خداع قاتل (الجزء الاول + الجزء الثاني)

الفصل التاسع عشر

يظهر هذا الشخص امامهم بجسده الضخم وغموضة الشديد وعضلاته البارزة من اسفل قميصه، وملامح الجدية الشديدة ترتسم علي وجهه، ولكن سرعان ما تتحول الي بسمه وهو ينظر اتجاه يزن ببسمة=عامل اي يا زيزو وحشني والله

يجيب عليه يزن بابتسامة هادئة=الحمدلله بخير، والله انت اللي وحشني كتير

ثم اكمل بدهشة وهو يتطلع عليه
=بس اي ده يلا، مين اللي عمل فيك كدة

يسحب هذا الشخص مقعد ويجلس عليه ويردد بألم يحاول ان يستحمله، بسبب اصابته=فوكك يا عم دي اصابة بسيطة، يالا ارغي قول جايبني ليه انهاردة

يجيب عليه يزن بشك=هحاول اني اعدي الموضوع دلوقت، عشان بس نقدر نبدأ في موضعنا من غير تأخير

يردد بابتسامة تسلية علي شفتيه=جدع يالا قول في اي

يزن وهو وهو يوجه نظره لهم جميعاً، ويجيب بجدية شديدة =بصوا يا شباب طبعاً جاسر ولينا عارفين مين بيكون العميل السري كويس اوي، بس ميعرفوش ليه انا هو بنشتغل مع بعض في القضية دي بذات رغم انه بيحب يشتغل لوحده دايماً ومش بيشارك اي حد في المهام بتاعته، فانهاردة هنكشف ليكم كل حاجة عشان نقدر نشتغل مع بعض علي بياض و فاهمين كل حاجة تمام يا رجالة

=تمام يا فندم

يزن وهو يسحب مقعد ويجلس عليه وهو الاخر وينظر اتجاهه=أولاً لازم اعرف عمر بيك

=تمام

يزن وهو ينظر اتجاه عمر ويقول بهدوء=ده يا عمر بيكون الرائد اسر السيوفي شغال تبع الشرطة السرية، واشتغل كعميل سري لمصر  في كتير من دول بالخارج ومفيش عملية دخل فيها وفشلت وده بسبب ذكاءه الشديد، بس من وقت وفاة والده اضطر انه يستقر في مصر عشان والدته و اخوه، وكمان هو مسك الشغل مكان والده اللي تعب فيه طول عمره، وبالرغم من كدة هو......

يقاطعه اسر وهو يردد بابتسامة=بالرغم من كدة مسبتش شغلي وفضلت متمسك بيه، لاني بعشقه بمعني الكلمه ومستحيل اسيبه في يوم من الايام طول ما انا فيا الروح

يزن بهدوء=ده كل حاجة عنه، نبدأ بقا في الجد، اولاً انا واسر اللي مظبطين كل حاجة عن القضية دي من اول الف للياء، يعني جوازي من ميرال مكنش صدفة او جواز اسر من مريم مكنش بالصدفه او بغرض الانتقام منها زي ما قلها، كل حاجة كانت متخططه ليها من اول ما مسكنا القضية دي

جاسر ولينا وعمر في صوت واحد مليئ بالصدمة=بتهزروا يعني ده كله كان خدعه

ينفجر اسر ويزن في الضحك علي شكلهم الملئ بالصدمة، ليردد اسر وهو يحاول ان يكتم ضحكاته=ههههههههه مالكم عملتوا كدة ليه، متقلقوش هتعرفوا كل حاجة دلوقتي بالتفصيل

جاسر بلهفة=طب يالا احكي انت شوقتني خالص اني اعرف الموضوع من البداية

هز اسر رأسه له وبدأ هو ويزن يقص لهم كواليس ما حدث.