خداع قاتل (الجزء الاول + الجزء الثاني)

الفصل التاسع عشر

بصوا يا بنات حقيقي انا حابة اقولكم حاجة في الأول وياريت تفهموني بجد،.. أولاً الفصل ده كان خلصان من يوم الجمعة وقولت هرجعه يوم السبت وهنزله بس حصلت ظروف خلتني مقدرتش للاسف مقدرتش انزله،.. غالباً مش بحب احكي عن حاجة تخصني لحد بس لازم اقولكم أي هي الظروف اللي بتخليني اتأخر في التنزيل،.. أنا الفترة اللي فاتت كان عندي امتحانات العملي وفعلا كانت اصعب فترة بتمر عليا بسبب الخوف والتوتر وفعلا مكنتش عارفة اركز في الكتابة،.. بعد كدة جت التسجيل في المدينة الجامعية،.. أنا كأية بيتي مش بعيد أوي عن المدينة بس للأسف مش بعرف اذاكر في البيت فبضطر اسكن مدينة عشان اعرف اذاكر وكمان بسبب العملي بتاعنا اللي بيبدأ من تمانية الصبح وبيخلص اتنين الدهر،.. وللاسف تسجيل المدينة السنادي عامل معايا الصح،.. رفعت الملف أكتر من مرة وبيترفض للاسف في الآخر،.. فبضطر اروح اعدل في الملفات بتاعتي وللاسف المكان اللي بعمل في ورقي بتاع المدينة بعيد عن بيتي ممكن تقولوا ساعتين ونص كدة مواصلات،.. يعني بطلع من الصبح مش برجع غير علي العصر،.. حقيقي برجع ميته ف بنام وبصحي بكون مش قادرة أعمل أي حاجة،.. واتوقعوا بقا أنا روحت المكان ده أكتر من خمس مرات وبردوا الملف بيترفض ولسه بحاول عشان يتقبل،.. فحالياً أنا مشغوله بالمدينة ومش هعرف اركز في حاجة غير بعد ما الملف يتقبل،.. وأي بنت في جامعة القاهرة بتقدم سكن وبتابع الرواية هتعرف ان كلامى صح ومش بضحك عليكم نهائي...

عارفة إن الكلام ده ميخصكوش في أي حاجه، بس ده رداً علي تعليق بنوته قمر قالتلي يا إما تهتمي وتنزلي الرواية يا إما تبعدي وتهتمي بحياتك الشخصية،.. أنا معنديش أي مشكلة في التعليق بتاعها أبداً لانها قارئة ومن حقها تقول اللي هي عاوزاه وأنا بحترمها جداً ومش عاوزاها تزعل مني،.. بس أنا بقولها الظروف بتكون اقوي من أي حاجة،.. غير إني والله العظيم شايله البيت كله لوحدي ومفيش حد بيساعدني نهائي لأن أختي في الثانوية العامة ومش بتساعدني في أي حاجة حتي كوبايه المايه،.. وحقيقي أنا بتعب كتير طول اليوم ولما باجي امسك الفون عشان أكتب الرواية بلاقي نفسي مش قادرة أكتب أي حاجة،.. بس بإذن الله هتكون أخر رواية هكتبها ومش هكتب حاجة تاني بعدها وهبعد عن وسط الكتابة ده نهائي لأني حقيقي مينفعش أكون موجودة جواه،.. وأخيراً بشكر طبعاً كل البنات اللي مقدرين ظروفي....
•••••••••••••••••••••••••••
••••••••••••عارفة اني صدعتكم بس حقيقي كنت لازم اتكلم معاكم شوية قبل ما تقرأو الفصل واتمني أنه يعجبكم
👇👇👇👇👇👇👇👇

-ممكن أعرف يا شيخنا هل من حكم الدين والشرع انك تكتب كتاب وحدة متجوزة من الاساس

المأذون بعدم فهم:

-تقصد أي يا بني؟؟

آسر بإبتسامة وهو ينظر إتجاه مريم بحب:

-مريم اللي هتكتب كتابها علي الاستاذ بتكون مراتي

صدمة ذهول دهشة تعلو وجوه جميع الحاضرين من هذه القنبلة الموقوته التي فجرها آسر للتو في وسط القاعة..