صمودي

10

السلام عليكم
رجاءا كل واحد يمر بهالبارت
يضغط عالنجمة حتى استمر وياكم

______ _____ _____ ______ ______ ______ _______.

كأي مراهق ممكن تسمع كلام حلو ومعسول
ارتبطت بي فترة ونسيت اهدافي كلها وياريتي مسويت

بعد مادخلت للبيت استقبلتي امي .
_هاارتاحيتي هسة .

_اي يمة ارتاحيت .وطبيت للغرفة جانن البنات كلهن ديبدلن.بدلت همين واني كل فكري يم كلامه ياترى شراح يسوي .

قاطعتني عن افكاري جمان _ها ولج بيش صافنه .

لينا _امم يمنو تفكرين عيني وغمزتلي ؟.

جمان _منو هذ المستحوذ على عقلج وكرصتني من زندي .

_كافي عيب هالحجي اثكلن ولن من جدامب وانتي جمان جم مرة نبهتج لتحجين بهيج شغلات لا اكول لامي .

جمان _اوي عيني زين زين بالمعقدة .

لينا _اي صح ليش تعقديها ترة جنا نشاقة .

_هيج مواضيع مبيها شقة وعيب نحجي بيها .
جمان _اوهو اوكي اوكي لتفتحين محاضراتج .

_اعرفي اسلوبج جمان وخزرتها هي كلبت عيونها وباوعت للفون .

جان اتمدد عالسرير اي صح ليش معقدتها هو مو صرحلي باعجابة اني هم انعجبت بي بس لازم ابينلة اني مو بسهولة اجي .
صار العشاء وصاحونة .منزلت استحي انزل .

عاد كالت اسيل _اجيبلج اهنا العشا .

_لاحبيبتي تسلمين مجوعانة .
واني جذب ميتة من الجوع .

مرن يومين عادي خوالي وخالاتي تجمعو بين السوالف والضحك كضينة الوكت واني ابدا مااختلطت ولا شفت ساهر .
عود رجعنا لبغداد مرت وكت وبدت المدارس واني اهنا صرت رابع اعدادي طبيت عالادبي لان طموحي اصير محامية وتناسيت سالفة ساهر لان مااريد يأثر عليه بيوم كاعدة اقرأ عندي امتحان جغرافية وجمان بصفي كاعدة عالتلفون وحاطة الهيتفون بأذنها ومبتسمة .

_انتي مو كافي 24ساعة بالتلفون دشوية اقري ادرسي واللخ اذا رسبتي تشوي على اذاناتج بصل امي .

طلعت الهيتفون وكالت ببرود_نعم .

_نعم اللي ينعمج دااكول ادرسي ادرسي .

جمان _خليج بدراستج معليج بية .
غميتها ورجعت لكتابي مدري شعدها بهالموبايل عفية مشبعتي منه يادوب نشوفها ساعة كاعدة بينه وذاك الوكت من تخلي موبايلها على الشحن .

جتي امي وكالت _يمة ابن خالكم اهنا تعالوا سلموا عليه .

دالية _ابن خالي؟ ياهو منهم؟.

علياء _ساهر امشو سلمو عليه .

اني بس سمعت اسمه _كولي والله