اصبح الصمت الي اجمل الكلام
كم كنت اتمنى لو ان الله خلقني لا استمع لكلام احد .
********************************
جان نسمع صوت صريخ
جدو صاح _يا ستار وركض لبرة واني همين .
شفت امي واكفة تبجي بصفحة وبيبي حاظنة رجال ضخم وبيه شوية سمن اصلع من كدام عندة شوارب مو لحية وعيونة سود كبار وحواجبه ثخان وحاظن بيبي بقوة .
وعيونة مدمعة ، وخواتي مثلي صافنات وجدو وكف يباوع عليه بصدمة وجرة من جتافه وحظنة يبجي والرجال باس ايدة وراسة يبجي دمعت عيوني من الموقف رغم مااعرف الرجال .
عماتي يحظنون ويبوسون بي .
سئل على عمتي جميلة جانت بغرفتها ابد مااشوفها لان يقفلون الباب عليها ومن تشوفنا تكعد تخوفن وتسوي حركات تخلينة نبجي ونصرخ .
راح فتح غرفتها كالعادة كاعدة بسريرها وضامة رجليها بايديها وتهز بنفسها من شافت ابوية اشرتله تضحك وتبجي طلعتنا امي من غرفتها ، ورو شوية طلع الرجال اجه باس راس امي
،اشرت النة امي
_تعالوا ماما هذا بابا
جمان _يعني هذا اللي كلتي يجيب النة هداية وملاعيب
هزت راسها امي ، اجه الرجال او بابا حظن خواتي وباسهن من وصلي جانت اثار ضرب امي بعدهي بية اشرلي _مني هاي .
عليا _بنتك فاطمة
(اسفة للخربطة في الاسماء لان بالبارتات السابقة سميتها ميرا ومااعتقد هذا الاسم يلوك حيل وية الشخصية اسمها فاطمة هسة )
باوعلي بصدمة ماادري بإشمئزاز طبطب على راسي وكال _هلا بابا
يمكن لان هذا اول لقاء ومنجرحت هواي لان اصلا تعودت عالتفرقة بيني وبين خواتي .لدرجة تقبلت انو اني مختلفة عن الناس وبية نقص هلكد مكالوا عليه الوصخة ام الكمل .
بعدين الكل التهى بشغلة لو بابا حاتم يحجي وياهم على سفره .
لحد مكمل وامي مااعرف انعفس وجهة .
رجعنا للبيت وامي اصلا نست سالفة رسوبي .
يومين وسمعنا عياط ابوية وامي .
**************************************
علياء :-
اجه حاتم ، ابو جهالي اللي منعرف عنه اي خبر وعبالي يمكن ميت .
حيل فرحت بجيتة ، بس لمن جان يحجي عن سفرة وعن زيارتة وسياحة باماكن عديدة طلع اصلا متأخر علكد سنوات علمود ونستة .
ضجت حيل يعني جنت بكل هالسنوات عايشة على اهلي واهل زوجي يصرفون علية ، وزوجي جان طالع للسياحة وناسينة .ولا كأنه مخلف دستة جهال وتاركهم عليه .
مهتميت يوم يومين .
رحت كعدت يمه جان يلبس بحذائة يريد يطلع يم اصحابه يزورهم ، رفع راسه
_شكو ؟
_ةنت ليش هلكد تأخرت علينة .
باوعلي مستغرب _لتباوع هيج تارك عليه دستة جهال وفار للخا وعايش حياتك واني هنا كاعدة اكل بفلوس عيالي.
أنت تقرأ
صمودي
General Fictionقصة حقيقة لفتاة تعيش في مستنقع الوحوش تسمع لا تتكلم "لربما يكونن في لساني عيبا لكن اهون من عيب القلب " بقلميwarda_jasim✒✒
