أريج: بعد كده حبست نفسى الاوضه و كنت ساعتها ماليش صحاب بعد كده سالى دى قربت منى و بعد كده تامر ده دخل فى حياتى و طلعوا هما الاتنين بيلعبوا بيا لمجرد انى واحده غنيه
وئام: طب هو ليه عمل كده
أريج: معرفش و عشان كده لا عايزاه يقرب منى ولا حتى يكلمنى
أيسل: مانتى بتعلميه الادب و كل شويه تصديه
أريج: يستاهل عشان اللى عمله هو السبب فى اللى حصلى اصلا
حنين: يمكن عمل كده لسبب يا أريج
أريج: فى الاخر وصلنى لايه انى روحت اتجوزت واحد لعب عليا بأسم الحب كنت بهرب من حبى لشهاب بتامر
وئام: انتى غلطتى فى كده
أريج: مكنتش قادره اشوفه و هو مع كذا بنت غيرى كنت بموت و انا بشوفه مع غيرى
أيسل: يعنى مفيش امل
أريج: امل ايه انا اتجوزت و اطلقت هيجى يحبنى بعد ما بقيت مطلقه و مين هيوافق على كده
وئام: دى مش جريمه انك تتطلقى مفيش واحد مطلقه مبتجوزش و انتى مغلطتيش
أريج: فككوا بقا
حنين: خلاص اهدى و يلا ننام عشان السفر بكره
و الكل نام
تانى يوم البنات قاموا فطروا و جهزوا نفسهم و الشباب كذلك
عند شهاب
اتصل بسالى
سالى: ايوه
شهاب: سالى بقولك المكتبين اللى جمب تجهزيهم احسن تجهيز و تحطى فيهم مكاتب شيك عايزهم بكره يبقوا جاهزين تمام
سالى: حاضر بس دول لمين
شهاب: لمصممين جداد
سالى: تمام كله هيبقى جاهز حضرتك جاى النهارده
شهاب: لا يلا سلام
راح عدى على مهاب خده فى عربيته و راحوا فيلا الحسينى كان لسه معتز واصل قبله بدقايق صغيره
شهاب: ها كله جاهز
معتز: اعتقد
شهاب: فى ايه
معتز: هنقسم بعض على العربيات ازاى
شهاب: انت و ايسل مع بعض و يزيد و حنين مع بعض و انا هاخد أريج و وئام
أريج: لا مش موافقه
شهاب: يعنى انتى عايزه تبقى عزول على الناس المرتبطين
أريج: لا هاخد عربيتى
شهاب: اذا كان احنا عملنا كده عشان ميبقاش فى عربيات كتير و الاسهل كان مهاب جه فى عربيته
أريج: مانا مش هركب معاك انت بالذات
شهاب: اريج بطلى دلع
أريج: انا مبدلعش و مش هركب معاك اقولك الاحسن انا مش هسافر خالص
أيسل: لا يا أريج احنا متفقين على الرحله دى من و احنا فى باريس
أريج: بس متفقناش اركب مع شهاب
يزيد: عشان خاطرى يا أريج
وئام: عشان خاطر انا كمان
مهاب: دى اول فسحه اكون معاكوا فيه وافقى
أريج: ماشى يلا
و الكل ركب العربيات
شهاب: تحبوا نشغلكوا اغانى
وئام: اه ياريت
مهاب: بتحبى اغانى ايه يا وئام
وئام: اى حاجه المهم فرفوشه
مهاب: زى ايه
وئام: عمرو دياب ممكن
مهاب: خلاص تمام
و شغل اغنيه اللى بينى و بينك و الكل بدأ يغنى معاها و شهاب يبص لأريج من المرايا و مهاب كان كل شويه يبص لوئام و وئام تبصله و تدير وشها مكسوفه
عند معتز و أيسل
معتز: انا فرحان جدا انك معايا
أيسل: و انا كمان بجد مبسوطه من وجودك معايا
معتز: انا عايز اجى اتقدملك
أيسل: بجد
معتز: طبعا امال هسيبك مثلا انا بحبك اوى يا أيسل
و بعدين باس ايديها
أيسل: و انا كمان بحبك اوى
عند حنين و يزيد
حنين: ياااااه اخيرا هنخرج مع بعض لوحدنا
يزيد: واحشك الخروج معايا ولا ايه
حنين: جدا يا حبيبى بجد من ساعه ولادتى و احنا مبنعرفش نخرج
يزيد: ادينى هخرجك و افسحك النهارده اهو
حنين: ربنا يخليك ليا يا حبيبى
يزيد: و يخليكى ليا يا قلبى انا بحبك اوى يا حنين
حنين: و انا كمان بحبك اوى
عند أريج
مهاب: صوتك حلو يا أريج
أريج: ده شئ مش جديد
مهاب: ايوه ياعم الواثق انت
أريج: الثقه دى لازم منها عشان اعرف يكون ليا كيان
مهاب: متأكد انه هيكون ليكى كيان كبير
أريج: ميرسى يا مهاب
شهاب: متأكده انك هتعرفى تنجحى
أريج: طبعا انا هخلينى ورا حلمى لحد ما احققه
وئام: تعرفى بحب اصرارك جدا عشان توصلى للحاجه اللى بتحبيها
أريج: و انا بحبك
وئام: قلبى بقا
شهاب: هنبدأ فى محن البنات اهو
أريج: مالكش فيه و سوق و انت ساكت
شهاب: اوامرك يا استاذه أريج
بعدين وصلوا اليكس
يزيد: ها هنروح على فين
أريج: نروح ناكل جمبرى و بعدين نطلع على البحر ننزل و بعدين نركب عجل و نروح ستانلى نتصور عنده بصوا انا عايزه اعمل كل حاجه عايزه افرح
يزيد: يلا بينا نشترى مايوهات و هدوم و نأجر شقه الاول
الكل: يلا
راحوا اجروا شقه و اشتروا مايوهات و راحوا نزلوا البحر و فضلوا يلعبوا و يهزروا و يضحكوا
و بعد كده خرجوا راحوا مطعم سمك و طلبوا اكل
أريج: الله الجمبرى طعمه خرافه بجد
يزيد: اه جدا
شهاب: الكابوريا طعمها خرافه هى كمان
مهاب: ما تاكلوا و انتوا ساكتين سبونى اركز
شهاب: ركز يا طفس ركز
و بعد كده راحوا ركبوا عجل و عملوا سباق و أريج كسبت و اتصوروا و بعد كده الكل ركب عربيته و سافروا القاهره و الكل نام
تانى يوم
أريج صحيت من النوم و دخلت خدت شاور و لبست فستان و جزمه و حطت حاجاتها فى شنطتها و نزلت تفطر
أريج و هى بتبوس خد باباها: صباح الخير يا دادى
محمد: صباح النور يا قلب دادى
و راحت باست خد مامتها: صباح الخير يا مامى
سهام: صباح النور يا قلب مامى
أريج: صباح الخير يا حنين صباح الخير يا قلب عمتو
حنين و تميم: صباح النور
يزيد: و مفيش ليا
أريج: انت قلبى صباح الفل
يزيد: صباح العسل يا قلبى
و قعدت تفطر معاهم
يزيد: جاهزه يا مصممتى
أريج: طبعا جاهزه
محمد: عايزك تشرفينى
أريج: اكيد هشرفك يا دادى
خلصت اكل و راحت عدت على أيسل و خدتها و راحوا الشركه و طلعوا على مكتب احمد على طول و السكرتيره دخلتهم
أريج و أيسل: ازيك يا اونكل
احمد: اهلا اهلا بحبايبى عاملين ايه
أريج: احنا تمام الحمدلله
احمد: جاهزين
أريج و أيسل: اكيد
أحمد: شهاب هيجى و ياخدكوا على المكاتبكوا
شويه و شهاب جه
احمد: شهاب خد البنات وريهم مكاتبهم
شهاب: حاضر يا بابا يلا يا بنات
و مشيوا
شهاب: مكاتبكوا الاتنين جمبى اهو ده مكتبك يا أريج و ده مكتبك يا أيسل اي حاجه محتاجنها قولولى
أيسل: ميرسى يا شهاب
و كل واحد راح مكتبه
شويه و راحت أريج عند مكتب شهاب ملاقتش السكرتيره موجوده خبطت و دخلت
شهاب: ايوه يا أريج فى حاجه
أريج: ايوه كنت عايزاك فى حاجه
شهاب: اتفضلى فى ايه
الباب خبط و دخلت السكرتيره
سالى: يا فندم الورق اهو
سالى بتبص لاقت أريج وافقه
سالى بصدمه: أريج
#نهايه_الحلقه_الثالثه_عشر
#Rawan
أنت تقرأ
مطلقه فى سن العشرين
Roman d'amourمن اصعب الاشياء اللى ممكن نواجهها فى حياتنا الخيانه و الخذلان من اقرب الناس فى حياتنا. فتوقع بقا لما يجيلك الخذلان و الخيانه من جوزك اللى حاربتى الدنيا عشانه و اتنازلتى عن احلام كتير عشانه و تكتشفى خيانته دى مع مين مع صاحبة عمرك اللى مكنتيش بتأمنى ع...
