صمودي

مقدمة

مرحبا احبائي ومتابعيني ومتابعين قصتي
صمودي راح تعيشون وية البطلة احداث هوايةةةة لكن للاسف لازالت البطلة تعيش بدوامة الالم تمنولها السعادة

بقلمي warda_jasim

بسم الله

*******************************

واكفة انظف بالحوش جان يدخل حاتم ابن عمتي . دوم يجي هينة عبن دوامة هين بس الحمد لله دوم يجي وحدة مايجيب عمتي السعلوة ابد مااحبها دوم تغثني بحجاياتها من تجينة ما اعرف ليش تكرهني هلكد خواتي كل وحدة بيهن تجيبلهن صوغة وهداية من المدينة ومن تزور الائمة (ع)الا انه دوم تكول ابني ازوجه بت ولاية تناسبه من بغداد وتباوعلي باستصغار مجنت افهم كلامها ، عبن طفلة عمري حداعشر سنة . جنت صافنة وافكر ونسيت ابن عمي واكف كدامي ويحجي فزيت على عياطه .

_مو جاي احجي وياج.

_ هلة يبن عمي وياي ؟؟

-لا وية ابوي . روحي جيبيلي ماي . انا داخل لخالي بالاستقبال.

-رحت ركض اجيبلة ماي من السطل ، واعوج بحلكي واقلد عليه استغبال بدال ميكول ديوان .ابن ولاية وجاي هينة يغتر عليه غشششتو ابن ولاية انه هم اصير بت ولاية واكدر احجي مثله .

_وين الماييي
فزيت على صوته جايه جاايه . اخذتلة الماي جان ابوي كاعد يحجون عن دوامو شسوة بالمخفر و منو اعتقلوا او اوووو عبن هو شرطي ، انه همين احب اسمع حجيه احب اصير شرطية بس ابوي بطلني من المدرسة معدنة بنات يداومون بالقرية . انوب اريد اصير شرطية .

يمة غير اذا اكلة اريد اصير شرطية يسطرني براجدي .

خلوني احجيلكم عني شوية اسمي علياء عمري حداعشر سنة عايشة بالقرية بذي قار ، احب العب وية رفيجتي جنة عايشين بصف بيتنة امي تكول من جنت طفلة لحد الحين جوارين ، هي اصغر مني بسنة عمرها عشر سنين . عندي خمس خوات سعدية وامل ورغد ورفل انه اصغر خواتي ابوي دومه يحبني اكثرهن وعندي خمس خوان اخوي الجبير رعد و بعده مازن بعده ذيب ورائد وعائد.

ابوي شيخ العشيرة الكل يهابة ويقدرة . احبه حيلللل . اخوي رعد يدرس هندسة ببغداد كل خواني بطلوا من المدرسة الا اخوي رعد احبه حيل ومشتاقتله هو الوحيد اللي يهتم بيه اكثر من كل خواني يكول انتي بتي مو اختي فدوة لطولة يجيبلي هداية حلوة من الولاية .

فزيت وابوي يذكرني بكلامة .

_ بوية علياء روحي ساعدي امج واخياتج بالطبخ .

كمت وكلت . تأمر بوية . طلعت ورحت انكل اكل للديوان . امي تكول من تكبرين اخليج تتطبخين مثل خياتج هسة بعدج طفلة انه احب اطبخ ومتعلمته بس امي متقبل اطبخ تكول من تكبرين شلج بشلعان الكلب.

كعدنة نتغدة ، عبن ابن عمتي موش غريب علينة نكعد بصفرة وحدة ، وراهة كملنة الاكل انه رحت لغرفتي اني وامل ورغد علمود ميخلون علية غسل المواعين . غشششتو عود هنة سوو الاكل لازم عليا تغسل تهيييي بهييي كاعدة واهز بيدي و اصنف عليهن بعدين مليت ملكيت شي اشغل نفسي بيه .