خداع قاتل (الجزء الاول + الجزء الثاني)

اعتذار

انا أسفة والله يا بنات علي تأخري في تنزيل الفصل بس والله غصب عني ماما تعبانه جداً جداً وانا بقيت شايلة كل حاجة في البيت وفعلاً مش مركزة في أي حاجة ولا حتي فاضية أمسك الفون شوية صغيرين عشان أكمل الفصل كتابة، أنا عارفة إني بعتذر كتير عن نزول الفصل بس والله غصب عني، وان شاء الله الفصل هينزل يوم الجمعة مش السبت وهيكون كبير أوي كتعويض عن الفصل ده، واتمني بجد انكم تعذروني...

عاوزة اقول توضيح بسيط في الرواية:-

أولا علي الناس اللي بتسأل ازاي يزن كان في الجزء الاول شرطة وفي الجزء التاني بقا قوات خاصة اللي هي تبع الجيش السؤال ده اتسألت عليه كتير، بصوا يا بنات القوات الخاصه بتشمل جيش وشرطة مش جيش بس  وأمكن بتشمل شرطة أكتر، الجيش في قسم القوات الخاصة اسمه القوات الخاصة لمكافحة الارهاب، او أسمهم القوات الخاصة بس دي بضم بقا جيش وشرطة زي ما قولت، وكمان الشرطة فيها مكافحة ارهاب بس مش زي الجيش، زي ما في جنود جيش وجنود شرطة...

تاني سؤال اتسألت عليه كتير وللاسف مش عارفة أرد عليكم بسبب النت هو ازاي اسر رجل كبير في الشرطة ومتحققش في موضوعه كويس او ازي اتظلم كدة، أولا للاسف الشرطة بيحصل فيها ظلم كتير مش في مصر بس لا في كل مكان، أولاً الشرطة في ظباط كتير منها بيظلموا المواطن وبيجوا عليه أوي، غير كدة كمان في ظباط كتير  بيتظلموا فيها ومبيعرفوش يأخدوا حقهم لو للوا او باشا كبير وواصل أوي ومش حابب الظابط ده ممكن يلبسوا أي قضية عشان يخلص منه، في الشرطة لو ظابط ملهوش سند يستند عليه زي رجل اعمال كبير أوي ليه علاقة بوزير الداخليه او للوا كبير في الشرطة عادي جدا ممكن يتأخد بالجزمة وممكن كمان مش من ظابط كبير لا من ظابط اصغر منه بس ليه سند، فآسر الموضوع اصلا كان مدبر ليه ومتجهز علي انه يتم فصله من الشغل، وهو ولا ظابط كبير ولا حاجه هو كل اللي بيعمله انه بيقوم بدوره وواجبه علي أكمل وجه مش أكتر، ياريت أكون قدرت أوضح ليكم النقطتين دول🙈🙈...

أخر حاجه كل سنة وانتم طيبين ويعيد عليكم الأيام بخير وسعاده وهنا وعيد سعيد💕💕...