مطلقه فى سن العشرين

الحلقه الحادى عشر

بعد أربع سنين
عائله الحسينى كانت بتحضر لعيد ميلاد تميم و قدوم أريج من فرنسا
فى الطياره
أريج: انا مش مصدقه انى اخيرا هنزل مصر
أيسل: و مين سمعك انا معتز واحشنى اوى
أريج: يا عينى هتتخطبوا امتى ياختى
أيسل: شهرين كده على ما اظبط امورى
أريج: اكيد هتيجى عيد الميلاد
أيسل: يا ماما انا راشقه معاكى هروح بس البيت اسلم عليهم و احط الحاجات و اجى على طول
أريج: اشطا هستناكى و اعملى حسابك تنامى عندى عشان بكره نطلع على اليكس
أيسل: اشطا جدا
فى فيلا الشيال
وئام: ابسط يا عم حبيبتك جايه النهارده
معتز: دى قلبى من جوا دى
وئام: هتشتغل هى و أريج فى الشركه صح
معتز: ده اكيد اخوكى يعمل أى حاجه عشان أريج
وئام: انت هتقولى ده اخوك هيتجنن من تجاهلها دى علمته الادب
معتز: فرحان فيه حقيقه
نها: ها يا ولاد جبتوا الهدايا
معتز: اكيد يا أمى
نها: على فكره الحفله حفلتين
وئام: حفله رجوع أريج و حفله العيد ميلاد صح
نها بضحك: برافو طلعتى ذكيه
وئام بثقه: طول عمرى ذكيه
معتز بيضربها على قفاها: يا شيخه اتنيلى
وئام: بصى يا مامى بيضربنى ازاى
نها: انا تعبت منكوا اساسا. على فكره يا وئام مهاب رجع امبارح من باريس و هيفضل فى مصر على طول و جى الحفله
وئام بتوتر: الله و انا مالى يا مامى يجى ولا ميجيش
نها: لا انا بقول عادى
فى شركه الشيال
فى مكتب شهاب تحديدا
سالى بمياعه: ممكن اعرف ليه بعدت عنى و قطعت الورقتين
شهاب: زى ما تقولى كده زهقت و قررت اعقل
سالى بمياعه: بس انا مش قادره على بعدك انت وحشتنى خالص
شهاب بنرفزه: سكرتيره سالى على مكتبك حالا
سالى: ليه بس ده انا سوسو حبيبتك
شهاب بعصبيه: قولت على مكتبك
سالى: تمام
احمد لسكرتيره: ناديلى شهاب يا ليلى
ليلى: حاضر يا فندم
ليلى اتصلت بسالى: سالى قولى لمستر شهاب ان مستر احمد عايزه
سالى دخلت لشهاب
سالى: مستر شهاب مستر احمد عايزك
شهاب: تمام هروحله
خرج شهاب راح لاحمد
شهاب: ايوه حضرتك عايزنى
احمد: اقعد يا شهاب
شهاب: فى ايه يا والدى
احمد: جهزت مكتب أريج و ايسل
شهاب: ايوه الاتنين مكاتبهم جمبى و كل حاجه تمام
احمد: شهاب عايزك تخلى بالك من أريج تمام و الكل يعاملها على انها واحد من صحاب الشركه
شهاب: ده اكيد يا والدى متقلقش
احمد: تمام جهزت نفسك لحفله بالليل
شهاب: طبعا
فى المطار
يزيد كان مستنى وصول أريج و شويه و خرجت أريج هى و أيسل
أريج طلعت تجرى على يزيد تحضنه: وحشتنى اوى اوى بجد
يزيد: انتى اكتر يا قلبى ازيك يا أيسل
أيسل: تمام الحمدلله
يزيد: هتيجى الحفله صح
أيسل: اه ان شاء الله
يزيد: يلا عشان نوصلك
وصلوا أيسل و بعد كده راحوا البيت
أريج اول ما دخلت البيت: يا اهل المنزل اناااا جيت
تميم بيجرى: عمتو وحشتينى
أريج: قلبى الصغنن انت اكتر
حنين: نورتى بيتك يا قلبى
أريج: منور بيكوا يا قلبى وحشتينى خالص
حنين: انتى اكتر يا قلبى
سهام: قلب ماما وحشتينى
أريج و هى بتجرى على حضنها: انتى اكتر يا مامى وحشتينى جدا بجد. امال فين دادى
سهام: فى الشركه هيجى قبل عيد الميلاد بساعه. انتى اطلعى خدى شاور و استريحى شويه
أريج: ماشى
طلعت أريج اوضتها
أريج: اخيرا جيتك يا اوضتى وحشتينى جدا بجد
بعدين دخلت خدت شاور و نامت
بعد ساعتين جت أيسل
أيسل: أريج قومى يلا. انتى يا زفته كفايه نوم قومى بقا
أريج: سبينى شويه
أيسل: لا يلا اصحى ورانا حاجات هنعملها
أريج: انا مش ورايا حاجه سبينى انام
أيسل: اخلصى فاضل ساعه على الحفله
أريج قامت: اتنيلت اهو فى ايه بقا هنعمله
أيسل: فى اننا لسه هنلبس و نحط ميكاب و نعمل شعرنا
أريج: طيب يلا
بدأ الكل يجهز نفسه عشان الحفله و عائله الشيال و المعازيم وصلت و الكل كان منتظر أريج و أيسل ينزلوا
أيسل نزلت سلمت على الكل و قعدت جمب معتز
معتز: ايه القمر ده
أيسل بكسوف: بجد
معتز: طبعا يا قلبى
أيسل: ميرسى يا حبيبى
سهام: امال فين أريج يا أيسل
أيسل: نازله اهو
النور قطع و نزلت أريج ماسكه مايك
أريج: من أربع سنين بالظبط نور حياتنا قمر العيله تميم طفلى المفضل حقيقه كان من اجمل و اكتر الحاجات اللى فرحتنى تميم ابن اخويا حته السكره بتاعتى اللى لما كان بيجيلى زياره فى باريس بيجننى و يفضل يلعب و يشخبط على رسوماتى و يفضل يضحك و يحضنى هو خطف قلبى من ساعه ما جه على الدنيا لاف يووووو كتير ليك يا قلب عمتو. و دى اغنيه هديه ليك

زي انهاردة من كام سنة اتولد بيبي صغير صغير قد ايديا
فتح عيونه قالي فين انا وقعد يعيط يعيط شوية
كل سنة يكبر ويحلو اكتر وبكرة هيقدر يطول السما
كل سنة وانت في القلب زي ما انت ويارب توصل 200 سنة
التورتة فيها شمعة و الشمعة ليها لمعة
يلا نغنيله يلا دي الدنيا بحالها سامعة
يارب السنة الجاية و السنة بعد الجاية
عينيك الحلوة ديا منشوفش فيها دمعة
التورتة فيها شمعة و الشمعة ليها لمعة
يلا نغنيله يلا دي الدنيا بحالها سامعة
يارب السنة الجاية و السنة بعد الجاية
عينيك الحلوة ديا منشوفش فيها دمعة
هابي بيرث داي تو يو هابي بيرث داي تو يو
هابي بيرث داي تو يو هابي بيرث داي تو يو
هابي بيرث داي تو يو
لما وعينا ناس قاعدة مربعة فرحة وزيطة وزيطة وزمبليطة
لما الحبايب بتكون متجمعة الدنيا بتبقا حلوة جميلة بسيطة
كل سنة يكبر ويحلو اكتر وبكرة هيقدر يطول السما
كل سنة وانت في القلب زي ما انت ويارب توصل 200 سنة
التورتة فيها شمعة و الشمعة ليها لمعة
يلا نغنيله يلا دي الدنيا بحالها سامعة
يارب السنة الجاية و السنة بعد الجاية
عينيك الحلوة ديا منشوفش فيها دمعة
فضلت تغنى و ترقص بتميم و الكل كان بيسقف و فرحان
#نهايه_الحلقه_الحادى_عشر
#Rawan