاى أريج اتغيرت بقت شخصيه غريب و هددتنى
تامر بضحك: و انتى هتخافى من أريج ولا دى من بصه بتخاف
سالى: مبقتش كده مبقتش اللى اتكلمت معايا واحده قويه و مش سهل حد يكسرها
تامر: اهدى كده و هيبقى ليها حل متقلقيش بكره انا هجيلها
سالى: هتيجى تعمل ايه
تامر: هتعرفى ساعتها
سالى: تمام
عند أريج
شهاب: كنتى عايزه ايه يا أريج
أريج: ممكن اطلب طلب منك و تنفذهولى
شهاب: طبعا
أريج: نمثل على سالى انى انا و انت مخطوبين ممكن
شهاب: اكيد طبعا ممكن
أريج: شكرا يا شهاب
شهاب: على ايه انتى اى حاجه هتطلبيها منى هوافق عليها
أريج: ايه الرضى ده كله
شهاب: مش احنا اصحاب و كده لازم ارضى عنك
أريج بضحك: لا و الله
شهاب: ايوه طبعا
أريج: ماشى يا سيدى يلا تعال وصلنى الشركه عشان اخد أيسل و نمشى
شهاب: يلا بينا
راح و هو و أريج الشركه مسكت ايديها و راح بيها لحد مكتبه قدام سالى و باس ايديها و هى ودعته و راحت عدت على أيسل و خدتها و مشيوا
أيسل: ايه حوار انك مخطوبه لشهاب ده
أريج: دى لعبه على سالى
أيسل: و اخره اللعبه دى ايه
أريج: معرفش بس هاخد حقى منها و شهاب هيعرف يساعدنى
أيسل: متعمليش حاجه تأذيكى ممكن
أريج: لا متخافيش
وصلت أريج أيسل عند بيتها و روحت البيت
مامى انا وصلت
سهام: حمدلله على السلامه يا قلبى
أريج: الله يسلمك يا مامى
سهام: اطلعى غيرى هدومك و انزلى هيكون الاكل جاهز
أريج: تمام يا مامى
طلعت فوق خدت شاور و غيرت هدومها و نزلت لاقيتهم قاعدين على السفره
محمد: اخبار الشغل ايه يا أريج
أريج: تمام يا دادى
أريج سرحت
يزيد: شهاب عمل معاكى
يزيد: أريج انتى معانا
يزيد: أريييييييييج
أريج: ايه فى ايه
يزيد: سرحانه ليه مالك
أريج: عادى مفيش
يزيد: متأكده
أريج: انا لاقيت سالى
الكل: ايه فين
أريج: فى الشركه شغاله سكرتيره
#نهايه_الحلقه_الرابعه_عشر
#Rawan