بقت يومين على العرس ، او بالأحرى دخولي بطريق اضيع نفسي بي ، قبلها اجه اخوي رعد كلب البيت على روسنا شلون ينطيني ابوي لحاتم صياحه يوصل لسابع جار و ابوي بقى ميبس راسه.
بالاخير اخوي طلع من البيت مكسور ، وكسر كلبي وياه كال لاتعرفوني ولا اعرفكم ، واذا بيوم متت ماأريد احدكم يجي على كبري دام ماالي رأي بهذا البيت . امي بقت ادك وتلطم وراه وتعاركت وية ابوي بس المشكلة ابوي من النوع رغم طيبه كلبه بس من النوع العنيد يحب يفرض رأيه على الكل .
الليل كله منمته عيني عالباب بلكي رعد يجي ، بس مأجه مااعرف هاي المرة الاخيرة اللي اشوفه لو لا .
اجه اليوم الموعود لبست الابيض واني مااحس بشي ، البرود طغاني . رفل وامل يحاولن يفرحني بس حتى ابتسامة ما ابتسمت ، امي رغم هي اكثر وحدة تأكل همي بس حاولت تفرحني و خضعت لأمر الواقع .
كالوا العريس راح يفوت اجه حاتم لابس دشداشته و لاف شماغة ،اجه لزم ايدي وباس راسي وطلعنه بس طلعنة من باب الديوان امي بدت تبجي ، وتحضن بيه وتبوسني واخواتي هم ، أبوي قبل منطلع من باب الحوش كال لحاتم ، انطيتك جوهرة من جواهري يحاتم اريدك تحرصها وتصونها وتكون لها سند من بعدي متحملت دموعي بدت تنزل .
فإنهمرت دموعها وأطلقت العنان الى وجنتيها ليس برضاها فعيناها خانتها .
وحضنته باس راسي ووصاني على حاتم كال هلة هلة بأبن عمتج صيري زوجته وام جهاله وسندي وصوني .
طلعنة من ذي قار توجهنة لبغداد واني بس دموعي تجري من وصلنه للبيت عمتي هي وبناتها يهلهلون ويطشون جكليت فوك روسنة ،الي يشوف فرحتها يكول مو جنهة ذيج المجانت راضيه عليه .
مرت اسبوع على زواجي من حاتم بس مشفت منه بس الخير الحمد لله لاسكر ولاشي ، يمكن الله هداه اما عمتي يوميه تنطي بسامير علمود الشغل بس متتعده البسامير الظاهر حاتم موصيها لو ابوه ، خواته كل وحدة بيهم متزوجة بس جميلة وذيج مااعرف شلونها لاتشتغل ولاتحجي دومها بغرفتها حتى اكل تطلع تحط الهة لوحدهة وتروح لغرفتها بعد مطلعت بس للحمام ، حمويني خمسة اكبرهم قيس متزوج وزوجته حبابة عازلين بيت وحدهم ،احسن عازلين بيت وحدهم عمتي مجانت راح تخليهة براحتها ، وثاني واحد بيهم فيصل هذاك هم مزوج زوجته مسمومة شتكول زوجته يصير بس عطاله بطاله كل فلوسة على ابوه معازل ، ابد ما اله رأي كله مرتة شتكول وشتأمر يصير .وقادر ذاك اربعيني و عزوبي وكامل عرسة ورة عرسنة يعني بعد ثلاث اسابيع يعرس ، وراه حاتم واللي يشتغل ضابط ، وراه كمال اخر العنكود مثل ميكولون مدلل البيت ، بعده عزوبي.
اليوم باليل حضرت نفسي ساعة ساعتين وماكو سمعت الباب انركع كلت اكيد اجه وراهة صوت شي انكسر مهتميت عبالي واحد من جهال ، وراهة خطوات قريبة يم الباب كلت يمكن اجه ،واسمع شي وكع ،فتحت الباب واشوف حاتم واكع على بطنه لطمت على خدي وشهكت _عزة عزاني ولك حاتم شبيك . اندس بي ميتحرك جنة جثة .
أنت تقرأ
صمودي
General Fictionقصة حقيقة لفتاة تعيش في مستنقع الوحوش تسمع لا تتكلم "لربما يكونن في لساني عيبا لكن اهون من عيب القلب " بقلميwarda_jasim✒✒
